Filipɛ 4:6 - Kɑɑ Fí

⁶ Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Filipɛ 4:6 Referans Kwoze

1 Pyɛ̂ 5:7

Pʉʉ níꞋ mbɑ kʉ̈ɔ́ lɑ́ yi ɛ́ sɛ́ ńdɛɛ wʉ́ʉ, tsɛt mbɔ́-Sɛ́, mbíꞋŋɡɔ ɑ sɛ́ ńdíŋɛ wʉ́ʉ.

Mɑtʉ̈ɔ 6:8

Kɔɔ pʉʉ fʉꞋnɛ wɔ́p, mbíꞌŋɡɔ Tɑ̌ɑ wʉʉ sɛ́ ńjí yúu mi ɛ́ sɛ́ ńjɑ́k mbɔ̌ pʉʉ, tɛ pʉʉ ɡɔ ńdɔ́ɔ ɑ pɔ́ ńjí.

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Lúkɑ́shi 12:22

Yɛ́su pɛn ńcú mbɔ̌ ɡɑŋku pɛ́ ŋɡɔ: «N dɔk ɛ́sẅíi wʉ́ʉ ŋɡɔ kɔɔ pʉʉ nɑ́ŋ ḿbúꞋ mbʉʉ yʉʉ nǔu nu yúupɛjʉ́ ŋɡɔ, pʉʉ ɡɛ ŋ́kwɛ́t kʉ̈ɔ́? Kɛ mbɑ nǔu nu ndẅí ŋɡɔ, pʉʉ ɡɛ ḿmɑꞋ kʉ̈ɔ́?»

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Lúkɑ́shi 10:41

Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.

Lúkɑ́shi 18:7

Tɛ ŋkɑ́ yɛ́sʉ́Ꞌ nǔu Sɛ́? A ɡʉ ŋ́ɡɛ pɑ́Ꞌ lɑ́ ḿbɔɔ fɛ́Ꞌnɛ ńtɔ́ ńcẅɛ́lɛ́ pʉɔ pinɛ ɑ kɑ tsɔ́Ꞌnɛ wɔ́p ńdɔk ŋ́ɡɛ pɛ́ pɔ? Lɑ́ pɔ́p pɔ́ ŋ́kíi ɛ́fúŋ wɛ́ nɛnɛm pɔ́p nɛtúꞋ?

Mɑtʉ̈ɔ 10:19

Pɛ́ ɡʉ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡʉ ńtɔ́ zúꞋu cú ŋɡɔ kʉ̈ɔ́ ɔɔ? Ɛ́ ɡʉ ḿbɔ́ ŋkɑ́ ɛ̂yɑ́, Sɛ́ ɡɑ́ wʉ́ʉ nɛ́ sẅiŋɛ,

Lúkɑ́shi 12:29

Ɛ́ lɑɑ ḿbɔ́ pɔ́Ꞌɔ, kɔɔ pʉʉ pɛn ḿbúꞋ mbʉʉ yʉ́ʉ ŋɡɔ pɛ́ ɡɛ ŋ́kwɛ́t kʉ̈ɔ́, pɛ́ ɡɛ ńnɔ́ kʉ̈ɔ́?

2 Kɔlɛ̂ŋtɛ 1:11

ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.

1 Kɔlɛ̂ŋtɛ 7:32

M bɛn ḿbɔ́ ŋ́kɔŋ ŋɡɔ kɔɔ mɛcɔ́ mɛnu ɡɑ́ɑnɛ wʉ́ʉ tʉ́m pʉʉ. Ŋu ẅí ɑ kɑ́ zɔ́Ꞌ kɛ kwɑŋɛ pɔ mɛnu-Tsɑpʉɔ. A lɔɔ pɔ nɛɡɛ yúu mi ɛ́ ɡʉ ḿbɔŋ Tsɑpʉɔ.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

1 Kɔlɛ̂ŋtɛ 7:21

ḿbɔ́ yi Sɛ́ kɑ ɡɔ́ fúŋ wú ɔ pɔ́ ŋkwɑɑ, kɔɔ púꞋ mbʉʉ yu mbíꞋ pɔ́Ꞌɔ. Lɑ́ ŋ́kɛ́ ḿbɔ́ yi mbɔ shʉ́ cẅɛt, ɔ lɛɛtɛ nǔu ńtsʉ́Ꞌ ndúunút,

Mɑtʉ̈ɔ 6:34

Pɔ́Ꞌɔ lɑ́, kɔɔ pʉʉ púꞋ mbʉʉ yʉʉ nǔu nu-lɛ́Ꞌlɑ́Ꞌ-zɔ́n. Lɛ́Ꞌlɑ́Ꞌ-zɔ́n, ɡʉ ŋ́ɡɛ ńtɔ́ nɛ́ mɛ́ mɛnu. Yɛ́tɛ ŋɡʉ̈ɔ́Ꞌ lɑ́ kuꞋ nǔu yɛ́ lɛ́Ꞌlɑ́Ꞌ.»

1 Timɔtɛ́ɛ 2:1

Pɔ́Ꞌɔ lɑ́, mɔ ŋ́ɡɛ ŋ́ɡɔ ḿbɛn ńcú nu, ḿbiitɛ ńcú ŋɡɔ ɛ́ sɛ́ ḿbíkŋɛ ŋɡɔ pʉɔ-Sɛ́ pɔ́ ńcɛꞋlɛ wɛ́ nǔu tú pʉɔ tsʉʉ, ḿbɔ́ ńdɔ́ɔ mbɔ̌ wɛ́ ŋɡɔ ɑ cẅɛ́lɛ́ mbɑ wɔ̌lɑ́, ḿbɔ́ ḿbúꞋ mbɔ́ mbɔ̌ wɛ́, ḿbɔ́ ŋ́ɡɛ́mtɛ wɛ́ nǔu tú mbɑ wɔ̌lɑ́.

1 Timɔtɛ́ɛ 5:5

Mpfúk ẅí ŋu kɑ́ pɔ́ nzʉʉ wɛ́ pɔ́, pɔ́ pɔ zɛ́nɛ jʉ́, ɑ nɑ́ŋ yɛ́ ńdíŋɛ sɛ̂ndúŋ ńzẅíꞋlɛ pɔ Sɛ́, ḿbɔ́ ḿbúꞋ mbɔ́ mbɔ̌ wɛ́ nɛnɛm, nɛtúꞋ kɛ́ kɑ́ɑ, ŋɡɔ ɑ cẅɛ́lɛ́ wɛ́.