Ɛ́fɛ̂zɛ 6:9 - Kɑɑ Fí

⁹ Pʉʉ pɛtɑ́t-puꞋ pʉʉ ɡẅɛɛ yʉ́ʉ pɛkwɑɑ pʉʉ nɛ́ tʉ́m sʉ́Ꞌnɛ. Kɔɔ pʉʉ vukŋɛ wɔ́p vukŋɛnɛ. Pʉʉ jí ŋɡɔ pʉʉ pɛ́ pɔ́p tɛmtɛ ŋ́ɡẅɛɛ pɔ tɑ́Ꞌ ŋu ẅí ɑ sɑ́Ꞌnɛ wʉ́ʉ pɛpɔ́p ɑ pɔ́ tʉ́nɛ́pú. A kɛ́ ḿbɔɔ ŋ́ɡẅɛɛ tɔŋ tsɛtsɛt pʉɔmɛsɔŋ pɔ́.

Ɛ́fɛ̂zɛ 6:9 Referans Kwoze

Kɔlɔsíyɛ̂ŋ 3:25

Lɑ́ ŋ́kɛ́ ḿbɔ́ yi ŋu lɑɑ ŋ́ɡɛ yúu mi ɛ́ kɑ́ pɔŋ, mbɔ Sɛ́ ɡʉ ńdɑ́Ꞌ ŋ́ɡɑ́ pɔ yúu mi ɛ́ kuꞋnɛ nǔu wɛ́ mbɔ̌ wɛ́, mbíꞋŋɡɔ ɑ lɔɔ ŋ́ɡɛ tɔŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:34

Pyɛ̂ ɡɔ́ɔ ŋ́kɛ́ ńcú ŋɡɔ: «Mɔ ŋkɔ̂ɔnɛ pɑ́Ꞌɑ, mbɔ ŋ ɡɔ́ɔ mɔ ŋ́kɛ́ ńjʉ́ɔ kwɑꞋ nɛ́nẅín, ŋɡɔ Sɛ́ kɑ́ tíitɛ pʉɔmɛsɔŋ pɔ́.»

Pʉɔ-Lɔ́mɑ 2:11

mbíꞋŋɡɔ Sɛ́ kɑ́ ɡẅɛɛ tɔŋ tsɛtsɛt pʉɔmɛsɔŋ pɔ́.

Lúkɑ́shi 6:31

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yîyɑ́ nǔu pɛcɔ́ pʉɔ!

Mɑtʉ̈ɔ 7:12

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yɛ́tɛ́ ɡúu nǔu pɛcɔ́ pʉɔ. Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ḿbɔ́ yúu mi nɛpʉ́ʉ-Mɔ̌sɛ̂ɛ mbɑ mɛŋwɑꞋnɛ pɛŋɡɛ́mndʉ̈ɔ́Ꞌ-Sɛ́ píkŋɛnɛ.

Jɑ̂k 2:13

Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛntsɑŋ, mbɔɔ tsɑ́ɑ mɛjʉ́ŋ kɛ́tsɑ́ɑmɛjʉ́ŋ pʉɔ pɔ́, lɑ́ ḿbɔ́ yi ŋu kɑ tsɑ́ɑ mɛjʉ́ŋ, mbɔ ɑ ɡʉ ńdɑ́Ꞌ ńdɔk pɔ́Ꞌɔ, Sɛ́ pɔɔ wɛ́ ŋɑk.

Jɑ̂k 2:8

Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

Jɑ̂ŋ 13:13

Pʉʉ fúŋnɛ wɑ́ɑ ŋɡɔ Cícɑ, ɛ́fúŋ wɑ́ɑ ŋɡɔ Tsɑpʉɔ, ńcú sẅíinu mbíꞋŋɡɔ mɔ jʉ́.

Jɑ̂k 5:4

GɑŋfɑꞋ kɑ lɑk yúu pʉ́ʉ ŋkɑꞋ, pʉʉ jʉ́ ŋkɑ́p yɔp. Pʉʉ zúꞋ pɑ́Ꞌ pɔ́p lɑɑnɛ! Ŋɡi-pʉɔ pí pɔ́p lɑknɛ yúu pʉ́ʉ ŋ́ɡɑ́ ndɑ́ kɔ́Ꞌ tɛ ŋ́kúu mɛtúutɛ́-Sɛ́, jʉ́ Tsɑpʉɔ ẅí ɑ sɑ́Ꞌnɛ pɑlʉ̈ɔ́Ꞌntsɔ tsʉʉ pí pɔ́p tʉ́.

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

Mɑtʉ̈ɔ 24:51

ńtɔ́, ńníꞋ ŋɡʉ̈ɔ́Ꞌ tú yɛ́ tɛꞋ, ńzuŋ wɛ́, ɑ ɡʉ nɛ́ zʉꞋ yi pɛ́ zuŋnɛ pɛŋkɔŋmík ŋ́ɡɑ́ zúꞋu, ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 24:48

Lɑ́ ŋ́kɛ́ ḿbɔ́ yi ɑ lɑɑ ḿbɔ́ ŋɡɑŋfɑꞋ kɛpɔŋ, ńcú lɔ́ŋ yɛ́ ŋɡɔ: «Tɑ́fɑꞋ wɑɑ kɛ́ fɛ́Ꞌnɛ ńtɔ́ pɔ́,

Mɑtʉ̈ɔ 22:10

Pɛtsiindɑ́ pɛ́ pɑ́ ɡʉ ńtʉ́ʉ nǔu mɛtú-ndúŋ, ńjʉ́ɔ mbɑ wɔ̌ lɑ́, ɛ́fúŋ wɛ́, kɛ ɑ pɔ́ ŋu sʉ́Ꞌnɛ ɔɔ, kɛ ŋu kɛpɔŋ ɔɔ. Pɛ́ tɛmtɛ ńníꞋ wɔ́p pɔ tsɛt ndɑ́-ndínɑ, tɛ ɛ́ lúu.

Mɑtʉ̈ɔ 22:8

ḿbɛn ńcú mbɔ̌ pɛtsiindɑ́ pɛ́ ŋɡɔ: «Pɛ́ ńdɑ́Ꞌmɔ́ ńtík yúupɛjʉ́-lɑ́ɑndɑ́ sɛ́. Pʉɔ pínɛ ŋ kɑ zɛɛnɛ ɛ́fúŋ wɔ́p ŋkɑɑ pi pɔ́p kuꞋnɛ nɛkwɛ́t pɔ́.»

Kɔlɔsíyɛ̂ŋ 4:1

Pʉʉ pɛtɑ́t-puꞋ, pʉʉ pɔ́ ndʉ́ŋndʉŋ mbi pɛkwɑɑ pʉ́ʉ, ḿbɛn ŋ́ɡɛ pɔ yúu mi ɛ́ píkŋɛ́nɛ ŋɡɔ pɛ́ ɡɛ, ḿbɔ́ ŋ́kẅíitɛ ŋɡɔ pʉʉ yʉ́ʉ ɡẅɛɛ wʉ́ʉ Tɑ́fɑꞋ tʉ́nɛ́pú.