Ɛ́fɛ̂zɛ 1:5 - Kɑɑ Fí

⁵ ńzɑ́p tɛ ntí sɑk tɛꞋ ŋɡɔ ɑ ɡʉ ńdɛɛ nǔu Yɛ́su Kɛlístɔ ŋ́ɡɛ pɛkŋɛ tsʉ́Ꞌ pɔ́ɔ pɛ́. Ɛ́ pɔ́ pɔ wɛ nɛkɔŋtɛ, ḿbɔŋ wɛ́ tɛꞋ.

Ɛ́fɛ̂zɛ 1:5 Referans Kwoze

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

2 Kɔlɛ̂ŋtɛ 6:18

Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Mɑtʉ̈ɔ 11:26

Ɔ́ɔŋ mbɑ̌ɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡʉ ŋ́ɡɛ yɔ nu pɔ́ pɔ́Ꞌɔ.»

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

1 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ Pɔ̂l ɡɑŋntúu-Yɛ́su Kɛlístɔ. KwɑꞋ jʉ́ Sɛ́ kɑ tsɔ́Ꞌnɛ wɑ́ɑ nǔu wɛ nɛkɔŋ ńdɔk ŋ́ɡɛ wɛ́tɛ́. Mbɑ mɔ́ɔmɑ́ wɛkŋɛ Sɔstɛ̂n ɡúu.

Mɑtʉ̈ɔ 1:25

Lɑ́ pɔ́pmɛ́ kɛ́ ńdɑ́Ꞌ ḿbɔɔ nɔɔ, tɛ ɑ ɡɛ ḿbí mɔ́ɔ ɛ̂wɑ́, Yɔsɛ̂p cẅi lík yɛ́ ŋɡɔ Yɛ́su.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.