Ɛ́fɛ̂zɛ 5:32 - Kɑɑ Fí

³² Yɔ ntsɛm ɡú tɛꞋ, n cú pɑ́Ꞌɑ nǔu Kɛlístɔ mbɑ nǔu cúꞋlɛ-pʉɔ pɛ́.

Ɛ́fɛ̂zɛ 5:32 Referans Kwoze

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.

2 Kɔlɛ̂ŋtɛ 11:2

Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

1 Timɔtɛ́ɛ 3:8

Ɛ́ pɛn ḿbíkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ pɔ́ yɔ́p pʉɔ pi pɔ́p ɡẅɛɛnɛ mɛkuꞋ, ḿbɔ́ pɑsẅíi nu nɛ́nẅín, ḿbɔ́ pʉɔ pi pɔ́p kɛ́ mɑꞋ mbʉʉ yɔp nǔu mɛluꞋ pɔ́, ŋ́kɛ́ ḿbɔɔ pʉɔ pi pɔ́p kɔŋnɛ ŋkɑ́p ɡɑ́tɛ́ ɡɑ́tɛ́nɛ pɔ́.

Ɛ́fɛ̂zɛ 5:31

«Ɛ́ yúu mi ɛ́ ɡɛnɛ ŋu mbɛ́ɛnɛ nɑ́ŋ tɛ ɛ́fɑk mbʉʉ yɛ́ nǔu tɑ́t wɛ pɔ́p mɑ́ wɛ, ŋ́ɡʉ ńdɑt mbʉʉ yɛ nǔu mɑŋɡɛ́ pɔ́pnɛ́ tɛmtɛ ńtsʉ́Ꞌ tɑ́Ꞌ ŋu».

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.