Ɛ́fɛ̂zɛ 5:23 - Kɑɑ Fí

²³ MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Ɛ́fɛ̂zɛ 5:23 Referans Kwoze

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Ɛ́fɛ̂zɛ 4:15

Tɛ ńtsʉ́Ꞌ pɔ́Ꞌɔ, pɛkŋɛ kɔŋɛ mɛmbʉʉ mɛkŋɛ, ŋu sẅíi nu nɛ́nẅín mbɔ̌ mɔ́ɔmɑ́ wɛ, ŋ́ɡúꞋ nǔu mɛshʉ́ tsʉʉ, Kɛlístɔ ɡɛ pɛkŋɛ pɔ́ ńdɔk ndɑ̌ɑ ndɑɑ ŋ́kẅiꞋ ḿbɔ́ pɑ́Ꞌ jʉ́ ẅi ɑ tú nǔu mbɑp-mbʉʉ.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

Ɛ́fɛ̂zɛ 5:24

Ndʉ́ŋndʉŋ pɑ́Ꞌ cúꞋlɛ-pʉɔ-Kɛlístɔ sɛ́ ŋ́ɡɑ́ mbʉʉ yɛ sɛ́ mbi Kɛlístɔ lɑ́, ɛ́ píkŋɛ ŋɡɔ mbɑ wɔ̌ lɑ́ nǔu pʉʉ pɑŋɡɛ́, ɡɑ́ mbʉʉ yɛ sɛ́ mbi ndúu mɛ pɔ́ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 19:7

Pɛkŋɛ tsɑ́ɑtɛ, ŋ́ɡɑ́ wûuẅíi, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ mɔ́ɔ-Njinjɔ ɡʉ ńzɔ́Ꞌ. Nzwɛ́ŋɡʉʉ, kẅii mɔ́ mbʉʉ yɛ tɛ ḿbɔ́ ńzẅíꞋlɛ.