Ɛ́fɛ̂zɛ 2:8 - Kɑɑ Fí

⁸ A kɑ ɡɑ́ fuꞋ fɛ̌ɛ yʉ́ʉ, ŋ́ɡɛ pʉʉ luk, ɛ́fú nǔu pɑ́Ꞌ pʉʉ kɑ zɑ́pnɛ tʉ́m nǔu Yɛ́su. Ɛ́ kɑ́ pɔ́ ɛ́fú mbɔ̌ pʉʉ pɔ́, ɑ kɑ lɔk pɔ pɔŋtʉ́m yɛ́ ŋ́ɡɛ.

Ɛ́fɛ̂zɛ 2:8 Referans Kwoze

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

Pʉɔ-Lɔ́mɑ 10:17

Pɛkŋɛ lɔk pɑ́Ꞌɑ ńjʉ́ɔ ŋɡɔ, nɛzɑ́p tʉ́m nǔu Kɛlístɔ fú pɔ nǔu Ŋkʉʉ ẅí ŋu zúꞋnɛ. Ŋu ɡɔ́ ńzúꞋ ẅîwɑ́ Ŋkʉʉ, mbɔ ŋu cúnɛ.

ŊwɑꞋnɛ-Gɑŋntúu Yɛ́su Kɛlístɔ 16:31

Pɔ́p tsɔ́Ꞌ mbɔ̌ wɛ́ ŋɡɔ: «Zɑ́p tʉ́m yú nǔu Tsɑpʉɔ Yɛ́su. A ɡɛ pʉʉ njẅɛtndɑ́ yu luk.»

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Lúkɑ́shi 7:50

Yɛ́su pɛn ńcú mbɔ̌ mɑŋɡɛ́ ɛ̂wɑ́ ŋɡɔ: «Ɔ luk ndɔɔ-mɛnu kɛpɔŋ mú, mbíꞋŋɡɔ ɔ zɑ́p tʉ́m yú nǔu mɔ. Gʉ nɛ́ mbɔ́tnɛ.»

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Pʉɔ-Lɔ́mɑ 4:5

Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ lɔk pɔ mɛfɑꞋ mɛ́ pɔ́, ńzɑ́p pɔ ndɑꞋ tʉ́m yɛ́ nǔu Sɛ́ ẅí ɑ ɡɛnɛ ŋu kɛpɔŋ tsʉ́Ꞌ ŋu ẅi ɑ ndʉ́ŋndʉŋ mbi wɛ́, Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 13:39

Mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su ɛ̂wɑ́ lɑ́, Sɛ́ líŋɛ wɛ́ ɑ pɔ́ mbi yɛ́ ḿbɔ́ ndʉ́ŋndʉŋ. Yɔ pɛn ḿbɔ́ yúu mi nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ pɔ́.

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Ɛ́fɛ̂zɛ 1:19

Mɔ sɛ́ ḿbɛn ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ jí ŋɡɔ mɛtʉʉ mɛ́ ɡúꞋ ńdɛɛ mɛtʉʉ tsʉʉ, mbɑ ŋɡɔ ɑ ɡɛ pʉʉ jí pɑ́Ꞌ mîmɑ́ mɛtʉʉ tɔ́ɔtɛ́nɛ wɛkŋɛ pɑzɑ́p tʉ́m nǔu wɛ́ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

Jɑ̂ŋ 6:65

Yɛ́su pɛn ńcú ŋɡɔ, ɛ́ yúu mi ɛ́ ḿbɔ́ ŋ́ɡɛ lɑ n cú mbɔ̌ pʉʉ ŋɡɔ, ɛ́ lɑɑ ḿbɔ́ ŋu pɔɔ tɔ́ ŋ́kẅɛ́ɛtɛ wɑ́ɑ kɛ́ pɔ́ yi Tɑ̌ɑ mɔ ɡɛnɛ ŋɡɔ ŋɡɑŋ tɔ́ pɔ́.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

Jɑ̂ŋ 6:44

Wɛcɔ́ ŋu lɑɑ ḿbɔ́ ɑ pɔɔ tɔ́ ńtsɛ́t wɑ́ɑ kɛ́ pɔ́ yi Tɑ̌ɑ mɔ ẅí ɑ kɑ túunɛ wɑ́ɑ zɛɛnɛ ɛ́shuŋ wɛ́ pɔ́. Mɔ, m bɛn ńdɑ́Ꞌ nǔu ndẅiknzʉʉ lɛ́Ꞌlɑ́Ꞌ, ńzẅíimɛ wɛ́ nǔu nɛvú.»

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

Pʉɔ-Lɔ́mɑ 10:14

Lɑ́ mbɔ pʉɔ pɔɔ zɑ́p tʉ́m nǔu Tsɑpʉɔ pɔ́, ŋ́ɡɛ ŋɡɔ́ku lɑ ńdɑɑ ɛ́fúŋ wɛ́? Mbɔ pʉɔ pɛn ŋ́ɡɛ ŋɡɔ́ku ńzɑ́p tʉ́m nǔu Tsɑpʉɔ kɛ́ pɔ́ yi pɔ́p zúꞋ pɑ́Ꞌ ŋu sẅíinɛ nu-Tsɑpʉɔ mbɔ̌ pʉɔ? Mbɔ pʉɔ pɛn ńzúꞋ pɑ́Ꞌ pɛ́ sẅíinɛ nu-Tsɑpʉɔ ŋɡɔ́ku, kɛ́ pɔ́ yi ŋu ẅí ɑ ɡʉ ɛ́sẅíi nu-Tsɑpʉɔ ɡú?

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

ŊwɑꞋnɛ-Gɑŋntúu Yɛ́su Kɛlístɔ 16:14

Wɛcɔ́ tɑ́Ꞌ pɔ́ tsɛtsɛt pɔ́p, pɛ́ fúŋ wɛ́ ŋɡɔ Lítíyɑ. Mbɔ ɑ kɑ fú tʉ́sɔŋ-Tiyɑtil. A tɑ́ŋtɛ yɛcɔ́ pɛpɑŋ ndẅí ɛ́ pɔŋ tɛꞋ. Mbɔ ɑ kɑ pɛ́m nu-Sɛ́-pɑyúdɑ. Pɛk pɔ́ ńcú nu, ɑ niitɛ ńzẅíꞋlɛ kwɑꞋ sʉ́Ꞌnɛ, mbíꞌŋɡɔ Tsɑpʉɔ kɑ tsɔ́Ꞌ tʉ́m yɛ́ pɑ́Ꞌ ɑ ɡʉ ńtʉ̈ɔ́ŋɛ nɛtúutɛ nɛ́ ńniitɛ zẅíꞋlɛ nu yí Pɔ̂l sɛ́ ńcú.

2 Tɛsɑlɔník 1:9

Ŋɡʉ̈ɔ́Ꞌ yi pɔ́p ɡʉ ńdɑ́Ꞌ jʉ́ɔ ɛ́ pɔ́ pɔ pɑ́Ꞌ pɔ́p ɡʉ ńdɑ́kŋɛ tɑ́Ꞌ ŋkɑ́, Tsɑpʉɔ wɛkŋɛ tsɛ́t ndúŋ mbɔ̌ pɔ́p tɛ pɔ́p pɔɔ sɔp lík nǔu wɛ́ pɔ́, ŋ́kɛ́ mbɔɔ jʉ́ɔ mɑ́mɑ́ nɛŋwɑ́ŋɛ wɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:11

Yúu mi pɛkŋɛ pɛ tsʉʉ sɛ́ ńniitɛ ńjí, ɛ́ pɔ́ pɔ ŋɡɔ pɛkŋɛ kɑ ɡɔ́ ńduk, ńtẅɛꞋ pɔ pɑ́Ꞌ Tsɑpʉɔ Yɛ́su ɡɑ́nɛ fuꞋ níinɛ yɛkŋɛ. Ɛ́ pɔ́ pɔ ndʉ́ŋndʉŋ pɑ́Ꞌ ɛ́ lɛɛnɛ pɔ́Ꞌɔ, lɑ pɔ́p luk yɔ́p.»

Pʉɔ-Lɔ́mɑ 9:16

Pɛkŋɛ lɔk ńjʉ́ɔ ŋɡɔ Sɛ́ ɡɔ́ ńtsɔ́Ꞌ ŋu mbɔɔ fú pɔ nǔu pɑ́Ꞌ ŋɡɑŋ kɔŋnɛ pɔ́, ŋ́kɛ́ mbɔɔ fú nǔu pɑ́Ꞌ ŋɡɑŋ sɑ́Ꞌnɛ tʉʉ ŋ́ɡɛ yɛcɔ́ yúu pɔ́, ɛ́ fú pɔ nǔu pɑ́Ꞌ jʉ́ Sɛ́ tsɑ́ɑnɛ mɛjʉ́ŋ-ŋɡɑŋ.

Ɛ́bɛlʉʉ 6:4

Pɛ́ ɡẅɛɛ nɛnɑ́ mbíꞋŋɡɔ pʉɔ pi Sɛ́ ɡɛnɛ, pɔ́p jʉ́ɔ zʉꞋ fúk, ŋ́ɡɛ ńtɛ́m ŋkwɛn mbɔ̌ Sɛ́, ɛ́ tɛn pɑ́Ꞌ ɛ́ lɑɑ ḿbɔ́ ŋu ɛ́sẅíi wɔ́p nɛ́ nu tɛ pɔ́p pɛn ḿbɛn mbɔ̌ Sɛ́. Pɛ́ cú pʉɔ pɑ́Ꞌ pi pɔ́p kɑ zẅíꞋnɛ yúu mi Sɛ́ fúnɛ tʉ́nɛ́pú ŋ́ɡɑ́ pɔ níinɛ. Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pɔ́p, pɔ́p zẅíꞋ sẅiŋɛ-sɛ́ tɛ ńzúꞋ pɑ́Ꞌ ɛ́ pɔŋnɛ, ḿbɛn ńjí mbɑ pɑ́Ꞌ mɛtʉʉ mi ɛ́ ɡʉ ńdɑ́Ꞌ lɑ ńtɔ́ pɔ́nɛ. Pɔ́p lɑɑ ŋ́kʉɔ Sɛ́, mbɔ ɛ́ tɛn pɑ́Ꞌ ḿbɔ́ pɛ́ ɡɛ tɛ pɔ́p pɛn ḿbɛn mbɔ̌ Sɛ́, mbíꞋŋɡɔ pɔ́p lɔk nɛɡɛ pɔ́Ꞌɔ, ḿbɛn ŋ́kẅíi mɔ́ɔ-Sɛ́ nǔu tʉ́ mbɑ́ŋtɛ pɑ́ŋtɛ́nɛ, ńtsɔ́Ꞌ wɛ́ ńtík pɛ́ zɔɔtɛ wɛ́.

Mɑtʉ̈ɔ 20:9

Pʉɔ pínɛ pɔ́p zɛ yɔ́p fɑꞋ nǔu nɛm yɛ́tɑ́ɑ ntsuŋkẅɛ́Ꞌ tɔ́, pɛ́ ɡɑ́ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.