ŊwɑꞋnɛ-Gɑŋntúu Yɛ́su Kɛlístɔ 7:8 - Kɑɑ Fí

⁸ Sɛ́ cú pɔ́Ꞌɔ, pɔ́p Ábɛlɛhɑ̂m pɛn ŋ́ɡwɑt mbɑ kɑɑ, lii yîyɑ́ kɑɑ pɔ́ nɛpúꞋ mɔ́ɔ mbɛ́ɛnɛ. Ɛ́ lɛɛ pɔ́Ꞌɔ, lɑ́ Ábɛlɛhɑ̂m tɑ́ɑ ḿbúꞋ Ɛsɑk pɑ́Ꞌ pɛ́ kɑ pínɛ wɛ́ tɛ ɛ́ pɔ́ lɛ́Ꞌ pɛ́nɛ́fɔ́m. Ɛsɑk tɑ́ɑ ḿbúꞋ mɔ́ɔ nɛ Yɑkɔ̂p. Yɑkɔ̂p tɑ́ɑ ḿbúꞋ pɔ́ɔ pɛ́ pɛ́ mbɛ́ɛnɛ pinɛ ɛ́ pɛmɑ́ŋɡɑpnjẅɛt pɛkŋɛ ntsɔ̌ppɑ́ nɛ́ nɛɡɛ́m lɑ́.»

ŊwɑꞋnɛ-Gɑŋntúu Yɛ́su Kɛlístɔ 7:8 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 2:29

Pyɛ̂ pɛn ńcú ŋɡɔ: «Pɔ́ɔpɛ́mɑ́ pɑ́ɑ, pʉʉ pɛ́m ŋɡɔ ɛ sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu nǔu mɑ̂ɑŋɡɑpnjẅɛt wɛkŋɛ fɔɔ Ndɑvît. A kɑ pfú, pɛ́ tẅíi wɛ́ lɑ́ nɛshi nɛ́ kɛ ḿbɔ́ pɔ lɑ́Ꞌ zɑꞋnɛ tɛ ŋ́kúu lɔ́Ꞌnɛ pɔ́ ɔɔ!

Ɛ́bɛlʉʉ 7:4

Pʉʉ jʉ́ɔ pɑ́Ꞌ Mɛlkisɛdɛk lɔknɛ ḿbɔ́ mɑ́mɑ́ ŋu pɔ́Ꞌɔ, jʉ́ ẅí Ábɛlɛhɑ̂m, mɑ̂ɑŋɡɑpnjẅɛt-Pɑíslɑyɛ̂l, kɑ lɔknɛ yúu ɛ́fú ntsɔ, ŋ́ɡɑp nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́.

Ŋɡɑlɑ̂t 3:17

Pʉʉ zúꞋ nu yi n dɔɔnɛ nɛcú. Sɛ́ kɑ ɡɔ́ ńzɛ ŋ́kɑꞋ nu mbɔ̌ Ábɛlɛhɑ̂m. Nɛpʉ́ʉ lɑ́Ꞌ ŋ́ɡɔ́ ńtɔ́, mbɔ ɛ́ lɛɛ mɔ́ ŋɡuꞋ ŋkʉ yɛ́nɛ́kwɑ nɛ́ mɛɡɛ́mɛ́ntɑ́t. Ɛ́ kɛ́ mbɔɔ ɡʉ nǔu kɑɑ yɔ́p Ábɛlɛhɑ̂m ḿbík yɛcɔ́ yúu pɔ́, ńdɔk pɔ́Ꞌɔ, ŋ́ɡɛ yúu mi ɑ kɑ kɑꞋnɛ mbɔ̌ wɛ́ pɔɔ lɛɛ níinɛ pɔ́.

Ŋɡɑlɑ̂t 3:15

Pɔ́ɔpɛ́mɑ́, ŋ ɡʉ ḿbɛ́ɛ fʉꞋ nǔu mɑt wɛkŋɛ pʉɔmɛsɔŋ, pɛkŋɛ jí ŋɡɔ ŋu pɔ́ tɛ ŋ́ŋwɑꞋnɛ yúu ńdɔk ńtík nɛvú nɛ́ nǔu ntɛ́ yi ɛ́ píkŋɛ́nɛ, ḿbɔ́ mbɔ wɛcɔ́ ŋu pɔɔ pɛn ńdut, ŋ́kɛ́ ḿbɔɔ pɛn ŋ́kẅiꞋ yɛcɔ́ yúu nǔu pɔ́.

Pʉɔ-Lɔ́mɑ 4:10

A kɑ ɡɛ pɔ́Ꞌɔ, nǔu wɛ́ ŋkɑ́ kʉ̈ɔ́? Ɛ́ kɑ ɡɔ́ ḿbɔ́, mbɔ pɛ́ púꞋ Ábɛlɛhɑ̂m kɛ pɛ́ kɑ pɛ́t kɛ́ púꞋ wɛ́? Ɛ́ ŋkɑɑ ɡɔ́ ḿbɔ́, mbɔ pɛ́ púꞋ wɛ́ pɔ́.

Jɑ̂ŋ 7:22

NɛpúꞋ mɔ́ɔ mbɛ́ɛnɛ kɑ́ fú mbɔ̌ Mɔ̌sɛ̂ɛ pɔ, ɛ́ fú mbɔ̌ pɛmɑ́ŋɡɑpnjẅɛt Pʉʉ. Lɑ́ Mɔ̌sɛ̂ɛ kɑ zíꞋ wʉ́ʉ nɛpúꞋ mɔ́ɔ. Lɑ́ pʉʉ sɛ́ ḿbúꞋ mbɑ lɛ́Ꞌnji.

Mɑtʉ̈ɔ 1:2

Ábɛlɛhɑ̂m kɑ pí Ɛsɑk, Ɛsɑk pí Yɑkɔ̂p, Yɑkɔ̂p pí Jẅídɑ pɔ́p pɔ́ɔpɛ́mɑ́ pɛ́.