ŊwɑꞋnɛ-Gɑŋntúu Yɛ́su Kɛlístɔ 6:14 - Kɑɑ Fí

¹⁴ Pɛk kɑ zɛɛ ńzúꞋ ɑ cú ŋɡɔ Yɛ́su ŋu-Nɑ̌ɑzɑlɛt jʉ́ ɡʉnɛ ŋ́ɡɛ ŋ́kɛm Ndɑ́-nɔŋpɔꞋ yɛkŋɛ, ḿbɛn ŋ́kúp mɑt ẅí Mɔ̌sɛ̂ɛ kɑ ɡɑ́nɛ mbɔ̌ pɛkŋɛ.»

ŊwɑꞋnɛ-Gɑŋntúu Yɛ́su Kɛlístɔ 6:14 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 21:21

Lɑ́ pɔ́p kɑ pɔ́ ńzúꞋ pɛ́ cú nǔu ɡu ŋɡɔ. Ɔ sɛ́ ńzíꞋ mbɔ̌ pɑyúdɑ pi pɔ́p túu nɛ́ túu ŋɡɔ pɔ́p mɛꞋ nɛpʉ́ʉ-Mɔ̌sɛ̂ɛ. Ŋɡɔ ɔ sɛ́ ńcú ŋɡɔ kɔɔ pɔ́p pɛn ḿbúꞋ mbɔ́ŋkʉ̈ɔ́ pɔ́p. Ŋɡɔ ɔ sɛ́ ńtɔꞋ wɔ́p nɛpɛn ńnɛn nǔu pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ.

ŊwɑꞋnɛ-Gɑŋntúu Yɛ́su Kɛlístɔ 15:1

Pɛcɔ́ pʉɔ ɡɛ ɛ́fú Judɛ̂, ńtɔ́ Antíyɔshɛ, ńzɛ nɛzíꞋ pʉɔ-Kɛlístɔ ŋɡɔ Sɛ́ lɑɑ ḿbɔ́ ɑ pɔɔ ɡɛ pɔ́p luk kɛ́ pɔ́ yi pɛ́ púꞋ wɔ́p pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ pɔ́.

Ŋɡɑlɑ̂t 3:23

Kɛlístɔ kɑ ɡɔ́ ńtɔ́ tɛ pɛ́ zɑ́p tʉ́m nǔu wɛ́, pɛk pɑyúdɑ pɔ́ ńzúꞋ pɔ ntsu nɛpʉ́ʉ-Mɔ̌sɛ̂ɛ, ɛ́ pɔ́ ńcẅɛ́ɛ wɛ́k pɑ́Ꞌ pɛ́ cẅɛ́ɛnɛ ɡɑŋtsɑ́ŋ lɑ́, tɛ ŋ́kúu nǔu ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ pɛ́ jí Yɛ́su Kɛlístɔ ńzɑ́p tʉ́m nǔu wɛ́.

Ŋɡɑlɑ̂t 3:19

Mbɔ ŋu zúꞋ ḿbíkŋɛ ŋɡɔ tɛ Sɛ́ kɑ pɔ́ pɑ́Ꞌɑ ḿbɛn ńzɑ́p nɛpʉ́ʉ mbíꞋ pɔ kʉ̈ɔ́? A kɑ pɔ́ ńzɑ́p pɔ nɛlɔk ŋ́ɡɛ ŋu ɛ́fɑɑnɛ nu ńjí ŋɡɔ ɑ fɑɑnɛ. Nɛpʉ́ʉ kɑ fɑꞋ yɛ́ fɑꞋ tɛ ńdɑ́Ꞌ ŋ́kúu ŋkɑ́ yi ŋu-Ábɛlɛhɑ̂m ẅí Sɛ́ kɑ kɑꞋnɛ yúu ŋɡɔ ɛ́ yɛ́ ŋɡɑŋ kɑ lɑ́Ꞌnɛ ńtɔ́. Ɛ́ ɡʉ nǔu mîmɑ́ mbʉ́ʉ, mbɔ Sɛ́ kɑ túu pɛcʉ̈ɔ́Ꞌ pɛ́, pɔ́p ɡɑ́ mbɔ̌ nɛnkɛ́m.

ŊwɑꞋnɛ-Gɑŋntúu Yɛ́su Kɛlístɔ 28:17

Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

Jɑ̂ŋ 4:21

Yɛ́su cú mbɔ̌ wɛ́ ŋɡɔ: «Mɑ́ɑ, pɛ́m nu yí mɔ ńcú. Ŋkɑ́ sɛ́ ŋ́kuꞋ pɑ́Ꞌ pʉʉ kɛ́ pɛn ŋ́ɡúꞋlɛ Tɑ̌ɑ ndǔ nɔ nɛŋkɔ́Ꞌ pɔ́, mbɑ Yɛlúsɑlɛm pɔ́.

Lúkɑ́shi 21:6

«Kɔɔ pʉʉ jʉ́ɔ pɔ pɑ́Ꞌ ɛ́ pɔ́ŋnɛ lɑɑ, yɛcɔ́ lɛ́Ꞌ ɡʉ ŋ́ɡɛ ḿbɔ́, pɛ́ puu ńtɑ́k, tɛ ŋɡɔꞋ pɔɔ pɛn ńzɑ́pmɛ ndǔ yɛcɔ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 26:3

ńtsɑ́ɑtɛ tɛꞋ, mbíꞋŋɡɔ kwɑꞋ zɑɑmɔɔ sɛ́ ńjí mɑt-lɑ́Ꞌ wɔp, ḿbɛn ḿbɔ́ ńniitɛ ńjí mɛnu mi pɔ́p zɔŋnɛ. Ɛ́ pɔ́Ꞌɔ, lɑ́ m bɔ́ ḿbúꞋ mbɔ́ mbɔ̌ zɑɑmɔɔ ŋɡɔ ɑ sʉk, ńtsuŋ ńzúꞋ nu yi mɔ ńcú.»

ŊwɑꞋnɛ-Gɑŋntúu Yɛ́su Kɛlístɔ 25:8

Pɔ̂l pɔ́nɛ ńcú ŋɡɔ: «Mɔ ŋkɑɑ nu kɛpɔŋ ɡɛ. Mɔ ŋkɑɑ nɛpʉ́ʉ-pɑyúdɑ fɑɑnɛ. Mɔ ŋkɑɑ níꞋ lɔ́Ꞌ nǔu ZʉꞋ-nɔŋpɔꞋ pɔ́, ŋ́kɛ́ mbɔɔ sẅiŋɛ kɛpɔŋ nǔu Kɑ́sɑ-Pɑlɔ́mɑ pɔ́.»

Lúkɑ́shi 21:24

Pɛ́ lɔk mɛníi-ntsɔ ŋ́ɡwɑt pʉɔ, ŋ́ɡẅɛɛ pɛcɔ́, ɛ́sɑt mɛlɑ́Ꞌ mɛlɑ́Ꞌ pɔ́p tsʉ́Ꞌ pɛkwɑɑ. Yɔ ntɛ́ yi pʉɔ mɛlɑ́Ꞌ mi pɔ́p kɑ́ jí Sɛ́ pɔ́, ɡʉ ńdɑ́Ꞌ ḿbuu ɛ́sɑt Yɛlúsɑlɛm pɔ́Ꞌɔ, ńnɔꞋ pʉɔ zúꞋu tɛ yɔ́p ŋkɑ́ lɑ́Ꞌ ḿmɛ.

Mɑ́lɛ́kúshi 14:58

A ɡʉ ńdɑ́Ꞌ ŋ́kɛm zʉꞋ-nɔŋpɔꞋ yí pʉɔmɛsɔŋ kɑ lɔknɛ mbɔ́ mɔ́p ŋ́kút, ńdɔk lɛ́Ꞌ pɛtɑ́t ŋ́kút wɛ ndɛꞋ, tɛ ɛ́ pɔɔ pɛn ḿbɔ́ yi pʉɔmɛsɔŋ lɔknɛ mbɔ́ mɔ́p ŋ́kút pɔ́.»

Mɑtʉ̈ɔ 26:61

«Ŋu wɑ́ lɑ́ kɑ cú ŋɡɔ: A kuꞋ nɛkɛm ndɑ́-nɔŋpɔꞋ, ńdɔk lɛ́Ꞌ pɛtɑ́t ŋ́kút.»

Jɑ̂ŋ 2:19

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ kɛm ndɑ́-nɔŋpɔꞋ yɔ, n dɔk lɛ́Ꞌ pɛtɑ́t, ḿbʉꞋ ńtík tíknɛ.»