Kɔlɔsíyɛ̂ŋ 4:11 - Kɑɑ Fí

¹¹ Yɛ́su ẅí pɛ́ pɛnnɛ ɛ́fúŋ wɛ́ ŋɡɔ Jẅistẅis cɛꞋlɛ wʉ́ʉ ɡúu. Ɛ́ ɡʉ tsɛtsɛt pɑyúdɑ pi pɔ́p kɑ pɛ́mnɛ nu-Kɛlístɔ, ɑ ndɑꞋ pɔ́p pɔnɛ pɛtɑ́t pi pɛk pɛpɔ́p zɑꞋnɛ, ɛ́fɑꞋ mbíꞋ nu-nɛfɔɔ-Sɛ́. Pɔ́p kɑ pɔ́ ńníꞋ tʉ́m yɑ́ɑ.

Kɔlɔsíyɛ̂ŋ 4:11 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 11:2

Pyɛ̂ ɡɛ ḿbɔ́ tɛ ḿbɛn Yɛlúsɑlɛm, pɑpɛ́m Yɛ́su pi pɔ́p pɑyúdɑ zɛ nɛŋɑk wɛ́

Filɛmɔ̂ŋ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋtsɑ́ŋ mbíꞋ nu-Yɛ́su Kɛlístɔ. Pɛk Timɔtɛ̂ɛ ẅí ɑ mɔ́ɔmɑ́ mɔ nzʉʉ Yɛ́su Kɛlístɔ ɡɑ́nɛ yɔ ŋwɑꞋnɛ mbɔ̌ ɡu Filɛmɔ̂ŋ. Ɔ mɔ́ɔmɑ́ wɛk wɛ tʉʉndɛn, pɛkŋɛ pɛtsʉʉ tɛmtɛ ɛ́fɑꞋ nǔu nu-Yɛ́su Kɛlístɔ.

Tîtɛ 1:10

N cú ŋɡɔ ɔ zɑ́p pʉɔ pɑ́Ꞌɑ, mbíꞋŋɡɔ pʉɔ tɛ ńzɑ́ɑ sɛ́ ḿbɔ́ ńtʉʉ tú. Pɔ́p sɛ́ ńzíꞋ pʉɔ nɛ́ mɛnu mí ɛ́ kɑ́ tʉ́ʉ, ńdɔk ɛ́fúklɛ wɔ́p. Nɛzɑ́ɑ pɔ́ pɑyúdɑ pi pɔ́p pɛ́mnɛ nu-Yɛ́su Kɛlístɔ.

Kɔlɔsíyɛ̂ŋ 4:7

Tʉʉndɛn mɔ́ɔmɑ́ wɛkŋɛ Tishik, ẅí pɛkŋɛ pɛpɔ́p tɛmtɛnɛ ɛ́fɑꞋ mbɔ̌ Tsɑpʉɔ ɡʉ ńtɔ́ ɛ́sẅíi wʉ́ʉ pɑ́Ꞌ mɔ zɑꞋnɛ ńnɑ́ŋ pɔ́Ꞌɔ. A ŋɡɑŋfɑꞋ tɛꞋ, ɑ jí pɔ nu-Tsɑpʉɔ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Pʉɔ-Lɔ́mɑ 4:12

Ábɛlɛhɑ̂m kɑ pɛn ḿbɔ́ tɑ́t pɛ́ pʉɔ pi pɛ́ kɑ púꞋnɛ wɔ́p. Ŋ kɑ́ pɔ́ ńdɑꞋ pʉɔ pi pɛ́ kɑ púꞋnɛ wɔ́p ɛ́ kuꞋ pɔ́Ꞌɔ mbɔ̌ pɔ́p pɔ́. N cú pɔ pi pɔ́p pɛn ḿbɔ́ ńzɑ́p tʉ́m nǔu Sɛ́, pɑ́Ꞌ tɑ́t wɛkŋɛ Ábɛlɛhɑ̂m kɑ zɑ́pnɛ yɛ́ ɡúu lɑ pɛ́ ɡɛ ḿbúꞋ wɛ́.

ŊwɑꞋnɛ-Gɑŋntúu Yɛ́su Kɛlístɔ 10:45

Yɛ́su pɔ́p pɑpɛ́m pi pɔ́p lɑ́Ꞌnɛ ńtɔ́ ńcɑklɛ Pyɛ̂, pɔ́p m̄bɔ́ pɑyúdɑ. Pɔ́p jʉ́ɔ yɔ nu ɛ́ kʉꞋnɛ wɔ́p tɛꞋ, pɑ́Ꞌ Sɛ́ ɡɑ́nɛ Zẅikŋɛ Lɛ́ɛnɛ́nɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɔ pɑ́Ꞌ ɑ kɑ pɔ́ ŋ́ɡɑ́ mbɔ̌ pɔ́p ɡúu!

Filɛmɔ̂ŋ 1:24

Mbɑ Mɑ́lɛ́kúshi, mbɑ Alistɑk, mbɑ Ndɛmɑs pɔ́p Lúkɑ́shi ẅí pɛk pɛ́pɔ́p fɑꞋnɛ tɑ́Ꞌ fɑꞋ.

1 Tɛsɑlɔník 3:7

Pɔ́ɔpɛ́mɑ́, pɛk zúꞋ pɔ́Ꞌɔ, mɛnu zɛɛ ḿbɔ́ ɛ́fyɛ́t wɛ́k fyɛ́tnɛ, pɛk zɛɛ ḿbɔ́ ńjʉ́ɔ pɔ ŋɡʉ̈ɔ́Ꞌ lɑ́, nu yʉ́ʉ mbɑ wʉʉ nɛzɑ́p tʉ́m nǔu Sɛ́ níꞋ mɛtʉʉ mɛ́k níꞋnɛ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

Filipɛ 4:3

Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.

Ɛ́fɛ̂zɛ 2:11

Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.

Pʉɔ-Lɔ́mɑ 16:3

Pʉʉ cɛꞋlɛ Pilískɑ pɔ́p Akilɑs ŋ́ɡɑ́ mbɔ̌ mɔ, ɛ́ pʉɔ pi pɛk pɛpɔ́p tɛmtɛ́nɛ ɛ́fɑꞋ fɑꞋ-Yɛ́su Kɛlístɔ.