Ɛ́bɛlʉʉ 10:26 - Kɑɑ Fí

²⁶ Pɛ́ lɑɑ ńzɛɛ nyɛt wɛkŋɛ nɛ́ nu nɛ́nẅín tɛ pɛkŋɛ pɔ́ ńjí sʉ́Ꞌnɛ, ḿbɛn ḿmɛꞋ, ŋ́kɛ́ ŋ́ɡɛ pɔ nu kɛpɔŋ tɛ ḿbɔ́ ńjí jínɛ, mbɔ wɛcɔ́ pɔꞋ ndɛꞋ ẅi ḿbɔ́ pɛ́ nɔŋ nɛlɔk ńjɛ́p mɛnu kɛpɔŋ mɛkŋɛ, pɔɔ pɛn ḿbɔ́ ɡú pɔ́.

Ɛ́bɛlʉʉ 10:26 Referans Kwoze

Jɑ̂ŋ 9:41

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ kɛ́ ḿbɔ́ pɛ́Ꞌnɛ ḿbɔ́ pɛfʉmík, mbɔ pʉʉ kɑ pɔ́ ńdɔk ŋ́ɡɛ yɛcɔ́ nu kɛpɔŋ pɔ́. Lɑ́ pɑ́Ꞌ pʉʉ cúnɛ ŋɡɔ: Pɛk sɛ́ ńjʉ́ɔ zʉꞋ lɑ́, mɛnu kɛpɔŋ mʉ́ʉ lɔk ŋ́ɡɔ́ŋ nǔu pʉʉ.»

Lúkɑ́shi 12:47

ŊɡɑŋfɑꞋ ẅí ɑ jí yúu mi tɑ̌ɑfɑꞋ wɛ sɛ́ ŋ́kɔŋ, ḿbɛn ŋ́kɛ́ ḿbɔɔ yɛcɔ́ yúu niitɛ, ŋ́kɛ́ ḿbɔɔ ɡɛ yúu mi tɑ̌ɑfɑꞋ wɛ sɛ́ ŋ́kɔŋ pɔ́, pɛ́ ɡɛ ńdɑ́Ꞌ ńtswɑ́ɑ wɛ́ tɛꞋ.

Jɑ̂k 4:17

Pɔ́Ꞌɔ lɑ́, ŋu ẅí ɑ jí nɛɡɛ nu yí ɛ́ pɔŋnɛ, ḿbɛn ŋ́kɛ́ mbɔɔ ɡɛ, ɑ lɔk ŋ́ɡɛ nu kɛpɔŋ.

1 Jɑ̂ŋ 5:16

Ŋu lɑɑ ńjʉ́ɔ mɔ́ɔmɑ́ wɛ pɔ́ ŋ́ɡɛ nu kɛpɔŋ, ɛ́ kɛ́ mbɔɔ nu kɛpɔŋ yi ŋɡɑŋ ɡʉ ɛ́fú nǔu ḿpfú pfúnɛ pɔ́, ɑ ḿbúꞋ mbɔ́ mbɔ̌ Sɛ́ nǔu tú-ŋɡɑŋ, mbɔ Sɛ́ ɡʉ ŋ́ɡɛ ŋɡɑŋ luk, pɑ́Ꞌ ɛ́ lɑɑ ńtsuŋ ḿbɔ́ nu kɛpɔŋ yi ɑ kɛ́ fú nǔu ḿpfú pfúnɛ pɔ́. Lɑ́, yɛcɔ́ nu kɛpɔŋ ɡú yi ŋu ɡɛnɛ, ɛ́fú nǔu ḿpfú pfúnɛ, ŋ kɑ́ pɔ́ ńcú ŋɡɔ pɛ́ cɛꞋlɛ Sɛ́ nǔu yîyɑ́ ntɛ́ pɔ́.

2 Tɛsɑlɔník 2:10

A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

Jɑ̂ŋ 13:17

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

1 Timɔtɛ́ɛ 2:4

Jʉ́ ẅí ɑ sɛ́ ŋ́kɔŋ ŋɡɔ pʉɔmɛsɔŋ tsʉʉ luk, ḿbɛn ńjí nu nɛ́nẅín.