Biblia Todo Logo
Bib sou entènèt

- Piblisite -




Kɔlɔsíyɛ̂ŋ 2:2 - Kɑɑ Fí

2 Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Gade chapit la Kopi




Kɔlɔsíyɛ̂ŋ 2:2
58 Referans Kwoze  

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.


N tsuŋ ńtúu wɛ́ ŋɡɔ ɑ tɔ́ ɛ́sẅíi wʉ́ʉ pɑ́Ꞌ pɛk lɔknɛ ńnɑ́ŋ zɑꞋnɛ pɔ́Ꞌɔ, ḿbɛn ńtɔ́ ńníꞋ mɛtʉʉ mʉ́ʉ.


N zɛɛ ŋ́kɛ́ ńtúu wɛ́ mbɔ̌ pʉʉ pɔ ŋɡɔ ɑ ɛ́sẅíi wʉ́ʉ pɑ́Ꞌ pɛk pɔ́nɛ, mbɑ pɑ́Ꞌ ɑ ɡʉ ńníꞋ mɛtʉʉ mʉ́ʉ.


Nu yi ɛ́ lɛɛnɛ mɔnɛ mɛnu tsʉʉ, ɛ́ pʉʉ nɛɡẅɛɛ ŋkɔŋɛ tsɛtsɛt pʉʉ. Ŋkɔŋɛ ŋkʉ ẅí ɛ́ ɡʉ ŋ́kút wʉ́ʉ ńdɔk ŋ́ɡɛ tɑ́Ꞌ nɛkɑ́Ꞌ pɑ́Ꞌ ɛ́ sɛ́ ḿbíkŋɛ ŋɡɔ pʉʉ tɛmtɛ pɔ́Ꞌɔ lɑ́.


Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.


Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,


Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?


Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.


Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.


Pɛk Tɑ̌ɑ mɔ pɔ́ pɔ tɑ́Ꞌ ŋu.


Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»


Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.


Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.


Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.


Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.


Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.


Ɛ́ ɡʉ nǔu pɛkŋɛ, mbɔ pɛ́ ŋkɑɑ ɡɑ́ zẅikŋɛ-ndǔmbí mbɔ̌ pɛkŋɛ pɔ́. Pɛ́ kɑ ɡɑ́ pɔ Zẅikŋɛ yi ɛ́ fúnɛ mbɔ̌ Sɛ́ mbɔ̌ pɛkŋɛ pɑ́Ꞌ ɛ́ ɡʉ ŋ́ɡɛ pɛkŋɛ jí pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛkŋɛ.


Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.


Mbɑ kʉ̈ɔ́ lɑ́ yi ɛ́ mbɔ̌ Tɑ̌ɑ mɔ ɛ́ yɑ́ɑ. Ɛ́ yúu mi ɛ́ ɡɛnɛ, lɑ n cú ŋɡɔ: «Zẅikŋɛ-nɛnẅín ɡʉ ŋ́ɡɛ ńzúꞋ sẅiŋɛ yɑ́ɑ, ńtɔ́ ɛ́sẅíi wʉ́ʉ.»


Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.


Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.


Yɛ́su tsɔ́Ꞌ mbɔ̌ pɔ́p ŋɡɔ: «Tɑ̌ɑ mɔ pɛ́t ɛ́fɑꞋ pɔ fɑꞋnɛ tɛ ŋ́kúu ŋkɔ̂ɔnɛ, mbɑ mɔ yɑ́ɑ m bɛn ḿbɔ́ ɛ́fɑꞋ pɔ fɑꞋnɛ.»


Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.


Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.


ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.


Pɛkŋɛ ɡʉ ŋ́ɡɛ pɔ́Ꞌɔ, lɑ́ ńjí ŋɡɔ pɛkŋɛ nǔu ɡúŋ nu nɛ́nẅín, tʉ́ʉ mbi Sɛ́ tʉ́m yɛkŋɛ pɔɔ ɡwɛt.


Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.


Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.


Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.


ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,


MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.


Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.


Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.


Nɛtʉʉndɛn Tɛɔfîl, ɔ jí ŋɡɔ pʉɔ tɛ ńzɑ́ɑ tíi mɔ́ fɑꞋ nɛcúꞋlɛ mɛnu mi ɛ́ kɑ lɛɛnɛ tsɛtsɛt pɛkŋɛ tɛ ŋ́ŋwɑꞋnɛ,


Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?


Pɔ́Ꞌɔ, pʉʉ pɛtsʉʉ ɡẅɛɛ shʉ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ŋu cú tɛ ŋ́ɡɔ ńnɑꞋcí wɛcɔ́ ŋu cẅi yɛ́. Pɔ́Ꞌɔ, ńjí ŋɡɔ pʉɔ pɛtsʉʉ ɡʉ ńjʉ́ pii ńzíꞋ nu-Sɛ́, Ŋkʉʉ ẅí pɛ́ cẅinɛ, níꞋ mɛtʉʉ mɔ́p.


Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,


A kɑ kyɛꞌ yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ńnyɛt wɑ́ɑ, pɑ́Ꞌ n zɛɛ ŋ́ŋwɑꞋnɛ tsɛt yɔ ŋwɑꞋnɛ ɛ́sẅíi wʉ́ʉ lɑ́. Ŋ kɑ́ ŋwɑꞋnɛ ɛ́ sɑk pɔ́.


mɔ sɛ́ ńdɔ́ɔ mbɔ̌ wɛ́ ŋɡɔ ɑ lɔk pɑ́Ꞌ nɛɡúꞋ wɛ ɡú tɛꞋ lɑ́, ḿbɛ́m, ŋ́ɡɛ Zẅikŋɛ yɛ́ ɡɑ́ yʉ́ʉ tʉʉ nɛpɔ́ yi tʉ́m yʉ́ʉ ɡʉ tsuŋ tɛntɛ tɛꞋ.


Sẅiŋɛ ɛ̂yɑ́ ntsɛm yi ɑ kɑ lɑ́Ꞌnɛ ńdʉɔ mbɔ̌ pʉɔmɛsɔŋ mɛzuŋ mɛzuŋ tɛ fú ŋɡuꞋ. Ɛ́ kɛ́ ḿbɔ́ ŋkɔ̂ɔnɛ, mbɔ ɑ kíɛꞋ yîyɑ́ ntsɛm ńnyɛt mbɔ̌ pʉɔ pi pɔ́p pɛ́.


Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.


ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.


Swiv nou:

Piblisite


Piblisite