Kɔlɔsíyɛ̂ŋ 3:15 - Kɑɑ Fí

¹⁵ Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Kɔlɔsíyɛ̂ŋ 3:15 Referans Kwoze

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

2 Kɔlɛ̂ŋtɛ 9:11

Ɛ́ ɡʉ ńdɛɛ pɔ́Ꞌɔ, pʉʉ ɡẅɛɛ yúu nɛlɔk ɛ́fɑꞋ mɛfɑꞋ-pɔŋtʉ́m ntɛ́ nɛ́ ntɛ́, ɛ́ lɛɛ pɔ́Ꞌɔ, pʉɔ tɛ ńzɑ́ɑ ɡɑ́ pɑ́Ꞌlɑ́ mbɔ̌ Sɛ́ tɛꞋ, nǔu nu yúu mi pʉʉ ɡɑ́nɛ pɛk ɡɑptɛ mbɔ̌ pɔ́p.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

1 Timɔtɛ́ɛ 2:1

Pɔ́Ꞌɔ lɑ́, mɔ ŋ́ɡɛ ŋ́ɡɔ ḿbɛn ńcú nu, ḿbiitɛ ńcú ŋɡɔ ɛ́ sɛ́ ḿbíkŋɛ ŋɡɔ pʉɔ-Sɛ́ pɔ́ ńcɛꞋlɛ wɛ́ nǔu tú pʉɔ tsʉʉ, ḿbɔ́ ńdɔ́ɔ mbɔ̌ wɛ́ ŋɡɔ ɑ cẅɛ́lɛ́ mbɑ wɔ̌lɑ́, ḿbɔ́ ḿbúꞋ mbɔ́ mbɔ̌ wɛ́, ḿbɔ́ ŋ́ɡɛ́mtɛ wɛ́ nǔu tú mbɑ wɔ̌lɑ́.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

Ɛ́fɛ̂zɛ 5:1

Pʉʉ pɔ́ɔ-Sɛ́, Sɛ́ kɔŋ wʉ́ʉ tɛꞋ, pɔ́Ꞌɔ lɑ́ pʉʉ pɛ́ɛ fʉꞋ nǔu wɛ́.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́fɛ̂zɛ 4:16

Jʉ́ ɡɛnɛ mɛzʉꞋ-mbʉʉ-cúꞋlɛ ńtɛmtɛ ḿbɔ́ tɑ́Ꞌ yúu. Mɛŋɑŋ-mbʉʉ tɛ ńzɑ́ɑ cẅɛ́lɛ́ nɛɡɛ mɛzʉꞋ-mbʉʉ tɛmtɛ, mbɑ yɛ́tɛ́ zʉꞋ-mbʉʉ lɑ́ pɛn ḿbɔ́ tɛ ḿbɔ́ ɛ́fɑꞋ yɛ́ fɑꞋ, mbɑp-mbʉʉ tsʉʉ tɛmtɛ ŋ́ɡúꞋ, ńtɛntɛ ńdɛɛ pɔ nǔu ŋkɔŋɛ yi ɛ́ tsɛtsɛt pɔ́p.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

Ɛ́bɛlʉʉ 13:15

Pɛkŋɛ lɛɛ nzʉʉ Yɛ́su, ɛ́ pɔ́ ŋkɑ́ tsʉʉ, pɛkŋɛ lɔk nɛɡúꞋlɛ Sɛ́, ńdɔk ńnɔŋ pɔꞋ, ńdɔk pɔ́Ꞌɔ, ḿbɔ́ pɔꞋ-pʉɔ pi pɔ́p ŋ́ɡɑ́ mɛkuꞋ nǔu lík yɛ́.

1 Kɔlɛ̂ŋtɛ 7:15

Lɑ́ ɛ́ lɑɑ ŋ́kɛ́ ḿbɔ́ yi ŋu ẅí ɑ kɑ́ pɔ́ ŋu-Kɛlístɔ pɔ́ jʉ́ɔ ŋɡɔ ɑ ɡʉ ɛ́fɑk mbʉʉ yɛ, pɛ́ nɑ́ wɛ́ ɑ fɑk. Ɛ́ ɡʉ nǔu yîyɑ́ ntɛ́, yɛcɔ́ yúu kɑ́ kúꞋlɛ ŋu-Kɛlístɔ wɛ mbɛ́ɛnɛ kɛ wɛ mɑŋɡɛ́ pɔ́. Sɛ́ kɑ zɛɛ ɛ́fúŋ wɛkŋɛ pɔ pɑ́Ꞌ pɛkŋɛ ɡʉ ńnɑ́ŋ nɛ́ mbɔ́tnɛ.

Pʉɔ-Lɔ́mɑ 1:21

Pɔ́p jí Sɛ́, lɑ́ pɔ́p kɑ́ pɔ́ ŋ́ɡúꞋlɛ wɛ́ pɔ́, ŋ́ɡɛ́mtɛ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡɛ nǔu Sɛ́ pɔ́. Tɛ ńtsʉ́Ꞌ pɔ́Ꞌɔ, mbɔ jínu yɔ́p kɑ fúklɛ wɔ́p pɔ́p fɑɑnɛ ndúŋ, tʉ́m yɔ́p yi ɛ́ ɡẅɛɛ pɔ ɡʉɡʉʉ jínu ɡɛ pɔ́p vu tsɛt nzɛ́nzʉ́ʉ.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

1 Timɔtɛ́ɛ 6:12

Kɛ́ ḿbɔ́ ḿmɑꞋ yú pɔ ntsɔ sʉ́Ꞌnɛ wɛ́ pɑzɑ́ptʉ́m nǔu Sɛ́. KúꞋlɛ luk kɛ́mɛ sʉ́Ꞌnɛ, mbíꞋŋɡɔ Sɛ́ kɑ fúŋ wú, ntɛ́ pɔ wɛ́tɛ́. Ɔ kɑ pɛn ńtʉ́ʉ mbi pʉɔ tɛ ńzɑ́ɑ ḿbɛ́m nu sʉ́Ꞌnɛ yi ɔ zɑ́pnɛ tʉ́m yú nǔu.