Ɛ́fɛ̂zɛ 5:9 - Kɑɑ Fí

⁹ N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

Ɛ́fɛ̂zɛ 5:9 Referans Kwoze

3 Jɑ̂ŋ 1:11

Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Ɛ́fɛ̂zɛ 6:14

Pɔ́Ꞌɔ lɑ́, kɔɔ pʉʉ nuklɛ. Nu nɛ́nẅín pɔ́ kɔp yi pʉʉ lɔknɛ ńzʉ́ʉ lúꞋ yʉ́ʉ, yúu mi ɛ́ tʉ́ʉnɛ ndʉ́ŋndʉŋ pɔ́ ndẅí-ntsɔ yi pʉʉ ɡʉ ḿmɑꞋ nǔu pʉʉ.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

1 Jɑ̂ŋ 2:29

Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

Ɛ́bɛlʉʉ 11:33

Pɔ́p pʉɔ pi pɔ́p kɑ fú pɔ nǔu pɑ́Ꞌ pɔ́p kɑ zɑ́pnɛ tʉ́m yɔ́p nǔu Sɛ́, ḿmɑꞋ ntsɔ ńjʉ́ túu nɛtúu, ɛ́sɑ́Ꞌ lɑ́Ꞌ pɔ ndʉ́ŋndʉŋ, pɔ́p zẅíꞋlɛ yúu mi Sɛ́ kɑ kɑꞋnɛ mbɔ̌ pɔ́p tɛ ŋ́ɡẅɛɛ, ńjʉ́ɔꞋ ntsu-pɛpúꞋntʉʉ,

Ɛ́fɛ̂zɛ 4:15

Tɛ ńtsʉ́Ꞌ pɔ́Ꞌɔ, pɛkŋɛ kɔŋɛ mɛmbʉʉ mɛkŋɛ, ŋu sẅíi nu nɛ́nẅín mbɔ̌ mɔ́ɔmɑ́ wɛ, ŋ́ɡúꞋ nǔu mɛshʉ́ tsʉʉ, Kɛlístɔ ɡɛ pɛkŋɛ pɔ́ ńdɔk ndɑ̌ɑ ndɑɑ ŋ́kẅiꞋ ḿbɔ́ pɑ́Ꞌ jʉ́ ẅi ɑ tú nǔu mbɑp-mbʉʉ.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Ɛ́bɛlʉʉ 1:8

Lɑ́ ŋ́kɛ́ ŋ́ɡʉ nǔu mɔ́ɔ nɛ, ɑ cú ŋɡɔ: «Gu Sɛ́, kɔꞋ-nɛfɔɔ nú ńdɑ́Ꞌ ḿbɔ́ pɔ ɡú.» Ḿbɛn ŋɡɔ: «Ntɛ́ yi ɔ sɛ́ ńdɔk ɛ́sɑ́Ꞌ lɑ́Ꞌ yú, ɛ́ ndʉ́ŋndʉŋ.

Ɛ́fɛ̂zɛ 4:25

Ɛ́ lɑɑ ḿbɔ́ pɔ́Ꞌɔ, pʉʉ mɛꞋ cɔtnu. Ŋu cú pɔ nu nɛ́nẅín mbɔ̌ pɔ́ɔpɛ́mɑ́ pɛ́, mbíꞋŋɡɔ pɛkŋɛ tɛmtɛ ḿbɔ́ pɔ mɛkɛm-tɑ́Ꞌ mbʉʉ yɛ́mɔ́Ꞌ.

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Mɑtʉ̈ɔ 3:8

Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.

Kɔlɔsíyɛ̂ŋ 3:18

Pʉʉ pɑŋɡɛ́ pi pʉʉ zɔ́Ꞌnɛ, mbɑ wɛ́tɛ́ ŋu lɑ́ nǔu pʉʉ, ɡɑ́ mbʉʉ yɛ́ sɛ́ mbi ndúu mɛ. Ɛ́ pɑ́Ꞌ ɛ́ pɔŋnɛ ŋɡɔ mɑŋɡɛ́ ẅi ɑ nzʉʉ Tsɑpʉɔ ɡɛ.