ŊwɑꞋnɛ-Gɑŋntúu Yɛ́su Kɛlístɔ 8:5 - Kɑɑ Fí

⁵ Filîp ɡʉ tsɛt yɛcɔ́ tʉ́sɔŋ-Sɑmɑlîi, ŋ́kúu zúꞋu, ɛ́sɑ́Ꞌ nu-Nzɑ́Ꞌŋkʉ.

ŊwɑꞋnɛ-Gɑŋntúu Yɛ́su Kɛlístɔ 8:5 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 6:5

Pɑpɛ́m Kɛlístɔ zúꞋ, ɛ́ pɔŋ wɔ́p tɛꞋ. Pɔ́p ɡɔ́ɔ ŋ́kɛ́ ńtsɔ́Ꞌ Ɛtiyɛ̂n. A pɔ́ ŋu ńzɑ́p tʉ́m yɛ́ nǔu Sɛ́ tɛꞋ, mbɔ Zẅikŋɛ-Sɛ́ kɑ ńjʉ́ mɔ wɛ́. Pɛ́ pɛn ńtsɔ́Ꞌ Filîp, ńtsɔ́Ꞌ Pɔlɔkɔl, ńtsɔ́Ꞌ Nikɑnɔl, ńtsɔ́Ꞌ Timɔn, ńtsɔ́Ꞌ Pɑlmɛnɑs pɔ́p Nikɔlɑ ẅi ɑ m̄bɔ́ ŋu-Antíyɔshɛ. Mbɔ ɑ kɑ pɛ́m nɔŋŋɡɔŋ-pɑyúdɑ lɑ ŋ́kúu nǔu nɔɔ-pɑpɛ́m Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 21:8

Njí ɡɛ ŋ́kiɛ, pɛk lɔ sɛ́, ŋ́ɡʉ tɛ ŋ́kúu Sɛ́zɑlɛ̂, ŋ́ɡʉ njɛ́Ꞌ-Fílîp ẅi ɑ Ncẅiŋkʉʉ sʉ́Ꞌnɛ. A pɔ́ wɛcɔ́ tɑ́Ꞌ ŋu nǔu pʉɔ sɑɑmbɑ́ pi pɛ́ kɑ tsɔ́Ꞌnɛ Yɛlúsɑlɛm lɑ́. Pɛk pɛpɔ́p nɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 8:40

Ɛ́ ɡʉ nǔu Filîp, ɑ ɡɔ́ ńjʉ́ɔ, ḿbɔ́ tʉ́sɔŋ-Azɔ́d, ɛ́fú zúꞋu, ŋ́ɡɔ ŋ́kúu tʉ́sɔŋ-Sɛ́zɑlɛ̂, ńnɛn ńcẅi Ŋkʉʉ Sʉ́Ꞌnɛ tsɛt mɛtʉ́sɔŋ tsʉʉ mi ɑ lɛɛnɛ zúꞋu.

1 Kɔlɛ̂ŋtɛ 3:11

Ɛ́ ɡʉ nǔu cʉ́ndɑ́, mbɔ ɛ́ ndɑ́Ꞌ mɔ́ ḿbɔ́ sɛ́. Mbɔ ŋu pɔɔ pɛn ńnɔŋ yɛcɔ́ yɛ ndɛꞋ pɔ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:1

Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

ŊwɑꞋnɛ-Gɑŋntúu Yɛ́su Kɛlístɔ 8:6

Lɑ́Ꞌ kɑ pɔ́ ńtsuŋ ńzẅíꞋlɛ sẅiŋɛ yi ɛ́ kɑ pɔ́ ńcẅɛt ntsu-Fílîp. MbíꞋŋɡɔ pɔ́p kɑ pɔ́ ńzúꞋ pɛ́ kẅíi mɛnu mɑ̌ɑmɑɑnɛ mi ɑ m̄bɔ́ ŋ́ɡɛ, ḿbɛn ḿbɔ́ ńjʉ́ɔ mɛcɔ́ nɛ́ mík.

ŊwɑꞋnɛ-Gɑŋntúu Yɛ́su Kɛlístɔ 8:26

Wɛcɔ́ cʉ̈ɔ́Ꞌ-Tsɑpʉɔ ɡɛ ńtɔ́, ńcú mbɔ̌ Filîp ŋɡɔ: «Lɔ sɛ́ ńdɔk shʉ́ ntsʉ́ʉ ŋ́ɡʉ, ńcúŋ nǔu sɛ̂ndúŋ ẅi ɛ́ fúnɛ Yɛlúsɑlɛm ŋ́ɡʉ nɛ́ Ŋɡɑzɑ. Pɛ́ kɑ́ pɔ́ fɛ́Ꞌnɛ ńdɛɛ zúꞋu pɔ́.»

ŊwɑꞋnɛ-Gɑŋntúu Yɛ́su Kɛlístɔ 8:30

Filîp nɑ́ɑnɛ kɑ́lɛ́k tɛ ŋ́kẅɛ́ɛtɛ, ńzúꞋ ŋu-Ɛ́tíyɔ́pîi ɛ̂wɑ́ pɔ́ ɛ́fúŋ ŋwɑꞋnɛ-Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ. Filîp píkŋɛ wɛ́ ŋɡɔ: «Tɛ ɔ fúŋ pɑ́Ꞌɑ tɛ ḿbɔ́ ńzúꞋ yúu mi pɛ́ lɔknɛ ńcú?»