Kɔlɔsíyɛ̂ŋ 3:14 - Kɑɑ Fí

¹⁴ Nu yi ɛ́ lɛɛnɛ mɔnɛ mɛnu tsʉʉ, ɛ́ pʉʉ nɛɡẅɛɛ ŋkɔŋɛ tsɛtsɛt pʉʉ. Ŋkɔŋɛ ŋkʉ ẅí ɛ́ ɡʉ ŋ́kút wʉ́ʉ ńdɔk ŋ́ɡɛ tɑ́Ꞌ nɛkɑ́Ꞌ pɑ́Ꞌ ɛ́ sɛ́ ḿbíkŋɛ ŋɡɔ pʉʉ tɛmtɛ pɔ́Ꞌɔ lɑ́.

Kɔlɔsíyɛ̂ŋ 3:14 Referans Kwoze

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

Pʉɔ-Lɔ́mɑ 13:8

Kɔɔ ŋu wʉʉ ɡẅɛɛ yɛcɔ́ nzɔ́ ndɛꞋ tɛ ndíꞋ ndɑꞋ nɛkɔŋ ŋu, ɛ́ nzɔ́ yi pɔ́ɔpɛ́mɑ́ ɡẅɛɛnɛ nɛtɔŋɛ tsɛtsɛt pɔ́p mbíꞋŋɡɔ ŋu lɑɑ ŋ́kɔŋ pɛcɔ́ pʉɔ, mbɔ ɑ lɔk ŋ́kúꞋlɛ nɛpʉ́ʉ-Sɛ́ tsʉʉ.

Ɛ́fɛ̂zɛ 4:3

Pʉʉ sɑ́Ꞌ tʉʉ nɛ́ kɛ́ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ mbɔ̌ Zẅikŋɛ-Sɛ́, yɛ́tɛ́ sɛ́nɛ́ ŋ́ɡɔ́ ŋ́ɡɑ́ mbɔ́tnɛ mbɔ̌ pʉɔ, ŋ́ɡɑ́ wɔ́p nɛ́ tɑ́Ꞌ ntsu.

1 Jɑ̂ŋ 4:21

Nɛpʉ́ʉ ni Kɛlístɔ kɑ ɡɑ́nɛ mbɔ̌ pɛkŋɛ, ɛ́ pʉ́ɔ. Ŋu lɑɑ ŋ́kɔŋ Sɛ́, ɑ pɛn ŋ́kɔŋ mɔ́ɔmɑ́ wɛ ŋumɛsɔŋ.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Tɛsɑlɔník 4:9

Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 15:12

Nɛpʉ́ʉ nɑ́ɑ pʉ́ɔlɑɑnɛ: «Pʉʉ kɔŋɛ pʉʉ nɛ́ pʉʉ pɑ́Ꞌ ŋ kɑ kɔŋnɛ wʉ́ʉ lɑ́.»

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

Ɛ́bɛlʉʉ 6:1

Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ kɔɔ pɛkŋɛ ɡɔ́ŋ tɑ́Ꞌ ŋkɑ́ nǔu mɛnduŋmbi mɛnu mi pɛkŋɛ kɑ zɛnɛ nǔu nɛjí nu-Kɛlístɔ. Pɛkŋɛ sɑ́Ꞌ tʉʉ ńzíꞋ mɛnu mɛ́ mi pɛ́ zíꞋnɛ pʉɔ pi pɔ́p tsʉklɛnɛ nǔu nu wɛ́, tɛ pɛkŋɛ pɔɔ lɑ́Ꞌ ńjúk ńnɔŋ pɔ cʉ́ ndɛꞋ pɔ́. Pɛ́ cú nɛpɛn ḿbɛn nǔu mɛnu pɑ́Ꞌ nɛtɛ́m ŋkwɛn nǔu mɛfɑꞋ mi ɛ́ ɡɑ́nɛ pɔ nɛvú, pɑ́Ꞌ nɛzɑ́p tʉ́m nǔu Sɛ́,

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.