Filipɛ 2:10 - Kɑɑ Fí

¹⁰ nɛpɔ́ yi ŋu lɑɑ ńzúꞋ lík-Yɛ́su, kɛ ḿbɔ́ pɔ ŋu ẅí ɑ tʉ́nɛ́pú ɔɔ, kɛ ndǔ tsɛ́tsɑ́Ꞌ ɔɔ, kɛ nzɛm sɛ́ ɔɔ, ɑ ɡɑ́ mɛkuꞋ ńtsɑ pɛfɔɔ mbɔ̌ wɛ́.

Filipɛ 2:10 Referans Kwoze

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

Mɑtʉ̈ɔ 27:29

ḿbɛn ńdɔk mɛnzɔ́ŋ ḿbɑ́Ꞌ cɔꞋ ɛ́sɔ tú yɛ́, ńníꞋ kɛkɑꞋ nǔu pɔ́ yɛ́ yi tʉʉ, ḿbɔ́ ŋ́kẅíꞋlɛ mbi yɛ́, ńzɔɔtɛ wɛ́ ńcú ŋɡɔ: «Zɑɑmɔ́ɔ, fɔɔ pɑyúdɑ!»

Mɛnu ɛ́ ńdɑ́Ꞌ ńcẅɛt 20:13

Ŋki kɛ́ nɛpɑt ɡɑ́ mɛpfú pʉɔ pí pɔ́p kɑ fʉ̈ɔ́tnɛ ŋki. Nɛvú mbɑ lɑ́Ꞌ-pɛpfú pɛn ŋ́ɡɑ́ mɔ́p mɛpfú, pɛ́ ŋɑk mbɑ wɔ̌ lɑ́ nǔu pɑ́Ꞌ mɛfɑꞋ mɛ́ kɑ pɔ́nɛ.

Ɛ́fɛ̂zɛ 4:9

Pɔ́Ꞌɔ, pɛ́ cú ŋɡɔ ɑ kɑ kɔ́Ꞌ nɛ́ tʉ́nɛ́pú, ńdɔk ńcú ŋɡɔ kʉ̈ɔ́? Ńdɔk ńcú ŋɡɔ Kɛlístɔ kɑ zɛɛ ńcúŋ tɛ ŋ́kúu ndǔ tsɛ́tsɑ́Ꞌ zɑꞋnɛ.

Pʉɔ-Lɔ́mɑ 11:4

A cú pɔ́Ꞌɔ, Sɛ́ tsɔ́Ꞌ mbɔ̌ wɛ́ ŋɡɔ kʉ̈ɔ́? Sɛ́ tsɔ́Ꞌ ŋɡɔ: «Ŋ kɑ tíitɛ pʉɔ pɑ́ɑ tɛ pɔ́p pɔ́ ntsɑ́Ꞌ sɑɑmbɑ́, ɛ́ pɔ́ pʉɔ pi pɔ́p kɑ́ ŋ́kẅíꞋlɛ mbi sɛ́ ẅi pɛ́ fúŋnɛ ŋɡɔ Bɑɑl pɔ́».

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 5:3

Ńcú pɔ́Ꞌɔ, pɛ́ pɔɔ jʉ́ɔ ŋu fú tʉ́nɛ́pú, kɛ ndǔ tsɛ́tsɑ́Ꞌ pɔ́, kɛ tsɛt tsɛ́tsɑ́Ꞌ pɔ́, ŋ́kuꞋ ŋu ẅí ḿbɔ́ ɑ kíɛꞋ, ḿbɛn ńdíŋɛ yúu mi ɛ́ tsɛtú pɔ́.