Kɔlɔsíyɛ̂ŋ 1:25 - Kɑɑ Fí

²⁵ Ŋ kɑ ńtsʉ́Ꞌ mɔ́ ŋɡɑŋfɑꞋ-cúꞋlɛ-pʉɔ-Kɛlístɔ, pɔ́Ꞌɔ, ɛ́ nɛfɑꞋ fɑꞋ yi Sɛ́ kɑ ɡɑ́nɛ mbɔ̌ mɔ mbíꞋ wʉ́ʉ. Yîyɑ́ fɑꞋ pɔ́ nɛcú sẅiŋɛ-sɛ́ mbɔ̌ pʉʉ pɔ tsʉʉ:

Kɔlɔsíyɛ̂ŋ 1:25 Referans Kwoze

Ɛ́fɛ̂zɛ 3:2

Ɛ́ ɡʉ ŋ́ɡɛ pɑ́Ꞌlɑ́, mbɔ pʉʉ kɑ zúꞋ ŋɡɔ kwɑꞋ Sɛ́ kɑ ɡɑ́nɛ yɔ fɑꞋ mbɔ̌ mɔ, nɛpɔ́ yi mɔ ŋ́ɡɛ yɔ fɑꞋ pʉʉ lúꞋnɛ. A kɑ pɔ́ ńdɔk ŋ́ɡɑ́ pɔ fuꞋ níinɛ yɑ́ɑ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

1 Kɔlɛ̂ŋtɛ 3:5

Apɔlɔ́s pɑ́Ꞌɑ ḿbɔ́ wɔ̌? Pɔ̂l pɔ́ wɔ̌? Lɑ pʉʉ cú pɔ́Ꞌɔ? Pɛknɛ́ pɔ́ pɔ pɑfɑꞋ fɑꞋ-Sɛ́ pi pʉʉ kɑ lúꞋnɛ́nɛ wɛ́k lɑ ńzɑ́p tʉ́m nǔu Yɛ́su Kɛlístɔ. Mbɑ wɔ̌ lɑ́ nǔu pɛknɛ́ ɡɛ pɔ yúu mi Tsɑpʉɔ kɑ ɡɑ́nɛ shʉ́ ŋɡɔ ɑ ɡɛ.

Ɛ́fɛ̂zɛ 3:7

Sɛ́ kɑ ɡɑ́ pɔ fuꞋ fɛ̌ɛ yɑ́ɑ lɑ ŋ́ɡɛ m bɔ́ ŋɡɑŋfɑꞋ nɛcẅi Ŋkʉʉ Sʉ́Ꞌnɛ. A kɑ lɔk pɔ mɛtʉʉ mɛ́ lɑ ŋ́ɡɛ pɔ́Ꞌɔ.