Filipɛ 4:17 - Kɑɑ Fí

¹⁷ N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Filipɛ 4:17 Referans Kwoze

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

Jɑ̂ŋ 15:8

«Yúu mi ɛ́ lɑɑ ḿbɔ́ ɛ́ ɡɛ pɛ́ ɡúꞋlɛ Tɑ̌ɑ mɔ, ɛ́ pɑ́Ꞌ ɛ́ lɑɑ ḿbɔ́ pʉʉ ɡɛ yúu sʉ́Ꞌnɛ tɛꞋ, ḿbɛn ḿbɔ́ ɡɑŋku pɑ́ɑ.»

1 Pyɛ̂ 5:2

N cú mbɔ̌ pʉʉ pɑcẅɛ́ɛmbi ŋɡɔ pʉʉ tsiinɛ nɔɔ-njinjɔ-Sɛ́ yi ɑ kɑ ɡɑ́nɛ mbɔ̌ pʉʉ, kɔɔ pʉʉ tsiinɛ pɔ pɑ́Ꞌ ŋkɑ́ yi pɛ́ ɡẅɛɛ wʉ́ʉ ɡẅɛɛnɛ lɑ́, pʉʉ tsiinɛ nɛ́ tʉ́m sʉ́Ꞌnɛ, pɑ́Ꞌ Sɛ́ sɛ́ ŋ́kɔŋ. Kɔɔ pʉʉ ɡɛ pɑ́Ꞌ ŋkɑ́ yi pʉʉ lɔɔ ŋkɑ́p lɑ́, pʉʉ lɔk pɔ ŋkɔŋɛ.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

Filipɛ 4:11

Ŋ kɑ́ pɔ́ ńcú pɔ́Ꞌɔ, mbíꞋŋɡɔ yɛcɔ́ yúu sɛ́ ńjɑ́k mbɔ̌ mɔ pɔ́. Ŋ kɑ zíꞋ nɛpɔ́ yi n dɑɑ ńjɑ́k yúu ɔɔ, kɛ ŋ́ɡẅɛɛ mbɑ ɡẅɛɛnɛ ɔɔ, m bɔ́ ńtsɑ́ɑtɛ tsɑ́ɑtɛ́nɛ.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

2 Kɔlɛ̂ŋtɛ 9:5

Yúu mi ɛ́ kɑ ɡɛnɛ n jʉ́ɔ ŋɡɔ ɛ́ sɛ́ ḿbíkŋɛ ŋɡɔ ḿbúꞋ mbɔ́ mbɔ̌ pɔ́ɔpɛ́mɑ́ pɑ́ɑ, pɔ́p piitɛ lɑ́Ꞌ pʉʉ lɑ́ pɛk ńtɑ́ɑ ńtɔ́, ḿbiitɛ pɔ́Ꞌɔ, nɛcúꞋlɛ yʉ́ʉ yúu mi pʉʉ kɑ lɑ́Ꞌnɛ ŋ́kɑꞋ nɛlɔk tʉ́m sʉ́Ꞌnɛ ŋ́ɡɑ́, ńjí ŋɡɔ ŋ ɡʉ ŋ́ɡɔ́ ńtɔ́, ɛ́ pɔ́ tɑ́Ꞌ zʉꞋ. Pɛ́ jʉ́ɔ ŋɡɔ ɛ́ kwɑꞋ yúu pɔŋtʉ́m, tɛ ɛ́ kɑ́ pɔ́ yúu mi pʉʉ ɡɑ́nɛ pɛ́ pɔ́ ɛ́fyɛ́t wʉ́ʉ fyɛ́tnɛ pɔ́.

Pʉɔ-Lɔ́mɑ 15:28

Mɔ ŋ́ɡɛ ḿbɔ́ tɛ ŋ́ɡʉ ŋ́ɡɑ́ yɔ ŋkɑ́p yi pɛ́ kɑ mɑꞋnɛ lɑɑ, ŋ́ɡʉ Ɛspɑ̂nɛ, ŋɡɔ ŋ́ɡʉ ńdɛɛ wɛ́ lɑ́Ꞌ pʉʉ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

2 Kɔlɛ̂ŋtɛ 11:16

Tsʉ́Ꞌnɛ m bɛn ɛ́sẅíi wʉ́ʉ, ḿbɑ́ɑ ŋu wʉʉ nɛkwɑŋɛ ŋɡɔ mɔ pɑ́lɛ́, ŋ́kɔŋ pʉʉ kwɑŋɛ, ḿbɛ́m ŋɡɔ ŋ ɡɛ pɑ́Ꞌ pɑ́lɛ́ lɑ́, mbíꞋ pɔ́Ꞌɔ ńnɑ́Ꞌ ŋ́kɑꞋmɛ mɔ́zʉꞋ.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

1 Timɔtɛ́ɛ 3:3

Ɛ́ kɑ́ píkŋɛ ŋɡɔ ɑ pɔ́ ŋu ẅí ɑ mɑꞋnɛ mbʉʉ yɛ nǔu mɛluꞋ pɔ́, ŋɡɔ ɑ sɑ́Ꞌ mbʉꞋ pɔ́. Ɛ́ píkŋɛ ŋɡɔ ɑ pɔ́ ŋu ẅí ɑ pɔ́tnɛnɛ, ŋu ẅí ɑ kɑ́ lɔɔ fɛꞋ pɔ́. Kɔɔ ɑ pɔ́ ŋu ẅí ɑ zɑ́pnɛ tʉ́m yɛ́ nǔu ŋkɑ́p.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

2 Pyɛ̂ 2:15

Pɔ́p kɑ mɛꞋ mɔ́ sɛ̂ndúŋ ẅi ɛ́ tʉ́ʉnɛ ndʉ́ŋndʉŋ, ḿbɛ́ ńtsʉ́Ꞌ ńnɛn pɔ nǔu wɛ Mbɑlɑm, mɔ́ɔ-Mbɔzɔ̂ɔ. Mbɔ pɛ́ kɑ ɡɑ́ ŋkɑ́p mbɔ̌ wɛ́, ńdɔk ńzúu wɛ́ pɑ́Ꞌ ɑ ɡʉ ŋ́ɡɛ nu kɛpɔŋ. A líŋɛ ŋkɑ́p ɛ́ pɔŋ wɛ́, ɑ pɛ́m.

1 Timɔtɛ́ɛ 6:10

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.