Filipɛ 1:28 - Kɑɑ Fí

²⁸ Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.

Filipɛ 1:28 Referans Kwoze

Mɑtʉ̈ɔ 10:28

Kɔɔ pʉʉ pɔ́k pʉɔmɛsɔŋ, pɔ́p kuꞋ pɔ ndɑꞋ nɛjẅí mbɑp-mbʉʉ, ḿbɛn ŋ́kɛ́ mbɔɔ kuꞋ nɛkuu zẅikŋɛ pɔ́. Pʉʉ pɔ́k pɔ ndɑꞋ Sɛ́, mbíꞌŋɡɔ ḿbɔ́ ɑ tɛmtɛ mbɑp-mbʉʉ pɔ́p zẅikŋɛ ŋ́ɡwɛ́tnɛ, ḿbɛn ŋ́kuꞋ nɛmɑꞋ tsɛt múk.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Ɛ́bɛlʉʉ 13:6

Ɛ́ yúu mi ɛ́ ɡɛnɛ ŋu wɛkŋɛ kuꞋ nɛcú nu tɛ ḿbɔɔ ḿmʉꞋlɛ nǔu yɛ́ tú pɔ́ ŋɡɔ: Tsɑpʉɔ sɛ́ ńtɔ́ ńcẅɛ́lɛ wɑ́ɑ, Ŋ kɑ́ pɔ́ ŋ́ɡʉ ḿbɔ́k yɛcɔ́ yúu pɔ́. Ŋumɛsɔŋ kuꞋ nɛɡɛ kʉ̈ɔ́ nǔu mɔ?

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

Lúkɑ́shi 3:6

Lɑ́ ɛ́ lɛɛ pɔ́Ꞌɔ, pʉɔ pɛtsʉʉ jʉ́ɔ pɑ́Ꞌ Sɛ́ ɡʉ ŋ́ɡɛ pɛkŋɛ luk.»

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

Jɑ̂ŋ 16:8

A ɡʉ ḿbɔ́ tɛ ńtɔ́, ńtsuŋ ńnyɛt mbɔ̌ pʉɔ-ndǔmbí ŋɡɔ pɔ́p ɡɛ pɔ nu kɛpɔŋ, ŋɡɔ pɔ́p kɑ pɔ́ ńjí yúu mi nu ndʉ́ŋndʉŋ ɛ́ yɛ́t pɔ́, ḿbɛn ŋ́kɛ́ ḿbɔ́ɔ ńjí yúu mi nɛŋɑk, ɛ́ yɛ́t pɔ́.

Mɑ́lɛ́kúshi 3:3

A cú mbɔ̌ pfúpɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi,