Filipɛ 2:26 - Kɑɑ Fí

²⁶ KwɑꞋ jʉ́ zɛɛ ḿbɔ́ ńtsɑ́ɑ tɛꞋ nɛpɛn ńjʉ́ɔ wʉ́ʉ pɛ́tsʉʉ, mbíꞋŋɡɔ ɑ jí ŋɡɔ pʉʉ kɑ zúꞋ nu-ɡɔɔ yɛ́, ɛ́ ɡɑ́ɑnɛ wʉ́ʉ tɛꞋ.

Filipɛ 2:26 Referans Kwoze

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Ɛ́fɛ̂zɛ 3:13

Pɑ́Ꞌ Sɛ́ kɑ ɡɛ pɔ́Ꞌɔ lɑ́, mɔ sɛ́ ḿbúꞋ mbɔ́ mbɔ̌ pʉʉ ŋɡɔ kɔɔ pʉʉ jʉ́ɔ pɑ́Ꞌ mɔ sɛ́ ńjʉ́ɔ ŋɡʉ̈ɔ́Ꞌ nǔu tú yʉ́ʉ, ŋ́kɑ́ɑ. Yîyɑ́ ŋɡʉ̈ɔ́Ꞌ sɛ́ ńcẅɛ́lɛ wʉ́ʉ, ḿbɔ́ mbɔ̌ pʉʉ ḿbɔ́ pɔ cɔꞋ-nɛfɔɔ.

Pʉɔ-Lɔ́mɑ 12:15

Pʉɔ lɑɑ ḿbɔ́ ńtsɑ́ɑtɛ pʉʉ pɛpɔ́p tɛmtɛ ńtsɑ́ɑtɛ, ḿbɔ́ ńdɑɑ pʉʉ pɛpɔ́p tɛmtɛ ńdɑɑ.

Filipɛ 4:1

Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

Pʉɔ-Lɔ́mɑ 9:2

Yîyɑ́ nu ɛ́ ŋɡɔ n nɑ́ŋ kwɑꞋ nɛ́ nɛmʉk, ḿbɛn ḿbɔ́ ńzúꞋ kɛ́kɑ́ŋ tʉ́m mɔ ŋkɑ́ tsʉʉ mbi pɔ́ɔpɛ́mɑ́ pɑ́ɑ pɑyúdɑ.

Mɑtʉ̈ɔ 26:37

ɛ́fɑk pyɛ̂ pɔ́p mbɔ́ŋkʉ̈ɔ́ Zɛbɛ́dɛ̂ pɛ́pɑ́, pɔ́p pɛpɔ́p ɡʉ, ɑ zɛ nɛzúꞋ kɛ́kɑ́ŋ tʉ́m yɛ́, nɛvú kwɛ́t wɛ́,

Mɑtʉ̈ɔ 11:28

Pʉʉ pɛtsʉʉ pínɛ pʉʉ tíinɛ piꞋ nǔu mbɑɑndyɔŋ ɛ́ jɔt wʉ́ʉ tɛ pʉʉ kɑ́ɑ, pʉʉ tɔ́ ńtsɛ́t wɑ́ɑ, ŋ ɡɛ pʉʉ jẅiitɛ.

1 Pyɛ̂ 1:6

Pʉʉ jʉ́ɔ yúu mi ɛ́ ɡɛnɛ pʉʉ pɔ́ ńtsɑ́ɑtɛ tsɑ́ɑtɛ́nɛ, tɛ mbɑ pɑ́Ꞌ ɛ́ ŋkɔ̂ɔnɛ ḿbɔ́ ḿbíkŋɛ ŋɡɔ pʉʉ nɑꞋ ḿmʉk nǔu ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ lɑ́.

Filipɛ 1:3

Ŋ kwɑŋɛ wʉ́ʉ tsɛt tʉ́m mɔ ŋkɑ́ kʉ̈ɔ́ lɑ́, ŋ́ɡɑ́ pɑ́Ꞌlɑ́ mbɔ̌ Sɛ́.

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

2 Kɔlɛ̂ŋtɛ 9:14

Nu yʉ́ʉ ɡʉ ŋ́kúu tʉ́m pɔ́p, pɔ́p nɑ́ŋ ḿbɔ́ ńcɛꞋlɛ Sɛ́ nǔu tú yʉ́ʉ, mbíꞋŋɡɔ pɔ́p jʉ́ɔ ŋɡɔ ɑ ɡɑ́ fuꞋ níinɛ yʉ́ʉ, pʉʉ ɡẅɛɛ tʉ́m sʉ́Ꞌnɛ tɛꞋ, lɑ́ mbɔ́ ńcẅɛ́lɛ pʉɔ pɑ́Ꞌɑ.

1 Kɔlɛ̂ŋtɛ 12:26

Lɑ́ ḿbɔ́ yi mɛcɔ́ mɛzʉꞋ-mbʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, mɛcɔ́ pɛn ńjʉ́ɔ yɔ́p ŋɡʉ̈ɔ́Ꞌ yîyɑ́ ɡúu, ḿbɔ́ yi pɛ́ lɑɑ ḿbɔ́ ŋ́ɡɑ́ mɛku yɛcɔ́ zʉꞋ-mbʉʉ, mɛcɔ́ pɛn ńtsɑ́ɑtɛ yɔ́p ɡúu.

Pʉɔ-Lɔ́mɑ 1:11

MbíꞋŋɡɔ mɔ sɛ́ ńtsuŋ ńtsɑ́ɑ nɛtɔ́ ńjʉ́ɔ wʉ́ʉ, nɛpɔ́ yi ŋ ɡʉ ŋ́ɡɛ Zẅikŋɛ Lɛ́ɛnɛ́nɛ ɡɑ́ fuꞋ níinɛ yʉ́ʉ, mɛtʉ́m mʉ́ʉ kẅiꞋ ńtɛntɛ. Pʉʉ lɔk pɔ́Ꞌɔ ŋ́kẅiꞋ ńtɛntɛ.

ŊwɑꞋnɛ-Gɑŋntúu Yɛ́su Kɛlístɔ 21:13

Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

Filipɛ 2:25

Ŋ kɑ jʉ́ɔ ŋɡɔ ɛ́ pɔŋ, ŋ ɡɛ mɔ́ɔmɑ́ wɛkŋɛ Ɛpɑfɔlɔdit pɛn nzʉʉ, ńtsɛ́t wʉ́ʉ. Ɛ́ yɛ́tɛ́ yi pʉʉ kɑ túunɛ wɛ́ ɑ tɔ́ ŋ́ɡɑ́ yúu mi ɛ́ kɑ pɔ́ ńjɑ́k mbɔ̌ mɔ ńdɑ́. A ŋu ẅí pɛknɛ́ kɑ zɛnɛ ɛ́fɑꞋ, ńzɛ ńdʉ̈ɔ́Ꞌ ntsɔ nǔu nu-Yɛ́su Kɛlístɔ.

Filipɛ 2:27

Gɔɔ ɛ̂yɑ́ kɑ pɔ́ ɡú tɛꞋ, tɛ ɛ́ kɑ tsʉ́Ꞌ mɔ́zʉꞋ ɑ pfú. Lɑ́ Sɛ́ tsɑ́ɑ mɛjʉ́ŋ mɛ́, ḿbɛn ńtsɑ́ɑ mbɑ mɑ́ɑ ŋɡɔ kɔɔ mɔ pɔ́ tsɛt ŋɡʉ̈ɔ́Ꞌ, ḿbɛn ńtíi yɛcɔ́.