Kɔlɔsíyɛ̂ŋ 3:16 - Kɑɑ Fí

¹⁶ Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

Kɔlɔsíyɛ̂ŋ 3:16 Referans Kwoze

Ɛ́fɛ̂zɛ 5:19

Pɔ́Ꞌɔ lɑ́, pʉʉ pɔ́ ńzɔp mɛzɔpŋki mi ɛ́ tsɛt ŋwɑꞋnɛ ńdɔk ńníꞋ mɛtʉʉ-mɛmbʉʉ mʉ́ʉ, ńzɔp mɛzɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ níꞋnɛ tʉ́m pʉʉ. Pʉʉ zɔp ŋ́ɡúꞋlɛ Tsɑpʉɔ nɛ́ ŋɡɔŋ tʉ́m yʉ́ʉ tsʉʉ.

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Pʉɔ-Lɔ́mɑ 10:17

Pɛkŋɛ lɔk pɑ́Ꞌɑ ńjʉ́ɔ ŋɡɔ, nɛzɑ́p tʉ́m nǔu Kɛlístɔ fú pɔ nǔu Ŋkʉʉ ẅí ŋu zúꞋnɛ. Ŋu ɡɔ́ ńzúꞋ ẅîwɑ́ Ŋkʉʉ, mbɔ ŋu cúnɛ.

1 Jɑ̂ŋ 2:24

Ɛ́ yúu mi ɛ́ ɡɛnɛ n cú mbɔ̌ pʉʉ ŋɡɔ pʉʉ kúꞋlɛ sẅiŋɛ yi pʉʉ kɑ zúꞋnɛ tɛ ɛ́fú nzɛnɛ kwɑꞋ sʉ́Ꞌnɛ. Sẅiŋɛ yi pʉʉ kɑ zúꞋnɛ tɛ ɛ́fú nzɛnɛ lɑɑ ḿbɔ́ tsɛt tʉ́m pʉʉ, mbɔ pʉʉ yʉ́ʉ ɡʉ ńtɛmtɛ nǔu Mɔ́ɔ mbɑ nǔu Tɑ́t.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

2 Timɔtɛ́ɛ 3:15

Ɔ kɑ ɡɔ́ ńdɔ sɛ́ ḿbɔ́ ńjí yúu mi ŋwɑꞋnɛ-Sɛ́ yɛ́tɛ́, ḿbɔ́ yɛ́tɛ́ ɡɑ́nɛ wú nɛ́ jínu nɛlɔk ńzɑ́p tʉ́m nǔu Yɛ́su Kɛlístɔ, Sɛ́ ɡɛ ɔ luk.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

Kɔlɔsíyɛ̂ŋ 4:6

Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.

Ɛ́fɛ̂zɛ 5:17

Pɔ́Ꞌɔ, kɔɔ pʉʉ pɔ́ pɛɡʉɡʉʉ. Pʉʉ tɑ́Ꞌ mɛnu nɛjí mi ɛ́ pɔŋnɛ mbi Tsɑpʉɔ.

Jɑ̂k 5:13

Ŋu wʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, ɑ púꞋ mbɔ́ mbɔ̌ Sɛ́. Ŋu lɑɑ ḿbɔ́ ńtsɑ́ɑtɛ ɑ zɔp mɛzɔpŋki ńdɔk ŋ́ɡúꞋlɛ Sɛ́.

Tîtɛ 3:6

Sɛ́ kɑ lɛɛ nǔu Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ńníꞋ Zẅikŋɛ Lɛ́ɛnɛ́nɛ ɛ̂yɑ́ tʉ́m pɛkŋɛ kɛ́ ɡʉɔꞋ.

1 Kɔlɛ̂ŋtɛ 14:26

Pɔ́ɔpɛ́mɑ́ pɑ́ɑ pɑ́Ꞌ ɛ́ pɑ́Ꞌɑ lɑɑ pɛkŋɛ ɡɛ ŋɡɔ́ku? Pʉʉ lɑɑ ḿbɔ́ tɛ ńcúꞋlɛ, ŋu wʉʉ ɡẅɛɛ zɔp ŋki ɑ zɔp, ŋu ɡẅɛɛ yúu mi ɑ ɡʉ ńzíꞋ pɛcɔ́ pʉɔ, ɑ zíꞋ, ŋu ɡẅɛɛ yúu mi Sɛ́ sɛ́ ńnyɛt wɛ́, ɑ cú, ŋu ɡẅɛɛ nu yí ɑ ɡʉ ńcú nɛ́ sẅiŋɛ yi pɛ́ kɑ́ pɔ́ ńjí pɔ́ ɑ cú, ŋu ɡẅɛɛ nɛkyɛ́Ꞌtɛ ɑ kyɛ́Ꞌtɛ. Lɑ́ ɛ́ sɛ́ ḿbíkŋɛ ŋɡɔ mîmɑ́ mɛyúu tsʉʉ cẅɛ́lɛ́ nɛlɔk ŋ́ɡɛ cúꞋlɛ-pʉɔ-Kɛlístɔ tsʉʉ kẅiꞋ ńzɑ́p tʉ́m nǔu Sɛ́.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

1 Jɑ̂ŋ 2:14

Mbɔ́ŋkʉ̈ɔ́ pɑ́ɑ, mɔ pɑ́Ꞌɑ ḿbɔ́ ŋ́ŋwɑꞋnɛ ɛ́sẅíi wʉ́ʉ ŋɡɔ pʉʉ sɛ́ ńjí Tɑ́t wɛkŋɛ, ŋ́ɡʉ nǔu pʉʉ pɛlʉ́m, mbɔ mɔ pɑ́Ꞌɑ ḿbɔ́ ɛ́sẅíi wʉ́ʉ ŋɡɔ pʉʉ sɛ́ ńjí ŋu ẅí ɑ ɡú tɛ ɛ́fú nzɛnɛ, ŋ́ɡʉ nǔu pʉʉ pɔ́ɔsuu, mɔ sɛ́ ɛ́sẅíi wʉ́ʉ ŋɡɔ, pʉʉ pɔ́ ńtɛntɛ tɛntɛnɛ, sẅiŋɛ-sɛ́ kɛ́ ḿbɔ́ pɔ tʉ́m pʉʉ, pʉʉ pɔ ńtɛn ńdɛɛ ŋu kɛpɔŋ.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

2 Tɛsɑlɔník 3:15

Lɑ́, ḿbɑ́ɑ wʉ́ʉ nɛlɔk wɛ́ ŋ́ɡɛ ŋɡɑŋmbuu wʉʉ. Pʉʉ kɑkŋɛ wɛ́ pɔ pɑ́Ꞌ ɛ́ lɑɑ ḿbɔ́ ŋu kɑkŋɛ mɔ́ɔmɑ́ wɛ.

1 Tɛsɑlɔník 4:18

Pɔ́Ꞌɔ lɑ́ pʉʉ nɑ́ŋ ńdɔk sẅiŋɛ yɔ, ɛ́shɔtnɛ ńtík mɛmbʉʉ mʉ́ʉ.

1 Kɔlɛ̂ŋtɛ 14:15

Tɛ ɛ́ pɔ́Ꞌɔ, pɑ́Ꞌɑ ḿbɔ́ ŋ ɡɛ ŋɡɔ́ku? N jʉ́ɔ ŋɡɔ ŋ ɡʉ ńcɛꞋlɛ Sɛ́ nǔu ntɛ́ yi Zẅikŋɛ-Sɛ́ ńtsʉ́ʉnɛ́nɛ wɑ́ɑ ŋɡɔ n cɛꞋlɛ pɔ́Ꞌɔ, lɑ́ ḿbɛn ńcɛꞋlɛ nǔu ntɛ́ yi ḿbɔ́ ŋu zúꞋ nu yi n cúnɛ. Ŋ ɡʉ ńzɔp ŋki nǔu ntɛ́ yi Zẅikŋɛ Sɛ́ ńtsʉ́ʉnɛnɛ wɑ́ɑ ŋɡɔ n zɔp pɔ́Ꞌɔ, lɑ́ ḿbɛn ńzɔp nǔu ntɛ́ yi mbɔ ŋu zúꞋ yúu mi zɔp cúnɛ,

Mɑtʉ̈ɔ 26:30

Ŋ́ɡɛ pɔ́Ꞌɔ, pɔ́p pɛ́pɔ́p ɡɔ́ɔ ŋ́kɛ́ ńzɔp mɛŋki ńdɔk ŋ́ɡúꞋlɛ Sɛ́, ŋkɑ́ kuꞋ pɔ́p cẅɛt, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ.

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 14:3

Pɔ́p tʉ́ʉ mbi kɔꞋ-nɛfɔɔ, mbɑ mbi mɛyúumɛku mɑ́ mɛ́nɛ́kwɑ mbɑ mbi pɛlʉ́m pîpɑ́, ḿbɔ́ ńzɔp yɛcɔ́ zɔp ŋki fí, ɛ́ pɔɔ pɔ́ pɔ ndɑꞋ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ (144.000) pi pɛ́ kɑ tsúꞋnɛ wɔ́p ndɑ́-kwɑɑ ndǔ tsɛ́tsɑ́Ꞌ pɔ́, mbɔ wɛcɔ́ ŋu ŋ́kɑɑ pɔ́ ɡú tɛ ŋ́kuꞋ nɛzíꞋ yîyɑ́ zɔp ŋki tɛ ńzɔp pɔ́,

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

1 Tɛsɑlɔník 1:8

Sẅiŋɛ-tsɑpʉɔ kɑ zɛɛ ɛ́fú pɔ tsɛtsɛt pʉʉ, ńjʉ́ pɑk-ŋɡɔŋ-Mɑsɛndwɑn mbɑ yɛ́ Akɑ̂y. Lɑ́ pɛ́ kɛ́ ḿbɔ́ zʉꞋ tsʉʉ ńjí ntɛ́ yi pʉʉ lɔknɛ ńzɑ́p tʉ́m nǔu Sɛ́, tɛ ḿbɔ́ pɛk pɔɔ pɛn ɛ́sẅíi ŋu sẅíinɛ pɔ́.