ŊwɑꞋnɛ-Gɑŋntúu Yɛ́su Kɛlístɔ 7:56 - Kɑɑ Fí

⁵⁶ Ɛtiyɛ̂n cú ŋɡɔ: «Mɔ sɛ́ ńjʉ́ɔ pɑ́Ꞌ ntsu-tʉ́nɛ́pú tsɔ́Ꞌnɛnɛ ńtʉ́ʉ. Mɔ́ɔ-Ŋu tʉ́ʉ nǔu ɡúŋ-pɔ́-Sɛ́ yi tʉʉ.»

ŊwɑꞋnɛ-Gɑŋntúu Yɛ́su Kɛlístɔ 7:56 Referans Kwoze

Mɛnu ɛ́ ńdɑ́Ꞌ ńcẅɛt 19:11

M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 11:19

Pɔ́p cú pɔ́Ꞌɔ, tɛ ŋ́ɡɔ ḿmɛkŋɛ, ntsundɑ́-nɔŋpɔꞋ-Sɛ́ yí ɛ́ tʉ́nɛ́pú tsɔ́Ꞌnɛ ńtʉ́ʉ, ŋkɔp ẅi Sɛ́ kɑ lɔknɛ ŋ́ɡwɑt kɑɑ cẅɛt ńtʉ́ʉ tsɛt zʉꞋ yɛ́ yîyɑ́. Mɛnɛ́ɛ-mbʉŋ kyɛꞌ zʉꞋ. Pɛ́ zúꞋ mɛŋɡi, ńzúꞋ nɛfɑŋ kwɛnɛ ŋɡɑ ŋɡɑ. Tsɛ́tsɑ́ꞌ tsʉ́Ꞌnɛ. Mɛzẅii pûu ḿvutɛ pɑ́ꞋtɛꞋ.

ŊwɑꞋnɛ-Gɑŋntúu Yɛ́su Kɛlístɔ 10:11

ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, yɛcɔ́ yúu fú zúꞋu ńcúŋ, ḿbɔ́ ńtɔ́ nɛ́ sɛ́, ḿbɔ́ pɑ́Ꞌ mɑ́mɑ́ pɔ́-ndẅí yi pɛ́ ɡẅɛɛnɛ nǔu mɛlẅí mɛ́nɛ́kwɑ lɑ́.

Mɑtʉ̈ɔ 3:16

ńnuꞋ wɛ́ ŋki. Yɛ́su pɔ́ tɛ ńcẅɛt, ntsu-tʉ́nɛ́pú tsɔ́Ꞌnɛ ńtʉ́ʉ. A jʉ́ɔ Zẅikŋɛ-Sɛ́ fú tʉ́nɛ́pú ńcúŋ ḿbɔ́ pɑ́Ꞌ puutɛ lɑ́, ńtɔ́ ńnɑ́ŋ nǔu wɛ́.

Mɛnu ɛ́ ńdɑ́Ꞌ ńcẅɛt 4:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ŋ ɡɔ ńjʉ́ɔ, mbɔ pɛ́ tsɔ́Ꞌ yɛcɔ́ ntsundɑ́ tʉ́nɛ́pú. Ŋ ɡɔ́ɔ ŋ́kɛ́ ḿbɛn ńzúꞋ ŋu ẅí ɑ kɑ zɛɛ ńcú nu mbɔ̌ mɔ, ŋɡi yɛ pɔ́ pɔ pɑ́Ꞌ ŋɡi-ntɑŋ lɑ́, ɑ cú mbɔ̌ mɔ ŋɡɔ: Kɔ́ꞌ tɛ ŋ́kúu zɑꞋnɛ, n nyɛt wú nɛ́ yúu mi ɛ́ ɡʉ ḿbɑ́ɑtɛ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 10:16

A kɛ ńzúꞋ pɔ pɔ́Ꞌɔ, tɛ ɛ́ pɔ́ ŋkɑ́ yɛ́tɑ́t. Pɛ́ ɡɔ́ɔ ńdɔk yîyɑ́ yúu ḿbɛn nɛ́ tʉ́nɛ́pú.

Jɑ̂ŋ 1:51

Yɛ́su pɛn ŋ́kẅiꞋ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, pɛcʉ̈ɔ́Ꞌ-Sɛ́ pɔ́ ɛ́fú zúꞋu, ńcúŋ ńtɔ́ nǔu Mɔ́ɔ-Ŋu ḿbɛn ŋ́kɔ́Ꞌ nɛ́ tʉ́nɛ́pú.»

Lúkɑ́shi 3:21

Jɑ̂ŋ kɑ kɛ́ ŋ́ɡɔ ŋ́kúu tsɑ́ŋ, mbɔ ɛ́ m̄bɔ́ yɛcɔ́ lɛ́Ꞌ, ɑ nuꞋ pʉɔ ŋki tɛ ɛ́ mɛ, Yɛ́su tɔ́ yɛ́, ɑ nuꞋ wɛ́ ɡúu ŋki. Pɑ́Ꞌ ɑ ḿbɔ́ ŋ́ɡúꞋlɛ Sɛ́, ntsu-tʉ́ nɛpú tsɔ́Ꞌnɛ ntʉ́ʉ.

Mɑ́lɛ́kúshi 1:10

Yɛ́su pɔ́ ɛ́fú ŋki ńcẅɛt, ńjʉ́ɔ ntsu-tʉ́nɛ́pú ɡɔ́ɔ ńtsɔ́Ꞌnɛ ńtʉ́ʉ, Zẅikŋɛ Lɛ́ɛnɛ́nɛ cúŋ, ḿbɔ́ pɑꞋ puutɛ lɑ́, ńtɔ́ ńtʉ́ʉ nǔu wɛ́.

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

ŊwɑꞋnɛ-Gɑŋntúu Yɛ́su Kɛlístɔ 7:57

Pɔ́p zúꞋ pɔ́Ꞌɔ, ńzʉʉnɛ mɛtúutɛ́ mɔ́p, ŋ́ɡíɛt nɛ́ tʉʉ, ńjɛ́Ꞌ ḿbʉ̈ɔtnɛ nǔu wɛ́,