Ɛ́fɛ̂zɛ 6:1 - Kɑɑ Fí

¹ Ŋ́ɡʉ nǔu pʉʉ mbɔ́ŋkʉ̈ɔ́, mbɑ wɔ̌ lɑ́ zúꞋ ntsu tɑ́t wɛ pɔ́p mɑ́ wɛ nǔu pɑ́Ꞌ Tsɑpʉɔ sɛ́ ŋ́kɔŋ. Ɛ́ yúu mi ɛ́ tʉ́ʉnɛ ndʉ́ŋndʉŋ, pʉʉ ɡẅɛɛ nɛɡɛ pɔ́Ꞌɔ.

Ɛ́fɛ̂zɛ 6:1 Referans Kwoze

1 Timɔtɛ́ɛ 5:4

Mpfúk mɑŋɡɛ́ lɑɑ ŋ́ɡẅɛɛ mbɔ́ŋkʉ̈ɔ́, kɛ pɔ́ɔ-pɔ́ɔ pɛ́ ɔɔ, mbɔ ɛ́ sɛ́ ḿbíkŋɛ ŋɡɔ pɔ́p cẅɛ́lɛ́ wɛ́ lɑ ńdíŋɛ sɛ̂ndúŋ. Pɔ́p ɡẅɛɛ nɛfú nǔu yɔp njɛ́Ꞌ, ńzíꞋ nɛɡɛ yúu mi ɛ́ pɔŋnɛ Sɛ́, ńdíŋɛ pɛtɑ́t pɔ́p pɑ́Ꞌ pɔ́p kɑ zɛɛnɛ ńdíŋɛ wɔ́p ɡúu. MbíꞋŋɡɔ yîyɑ́ nu pɔŋ mbi Sɛ́.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 7:12

Nɛpʉ́ʉ lɔk pɔ́Ꞌɔ, ɛ́fú mbɔ̌ Sɛ́, nu yi ɛ́ cúnɛ ŋɡɔ pɛ́ ɡɛ pɛn ɛ́fú yɛ́ pɔ mbɔ̌ Sɛ́, ḿbɔ́ nu yi ɛ́ ndʉ́ŋndʉŋ, ḿbɔ́ yi ɛ́ pɔŋnɛ.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

1 Pyɛ̂ 2:13

Pʉʉ lɛɛ nǔu lík-Tsɑpʉɔ ńzúꞋ ntsu-pɑsɑ́Ꞌlɑ́Ꞌ pɛtsʉʉ. Pʉʉ zúꞋ ntsu-Kɑ́sɑ ẅí ɑ tʉ́ʉnɛ mbí pɑsɑ́Ꞌ lɑ́Ꞌ pɛtsʉʉ,

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

Pʉɔ-Lɔ́mɑ 16:2

Pʉʉ lɔk lík-Tsɑpʉɔ ŋ́kúkŋɛ wɛ́ nǔu ntɛ́ yi pʉɔ-Kɛlístɔ ɡẅɛɛnɛ nɛkúkŋɛ ŋu pɔ́Ꞌɔ. Pʉʉ tʉ́ʉ pɑ́Ꞌ mbɑ yɛ́tɛ́ nu lɑ́ lɑɑ ńdɛɛ wɛ́, tɛ ɑ kíi mbɔ̌ pʉʉ, pʉʉ cẅɛ́lɛ́ wɛ́ nǔu. KwɑꞋ jʉ́ kɑ cẅɛ́lɛ́ mɔ́ pʉɔ tɛꞋ, ḿbɛn ńcẅɛ́lɛ mbɑ wɑ́ɑ ɡúu.