ŊwɑꞋnɛ-Gɑŋntúu Yɛ́su Kɛlístɔ 8:32 - Kɑɑ Fí

³² Ɛ́ ɡɔ́ ḿbɔ́, mbɔ zʉꞋ-ŋwɑꞋnɛ yí ɑ ḿbɔ́ ɛ́fúŋ ɛ́ yi ɛ́ cúnɛ ŋɡɔ: «Pɛ́ kɑ pɔ́ ńdɔk wɛ́ ŋ́ɡʉ, ɑ pɔɔ kẅɑ́k, ńnɛn yɛ́ pɔ pɑ́Ꞌ njinjɔ ẅi pɛ́ lɔknɛ wɛ́ ŋ́ɡʉ nɛɡwɑt, ńnɑꞋ pɔ pɑ́Ꞌ mɔ́ɔ-njinjɔ ẅi pɛ́ sɛ́ ŋ́kɔ́ɔ mɛnuk mɛ́.

ŊwɑꞋnɛ-Gɑŋntúu Yɛ́su Kɛlístɔ 8:32 Referans Kwoze

Pʉɔ-Lɔ́mɑ 8:36

Ɛ́ lɔk ḿbɔ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Lɛ́Ꞌ tsʉʉ nɛvú sɛ́ ńnʉk wɛk nʉknɛ mbíꞋ wú. Pɛ́ pɔ́ ńdíŋɛ wɛ́k pɑ́Ꞌ mɛnjinjɔ mi pɛ́ ɡʉnɛ nɛ ɡwɑt lɑ́».

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

1 Pyɛ̂ 1:19

A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

ŊwɑꞋnɛ-Gɑŋntúu Yɛ́su Kɛlístɔ 8:31

A tsɔ́Ꞌ ŋɡɔ: «Ɛ́ lɑɑ ḿbɔ́ ŋ ɡɛ ŋɡɔ́ku lɑ ńzúꞋ kɛ́ pɔ́ yi ŋu kyɛ́Ꞌtɛ ɛ́sẅíi wɑ́ɑ?» Ŋ́ɡɔ́ɔ ŋ́kɛ́ ɛ́fúŋ Filîp ŋɡɔ ɑ kɔ́Ꞌ ńtɔ́ ńnɑ́ŋ nɛjɔ́ŋ yɛ́ tsɛt kɑ́lɛ́k.

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.