ŊwɑꞋnɛ-Gɑŋntúu Yɛ́su Kɛlístɔ 8:10 - Kɑɑ Fí

¹⁰ Pʉɔ tsʉʉ tɛ ɛ́fú nǔu ŋɡwɑsuu ŋ́ɡʉ ŋ́kúu nǔu pɛlwɛn pʉɔ pɔ́ ńcʉŋɛ nzʉʉ yɛ́ ńcú ŋɡɔ: «Ŋu wɔ ŋu ẅí pɛ́ fúŋnɛ ŋɡɔ mɑ́mɑ́ mɛtʉʉ sɛ́.»

ŊwɑꞋnɛ-Gɑŋntúu Yɛ́su Kɛlístɔ 8:10 Referans Kwoze

Mɛnu ɛ́ ńdɑ́Ꞌ ńcẅɛt 13:3

Yɛcɔ́ tɑ́Ꞌ nǔu tú yɛ́ kɑ pɔ́ pɔ pɑ́Ꞌ ŋkɑ́ yi pɛ́ kɑ níꞋ fʉ́ŋ nǔu tɛ ḿbɔ́ ɛ́ jẅí wɛ́ jẅínɛ lɑ́, lɑ́ fʉ́ŋ ɛ̂yɑ́ yi ɛ́ kɑ pɔ́ yi ḿbɔ́ ɛ́ jẅí wɛ́ jẅínɛ pɔ́ ḿbɔ́ ɛ́ kɑ tʉʉmɔ́. Pʉɔ ndǔ tsɛ́tsɑ́Ꞌ jʉ́ɔ pɔ́Ꞌɔ ḿmɑɑ, ḿpfúu ńcʉ́ɔ nzʉʉ wɛ́.

2 Pyɛ̂ 2:2

Pʉɔ tɛ ńzɑ́ɑ cʉ́ɔ nzʉʉ pɔ́p ńtsʉ́Ꞌ ŋ́ɡɛ pɔ mɛnu sʉ́ʉ. Pɛ́ lɛɛ nǔu pɔ́p, ńzɔɔtɛ sɛ̂ndúŋ-nu yi ɛ́ nɛ́nẅín.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

2 Kɔlɛ̂ŋtɛ 11:19

Pʉʉ sɛ́ ŋ́kwɑŋɛ ŋɡɔ jínu yʉ́ʉ ɡú, lɑ́ pʉʉ pɛ́mnɛ lɑ́ nu pɛpɑ́lɛ́!

1 Kɔlɛ̂ŋtɛ 1:24

Lɑ́ ɛ́ ɡʉ mbɔ̌ pʉɔ pi Sɛ́ tsɔ́Ꞌnɛ wɔ́p, kɛ ɛ́ pɔ́ pɔ pɑyúdɑ ɔɔ, kɛ pʉɔ pi pɔ́p kɑ́ pɔ́ pɑyúdɑ pɔ́ ɔɔ, Kɛlístɔ lɛ́Ꞌlɛ́nɛ pɑ́Ꞌ mɛtʉʉ-Sɛ́ pɔ́nɛ, mbɑ pɑ́Ꞌ jínu-Sɛ́ pɔ́nɛ.

ŊwɑꞋnɛ-Gɑŋntúu Yɛ́su Kɛlístɔ 28:6

Pʉɔ pɑ́ pɔ́ ńzẅíꞋlɛ ŋɡɔ Pɔ̂l ɡʉ ŋ́kɔ́Ꞌtɛ mbɑ nɛjʉ́ɔ ɑ vukŋɛ vukŋɛ́nɛ ḿvu ḿpfú, ńzɛ nɛpyɛ́p, ḿbyɛ́p pyɛ́pnɛ ńjʉ́ɔ yɛcɔ́ yúu pɔɔ Pɔ̂l ɡɛ. Pɔ́p shɔtnɛ sẅiŋɛ ńcú ŋɡɔ: «A wɛcɔ́ sɛ́!»

ŊwɑꞋnɛ-Gɑŋntúu Yɛ́su Kɛlístɔ 14:11

Lɑ́Ꞌ jʉ́ɔ yúu mi Pɔ̂l ɡɛnɛ, ńdɔk sẅiŋɛ-Likɑwɔni ńcú ŋɡɔ: «Pʉɔ pɑ́ mɛsɛ́ ɛ́ shɔtnɛnɛ ńtsʉ́Ꞌ pɑ́Ꞌ pʉɔmɛsɔŋ, tɛ ńcúŋ ḿbɔ́ tsɛtsɛt pɛkŋɛ lɑɑ!»