ŊwɑꞋnɛ-Gɑŋntúu Yɛ́su Kɛlístɔ 7:60 - Kɑɑ Fí

⁶⁰ A kɑ cú pɔ́Ꞌɔ, ḿvu sɛ́ nɛ́ mɛkẅíꞋlɛ mɛ́, ŋ́ɡíɛt nɛ́ tʉʉ ŋɡɔ: «Tsɑpʉɔ, kɔɔ sɑ́ŋ yúu mi pʉɔ pɔnɛ ɡɛnɛ» ńcú pɔ́Ꞌɔ, ḿpfú.

ŊwɑꞋnɛ-Gɑŋntúu Yɛ́su Kɛlístɔ 7:60 Referans Kwoze

Mɑtʉ̈ɔ 5:44

Lɑ́, n cú yɑ́ɑ mbɔ̌ pʉʉ ŋɡɔ: «Pʉʉ kɔŋ ɡɑŋmbuu pʉ́ʉ. [Pʉʉ cɛꞋlɛ Sɛ́ nǔu tú-pʉɔ pinɛ pɔ́p zɑ́Ꞌnɛ ku yʉ́ʉ.]

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

1 Kɔlɛ̂ŋtɛ 15:20

Lɑ́ ɛ́ kɛ́ mbɔɔ pɔ́Ꞌɔ pɔ́, Kɛlístɔ kɑ tsuŋ ńzẅíimɛ nǔu nɛvú ḿbɔ́ nduŋmbi, ńdɔk ńnyɛt ŋɡɔ pʉɔ pi pɔ́p kɑ pfúnɛ ɡʉ ńdɑ́Ꞌ ḿbɛn ńzẅíimɛ yɔ́p nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 20:36

Pɔ̂l kɑ cú nu tɛ ŋ́ɡɔ ḿbɔ́tnɛ ńnɑ́ŋ, pɔ́p pɛpɔ́p pɛ́tsʉʉ pi mɛkẅíꞋlɛ sɛ́, ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 9:40

Pyɛ̂ fú ndɑ́ ńcẅɛɛtɛ pʉɔ tsʉʉ, ńcúŋ ŋ́kẅíꞋlɛ sɛ́, ńcɛꞋlɛ Sɛ́, ḿbɛn ɛ́shɔtnɛ ńdíŋɛ mpfú, ńcú ŋɡɔ: «Tɑpítɑ, lɔ sɛ́.» Tɑpítɑ ɡɔ́ɔ ńníɛꞋ mík, ḿbɔ́ tɛ ńjʉ́ɔ Pyɛ̂, ŋ́ɡɔ́ɔ ḿbʉꞋ mbʉʉ yɛ ńnɑ́ŋ nɑ́ŋnɛ.

Lúkɑ́shi 6:28

Pʉʉ tsɑ́ɑ pɔ nu sʉ́Ꞌnɛ nǔu tú pʉɔ pinɛ pɔ́p sɛ́ ńtsɑ́ɑ nu kɛpɔŋ nǔu pʉʉ! Pʉʉ púꞋ mbɔ́ mbɔ̌ Sɛ́ nǔu tú-pʉɔ pinɛ pɔ́p sɛ́ sẅiŋɛ kɛpɔŋ nǔu lík yʉ́ʉ!

1 Kɔlɛ̂ŋtɛ 15:18

Ɛ́ pɛn ńdɔk ḿbɔ́ ŋɡɔ, pʉɔ pi pɔ́p kɑ ɡɔ́ ḿpfú, tʉ́m yɔ́p zɑ́pmɛ nǔu Kɛlístɔ, pɔ́p kɑ pɛ́ mɔ́.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 13:36

Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.

Lúkɑ́shi 22:41

Ń cú pɔ́Ꞌɔ, ńnɑ́ wɔ́p ḿbɛn ńtʉ́ʉ nɛmɑꞋ ŋɡɔꞋ, ńcúŋ ŋ́kẅíꞋlɛ sɛ́, ḿbɔ́ ńcɛꞋlɛ Sɛ́ ńcú ŋɡɔ:

1 Tɛsɑlɔník 5:10

A kɑ pfú nǔu tú yɛ́kŋɛ, nɛpɔ́ yi pɛkŋɛ lɑɑ ńzɛɛ ḿpfú mbɑ pfúnɛ, kɛ ḿbɛ́t pɔ ntʉʉ ɔɔ, mbɔ pɛkŋɛ pɛ́pɔ́p zɛɛnɛ ḿbɔ́.

1 Kɔlɛ̂ŋtɛ 15:6

ḿbɑ́ɑtɛ ńnyɛt mbʉʉ yɛ́ mbɔ̌ pɔ́ɔpɛ́mɑ́ tɛ ɛ́ lɛɛ pʉɔ ŋkʉ yɛ́tɑɑ, pɔ́p tɛmtɛ ńjʉ́ɔ wɛ́. Ɛ́ nǔu pɔ́p nɛlʉ́m pɛ́t pɔ ɡú, lɑ́ mbɔ yɛcɔ́ ntɑ́Ꞌ pfútɛ mɔ́.

Mɑtʉ̈ɔ 27:52

mɛtú-mɛshi tsɔ́Ꞌnɛ ńtʉ́ʉ, pɛpfú pi pɔ́p kɑ zɑ́pnɛ tʉ́m yɔ́p nǔu Sɛ́ jʉɔmɛ tɛ ńzɑ́ɑ,

1 Kɔlɛ̂ŋtɛ 11:30

Ɛ́ yúu mi ɛ́ ɡɛnɛ lɑ́ pʉɔ tɛ ńzɑ́ɑ pɔ́ tsɛtsɛt pʉʉ, ḿbɔ́ ɡɑŋɡɔɔ. Pɛcɔ́ pɔ́ pɛkʉ́ɔ, mbɔ pɛcɔ́ kɑ pfutɛ mɔ́.

1 Kɔlɛ̂ŋtɛ 15:51

Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,

Jɑ̂ŋ 11:11

Yɛ́su cú yɔ nu, ḿbɛn ŋɡɔ: Súu wɛkŋɛ Lɑzɑ̂ɑ sɛ ńdɛ́, lɑ́ ŋ ɡʉ ŋ́ɡʉ jʉɔmɛ wɛ́.

2 Timɔtɛ́ɛ 4:16

Ɛ́ ɡʉ nǔu nu yɑ́ɑ, mbɔ ŋ kɑ pɔ́ nduŋmbi ŋkɑ́ yi ŋ kɑ ɡʉnɛ zʉꞋ-ntsɑŋ zɔŋ tú yɑ́ɑ. Pʉɔ tsʉʉ ḿmɛꞋ wɑ́ɑ, n cẅɛt zɛ́nɛ mɔ. Sɛ́ likŋɛ yîyɑ́ nu ŋ́ɡɑ́ mbɔ̌ pɔ́p!

2 Pyɛ̂ 3:4

ńcú ŋɡɔ: Yɛ́su ŋkɑɑ cú ŋɡɔ ɑ ɡʉ ńtɔ́ pɔ́ɔ? Tɛ ɑ pɔ ɡɔ́? Pɛtɑ́t pɛk kɑ lɑ́Ꞌ mɔ́ ḿpfútɛ, yɛcɔ́ yúu ŋ́kɛ́ mbɔɔ kúpmɛ, mbɑ kʉ̈ɔ́ lɑ́ kɛ́ ḿbɔ́ pɔ pɑ́Ꞌ ɛ́ kɑ pɔ́nɛ tɛ ɛ́fúnɛ pɑ́Ꞌ pɛ́ kɑ niitɛ́nɛ ndǔmbí.