Ɛ́bɛlʉʉ 10:11 - Kɑɑ Fí

¹¹ Ɛ́ ɡʉ nǔu nɔŋpɔꞋ wɛ ndɛn kɑɑ, mbɔ ɑ lɛ́Ꞌ tsʉʉ, ńtʉ́ʉ pɔ ntsu fɑꞋ yɛ́, ŋ́kɛ́ ńnɔŋ pɔ tɑ́Ꞌ ntɛ́ pɔꞋ ẅi ḿbɔ́ ɛ́ pɔɔ lɑ́Ꞌ yɛcɔ́ lɛ́Ꞌ ŋ́kuꞋ nɛfú nǔu ŋu ńjɛ́p mɛnu kɛpɔŋ mɛ́ pɔ́.

Ɛ́bɛlʉʉ 10:11 Referans Kwoze

Ɛ́bɛlʉʉ 10:4

MbíꞋŋɡɔ yɛcɔ́ luk yí ḿbɔ́ mɛci pɛlúu-pɛfɔŋ mbɑ mɛ́ pɛkɛkɔm fú nǔu ŋumɛsɔŋ ńjɛ́p mɛnu kɛpɔŋ mɛ́ ɡú pɔ́.

Ɛ́bɛlʉʉ 5:1

Pɛ́ zɛɛ ŋ́ɡʉ pɔ tsɛtsɛt pʉɔmɛsɔŋ ńtsɔ́Ꞌ NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ɛ́fɑꞋ mbɔ̌ Sɛ́, nǔu tú-pʉɔmɛsɔŋ. Yɛ́ fɑꞋ pɔ́ nɛlɔk yúu ńtɔ́ mbi Sɛ́ ńnyɛt wɛ́, mbɑ nɛnɔŋ pɔꞋ ńdɔk ḿbúꞋ mbɔ́ mbɔ̌ wɛ́ ŋɡɔ ɑ likŋɛ mɛnu kɛpɔŋ-pʉɔmɛsɔŋ.

Ɛ́bɛlʉʉ 7:27

A kɑ́ pɔ́ pɑ́Ꞌ pɛcɔ́ pɑnɔŋpɔꞋ pɛɡwɛ́ pi pɔ́p kɑ ɡẅɛɛnɛ nɛnɔŋ pɔꞋ lɛ́Ꞌ tsʉʉ pɔ́. Pɔ́p kɑ pɔ́ ḿbiitɛ ńnɔŋ pɔꞋ nǔu mɔ́p mɛnu kɛpɔŋ, lɑ ḿbɛn ńnɔŋ pɔꞋ nǔu mɛnu kɛpɔŋ pɛcɔ́ pʉɔ. A kɑ nɔŋ wɛ́ pɔꞋ pɔ tɑ́Ꞌ ŋkɑ́, ɛ́ pɔ́ pɑ́Ꞌ ɑ kɑ ɡɑ́nɛ túmbʉʉ yɛ́ nǔu tʉ́ mbɑ́ŋtɛ pɑ́ŋtɛ́nɛ, ɛ́ kuꞋ pɔ́Ꞌɔ.

Ɛ́bɛlʉʉ 10:1

Mɛndɛ́ndɑ́k mi ɛ́ nǔu Nɛpʉ́ʉ-Mɔ̌sɛ̂ɛ zɛɛ ḿbɔ́ pɔ jʉ́jʉ́ŋ-mɛyúu sʉ́Ꞌnɛ mi Sɛ́ kɑ ɡɛnɛ pɑ́Ꞌ ɛ́ ɡʉ ńdɑ́Ꞌ ńtɔ́, ɛ́ kɑ́ lɔk ḿbɔ́ kwɑꞋ mîmɑ́ mɛyúu pɔ́. Ɛ́ yúu mi ɛ́ ŋ́ɡɛ, mbɔ nɛpʉ́ʉ ɛ̂nɑ́ pɔɔ lɔk nu pɔꞋ ẅí ɛ́ ḿbɔ́ ḿbíkŋɛ ŋɡɔ pɛ́ lɔk ńtɔ́ mbi Sɛ́ ŋɡuꞋ tsʉʉ, ɛ́ kɛ́ ḿbɔ́ pɔ tɑ́Ꞌ ntɛ́, ńdɔk ŋ́ɡɛ pʉɔ pi pɔ́p sɛ́ ńtsɑ́ɑ nɛkẅɛ́Ꞌlɛ ńtɔ́ nɛ́ nɛjɔ́ŋ Sɛ́, kuꞋ nɛpɔ́ pʉɔ kɛ́ lɔ́Ꞌ pɔ́.

Ɛ́bɛlʉʉ 8:2

A sɛ́ ɛ́fɑꞋ fɑꞋ-NɔŋpɔꞋ wɛ ɡwɛ́ kwɑꞋ zʉꞋ yi Sɛ́ zúꞋu, tsɛt kwɑꞋ ntɑp-Sɛ́. Ẅîwɑ́ ntɑp pɔ́ ẅi Tsɑpʉɔ kɑ lɔknɛ kwɑꞋ mbɔ mɛ́ ńnʉk tɛ ŋumɛsɔŋ pɔɔnɛ nʉk.

Ɛ́bɛlʉʉ 8:4

Kɛlístɔ kɑ pɔ́ pɛ́Ꞌnɛ ḿbɔ́ ndǔ tsɛ́tsɑ́Ꞌ, mbɔ ɑ zɛɛ mbɔɔ nɔŋpɔꞋ pɔ́, mbíꞋŋɡɔ pɑnɔŋpɔꞋ nǔu pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ, kɑ lɑ́Ꞌ mɔ́ ḿbɔ́ ɡú.