ŊwɑꞋnɛ-Gɑŋntúu Yɛ́su Kɛlístɔ 8:21 - Kɑɑ Fí

²¹ Ɔ kɑ́ pɔ́ ŋu ẅí ɛ́ lɑɑ ḿbɔ́ pɛkŋɛ tɛmtɛ nu pɔ́. Mɛnu mi pɛ́ ɡɛnɛ zɑꞋnɛ, ɔ nu nǔu kɑ́ ɡẅɛɛ, mbíꞋŋɡɔ tʉ́m yú mbi Sɛ́, mbɔɔ tʉ́ʉ ndʉ́ŋndʉŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:21 Referans Kwoze

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

Mɛnu ɛ́ ńdɑ́Ꞌ ńcẅɛt 22:19

Ŋu kɛ́ ŋ́ɡʉ nǔu mɛnu mi pɛ́ cúnɛ tsɛt yɔ ŋwɑꞋnɛ, ɛ́ pɔ́ mi ɛ́ ɡʉ ŋ́ɡɛ mbɑ mi ɛ́ ɡʉ ńdɑ́Ꞌ lɑ ŋ́ɡɛ lɑɑ, cẅɛ́tɛ yɛcɔ́ yúu, mbɔ Sɛ́ ɡʉ ŋ́ɡɛ ńcẅɛ́tɛ yɛ́ yúu mi ɑ ḿbɔ́ ŋ́ɡʉ ŋ́ɡẅɛɛ nǔu mɛntɑ́ɑ-tʉ́ mi ɛ́ ɡɛnɛ pɛ́ tsuŋ ḿbɔ́ ɡú tɛ mbɑ yɛ́ yúu mi ɑ kɛ́nɛ́ ŋ́ɡẅɛɛ tsɛt tʉ́sɔŋ lɛ́ɛnɛ́nɛ yi pɛ́ lɛ́Ꞌlɛ́nɛ tsɛt yɔ ŋwɑꞋnɛ.

Mɛnu ɛ́ ńdɑ́Ꞌ ńcẅɛt 20:6

Pɛpɔ́ttú, pʉɔ pí pɔ́p ɡʉ zẅíimɛ nǔu nɛvú nǔu nduŋmbi nɛzẅíimɛ, ɛ́ pʉɔ pí pɔ́p kwɑꞋ pɛ́ Sɛ́. Nɛvú wɛ mbɑ́ɑtɛ yɛ́pɑ́ pɔɔ pɛn ŋ́kuꞋ nɛɡẅɛɛ wɔ́p pɔ́. Pɔ́p ɡʉ ŋ́ɡɛ ḿbɔ́ pɑnɔŋpɔꞋ-Sɛ́, mbɑ pɛ́ Kɛlístɔ, pɔ́p pɛ́ Kɛlístɔ sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

ŊwɑꞋnɛ-Gɑŋntúu Yɛ́su Kɛlístɔ 8:37

[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]