Kɔlɔsíyɛ̂ŋ 2:9 - Kɑɑ Fí

⁹ MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

Kɔlɔsíyɛ̂ŋ 2:9 Referans Kwoze

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

1 Jɑ̂ŋ 5:7

ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.

Jɑ̂ŋ 2:21

Lɑ́, Yɛ́su cú pɑ́Ꞌɑ, ndɑ́-nɔŋpɔꞋ yi ɑ kẅíinɛ pɔ́ pɔ túmbʉʉ yɛ.

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:29

Pɛkŋɛ lɔk ḿbɔ́ pʉɔ-Sɛ́. Pɔ́Ꞌɔ lɑ́, kɔɔ pɛkŋɛ kwɑŋɛ ŋɡɔ Sɛ́ yɛcɔ́ yúu mi pʉɔ kɑ lɔk jínu, ńdɔk tʉ́n-ŋɡɔ̂l, kɛ pɔ tʉ́n-ŋkɑ́p ɔɔ, kɛ ŋɡɔꞋ ɔɔ, ńdɔk ńniitɛ wɛ́.

Lúkɑ́shi 14:22

A ɡʉ tɛ ḿbɛn, ńcú mbɔ̌ tɑ́t wɛ ŋɡɔ: «Tɑ̌ɑ mɔ, ŋ ɡɛ yúu mi ɔ lɑ́Ꞌnɛ ńcú, n níꞋ mɔ́ pʉɔ ndɑ́, lɑ́ zʉꞋ pɛ́t pɔ ɡú.»