Kɔlɔsíyɛ̂ŋ 2:13 - Kɑɑ Fí

¹³ Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

Kɔlɔsíyɛ̂ŋ 2:13 Referans Kwoze

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

Pʉɔ-Lɔ́mɑ 8:11

Ɛ́ lɑɑ ḿbɔ́ yi Zẅikŋɛ-Sɛ́ ẅí ɑ kɑ zẅíimɛ́nɛ Yɛ́su nǔu nɛvú nǔu pʉʉ, mbɔ jʉ́ ẅi ɑ kɑ zẅíimɛ́nɛ Kɛlístɔ nǔu nɛvú, ɡʉ ŋ́ɡɛ mbʉʉ yʉʉ yi ɛ́ yi pfúnɛ ńdɔk Zẅikŋɛ yɛ́ yi ɛ́ nǔu pʉʉ ḿbɔ́ yɛ́ ɡú.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

Ɛ́fɛ̂zɛ 2:11

Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Lúkɑ́shi 15:24

mbíꞌŋɡɔ mɔ́ɔ wɑɑ wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.» A cú pɔ́Ꞌɔ, pɔ́p ɡɔ́ɔ ńzɛ nɛtsɑ́ɑtɛ.

Jɑ̂k 2:26

Ndʉ́ŋndʉŋ pɑ́Ꞌ zẅikŋɛ lɑɑ mbɔɔ nǔu mbɑp-mbʉʉ pɔ́, mbɔ ɛ́ pfú lɑ́, nɛzɑ́p tʉ́m nǔu Sɛ́, nɛzɑ́p ẅi pɛ́ kɑ́ pɔ́ ńjʉ́ɔ mɛfɑꞋ pɔ́, mbɔ yîyɑ́ nɛzɑ́p fɛ̌ɛ.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

Pʉɔ-Lɔ́mɑ 6:13

Kɔɔ pʉʉ pɛn ńdɔk mɛkɛm-mbʉʉ mʉ́ʉ ŋ́ɡɛ nu kɛpɔŋ pɑ́Ꞌ pɛ́ lɔknɛ yúu-ntsɔ ŋ́ɡɛ mɛnu kɛpɔŋ lɑ́. Tɛ ńtsʉ́Ꞌ pɔ́Ꞌɔ, pʉʉ nɑ́ mbʉʉ yʉʉ mbɔ̌ Sɛ́ ḿbɔ́ kwɑꞋ pʉɔ pi pɔ́p kɑ pfúnɛ ḿbɛn ńzẅíimɛ. Pʉʉ lɔk mɛkɛm-mbʉʉ mʉ́ʉ ŋ́ɡɛ yúu mi pʉʉ ɡʉ ńdɔk ŋ́ɡɛ yúu mi ɛ́ ndʉ́ŋndʉŋ.

1 Jɑ̂ŋ 2:12

Mbɔ́ŋkʉ̈ɔ́ pɑ́ɑ, mɔ tsɛt yɔ ŋwɑꞋnɛ, ḿbɔ́ ɛ́sẅíi wʉ́ʉ ŋɡɔ Sɛ́ lɛɛ nǔu yúu mi Yɛ́su Kɛlístɔ kɑ ɡɛnɛ, ńdikŋɛ mɛnu kɛpɔŋ mʉ́ʉ ŋ́ɡɑ́ mbɔ̌ pʉʉ.

1 Kɔlɛ̂ŋtɛ 15:36

Ŋu lɑɑ ḿbíkŋɛ pɔ́Ꞌɔ, mbɔ ɑ ɡɛɡʉʉ, mbíꞋŋɡɔ ŋu pi yúu, ɛ́ piitɛ ńdʉ̈ɔ́, lɑ ɛ́sɑ́Ꞌ ŋ́ɡɑ́ nɛtsɛ́n-yúu yi fí.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Lúkɑ́shi 9:60

Yɛ́su tsɔ́Ꞌ mbɔ̌ wɛ́ ŋɡɔ: «Ńnɑ́ pɛpfú pɔ́p tẅíi pɛpfú pɔ́p. Ŋ́ɡʉ nǔu ɡu, ɔ ɡẅɛɛ pɔ nɛɡʉ ɛ́sẅíi pɑꞋ nu-nɛfɔɔ-Sɛ́ pɔ́nɛ.»

Ɛ́bɛlʉʉ 6:1

Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ kɔɔ pɛkŋɛ ɡɔ́ŋ tɑ́Ꞌ ŋkɑ́ nǔu mɛnduŋmbi mɛnu mi pɛkŋɛ kɑ zɛnɛ nǔu nɛjí nu-Kɛlístɔ. Pɛkŋɛ sɑ́Ꞌ tʉʉ ńzíꞋ mɛnu mɛ́ mi pɛ́ zíꞋnɛ pʉɔ pi pɔ́p tsʉklɛnɛ nǔu nu wɛ́, tɛ pɛkŋɛ pɔɔ lɑ́Ꞌ ńjúk ńnɔŋ pɔ cʉ́ ndɛꞋ pɔ́. Pɛ́ cú nɛpɛn ḿbɛn nǔu mɛnu pɑ́Ꞌ nɛtɛ́m ŋkwɛn nǔu mɛfɑꞋ mi ɛ́ ɡɑ́nɛ pɔ nɛvú, pɑ́Ꞌ nɛzɑ́p tʉ́m nǔu Sɛ́,

1 Timɔtɛ́ɛ 5:6

Lɑ́ ŋ́ɡʉ nǔu mpfúk ẅí ɑ kɑ́tnɛ ńjʉ́ mbyɑŋtɛ, mbɔ pɛ́ líŋɛ wɛ́ tɛ ḿbɔ́ ńcú ŋɡɔ mɑŋɡɛ́ pʉ́ɔ lɑ́, lɑ́ ɑ pɔ́ mbɔ̌ Sɛ́ ḿbɔ́ pɔ mpfú.

Pʉɔ-Lɔ́mɑ 4:17

Ndʉ́ŋndʉŋ pɑ́Ꞌ ŋwɑꞋnɛ-Sɛ́ sɛ́ ńcú nǔu wɛ́ ŋɡɔ: «Mɔ, n zɑ́p wú pɑ́Ꞌ ɔ ɡʉ ḿbɔ́ mɑ̂ɑŋɡɑpnjẅɛt-pʉɔ-mɛlɑ́Ꞌ mɛlɑ́Ꞌ». Ábɛlɛhɑ̂m mbi Sɛ́ ẅi jʉ́ Ábɛlɛhɑ̂m kɑ zɑ́pnɛ tʉ́m nǔu wɛ́, ḿbɔ́ mɑ̂ɑŋɡɑpnjẅɛt wɛkŋɛ, ɑ pɔ́ Sɛ́ ẅi ɑ ɡɛnɛ pɛpfú pɛn ḿbɔ́ ɡú, ɛ́fúŋ yúu mi ɛ́ zɛɛ mbɔɔ ɡú pɔ́, ɛ́ cẅɛt ńtʉ́ʉ.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

Jɑ̂k 2:20

Gɛɡʉʉ yɑ́ɑ, ɔ kɔŋ kʉ̈ɔ́? Mɔ, ŋ ɡʉ ńnyɛt wú ŋɡɔ nɛzɑ́p tʉ́m nǔu Sɛ́ yi ɛ́ kɑ́ ɡẅɛɛ mɛfɑꞋ pɔ́ fɛ̌ɛ.

Jɑ̂k 2:17

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ, nǔu ŋu ẅí ɑ sɛ́ ŋɡɔ ɑ zɑ́p tʉ́m yɛ́ nǔu Sɛ́. Pɛ́ lɑɑ ḿbɔɔ ḿbɔ́ ńjʉ́ɔ mɛfɑꞋ mɛ́ pɔ́, mbɔ yîyɑ́ nɛzɑ́p tʉ́m nǔu Sɛ́ fɛ̌ɛ.

1 Timɔtɛ́ɛ 6:13

Mɔ sɛ́ ńcú yɔ nu mbɔ̌ wú, ńtʉ́ʉ mbi Sɛ́ ẅí ɑ ɡɛnɛ yúu tsʉʉ pɔ́ ɡú, mbɑ mbi Yɛ́su Kɛlístɔ ẅí ɑ kɑ tʉ́ʉnɛ mbi Pɔ́ŋtí Pilɑ́tɔ ńcú nu nɛ́nẅín yi ɑ jínɛ:

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.