ŊwɑꞋnɛ-Gɑŋntúu Yɛ́su Kɛlístɔ 5:31 - Kɑɑ Fí

³¹ Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

ŊwɑꞋnɛ-Gɑŋntúu Yɛ́su Kɛlístɔ 5:31 Referans Kwoze

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

Ɛ́bɛlʉʉ 2:10

Sɛ́ kɑ ɡɛ yúu tsʉʉ yi ɛ́ ndǔmbí ɛ́ pɔ́ ɡú, ḿbɔ́ pɔ yúu pɛ́. Pɑ́Ꞌ ɑ kɑ pɛn ḿbɔ́ ŋ́kɔŋ ŋɡɔ pʉɔ tɛ ńzɑ́ɑ ɡʉ ńtsʉ́Ꞌ pʉɔ pɛ́, ɛ́ pɔ́ tsɛt nɛɡúꞋ wɛ lɑ́, Yɛ́su pɛn ŋ́ɡẅɛɛ nɛɡɛ pɔ́p luk lɑ́, ɛ́ kɑ pɔ́ ḿbíkŋɛ ŋɡɔ ɑ ɡɛ Yɛ́su fú nǔu ŋɡʉ̈ɔ́Ꞌ yi ɑ jʉ́ɔnɛ, ŋ́kuꞋ ŋu ẅí ɑ ɡʉ ŋ́ɡɛ pɔ́p luk.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Jẅidɛ 1:25

ŋu ɛ̂wɑ́ pɔ́nɛ ndɑꞋ Sɛ́. A kɑ lɔk Tsɑpʉɔ wɛkŋɛ Yɛ́su Kɛlístɔ ŋ́ɡɛ pɛkŋɛ luk. Pɛ́ ɡúꞌlɛ pɔ wɛ́, jʉ́ ɡẅɛɛnɛ nɛɡúꞋ, jʉ́ ɡẅɛɛnɛ mɛtʉʉ, jʉ́ sɑ́Ꞌnɛ pʉɔ, pɑ́Ꞌ ɑ kɑ lɑ́Ꞌnɛ ńzɛ, ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ, nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Kɔlɔsíyɛ̂ŋ 1:14

Jʉ́ mɔ́ɔ nɛ ɛ̂wɑ́ kɑ ɡɛnɛ Sɛ́ fú tsɛt nu kɛpɔŋ ńtsúꞋ wɛkŋɛ, ńdikŋɛ mɛfɑɑnɛ mɛkŋɛ, ŋ́ɡɑ́ mbɔ̌ pɛkŋɛ.

Filipɛ 3:20

Ɛ́ ɡʉ nǔu pɛkŋɛ, mbɔ wɛkŋɛ ŋɡɔŋ pɔ tʉ́nɛ́pú. Pɛkŋɛ sɛ́ ńzẅíꞋlɛ ŋɡɔ Tsɑpʉɔ Yɛ́su Kɛlístɔ fú zúꞋu ńtɔ́, ŋ́ɡɛ pɛkŋɛ luk.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

2 Kɔlɛ̂ŋtɛ 2:10

Pʉʉ lɑɑ ńdikŋɛ mɛfɑɑnɛ-ŋu, ŋ́ɡɑ́ mbɔ̌ wɛ́, mbɔ mɔ ńdikŋɛ yɑ́ɑ ŋ́ɡɑ́ mbɔ̌ ŋɡɑŋ, ḿbɔ́ yi n dɑɑ ŋ́ɡẅɛɛ nɛlikŋɛ mɛfɑɑnɛ-ŋu, ńdikŋɛ, mbɔ n tʉ́ʉ mbi Kɛlístɔ ńdikŋɛ pɔ nɛlɔk ńcẅɛ́lɛ wʉ́ʉ,

ŊwɑꞋnɛ-Gɑŋntúu Yɛ́su Kɛlístɔ 13:23

Sɛ́ pɛn ŋ́ɡʉ nǔu njẅɛtndɑ́-fɔɔ Ndɑvît, ŋ́ɡɛ pɛ́ pí Nzɑ́Ꞌŋkʉ pɑ́Ꞌ ɑ kɑ kɑꞋnɛ, ŋɡɑŋ pɔ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 4:11

Jʉ́ lɔknɛ ḿbɔ́ ŋɡɔꞋ yi ŋwɑꞋnɛ-Sɛ́ cúnɛ nu nǔu wɛ́ ŋɡɔ: «ŊɡɔꞋ yí pʉʉ pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ nɛlẅí-ndɑ́.»

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

Mɑ́lɛ́kúshi 4:12

Ɛ́ pɔ́Ꞌɔ lɑ́, ḿbɔ́ pɑꞋ pɛ́ kɑ ŋwɑꞋnɛnɛ ŋɡɔ: «Pɔ́p ɡʉ ḿbɔ́ ńdíŋɛ zʉꞋ, ŋ́kɛ́ ḿbɔɔ yúu jʉ́ɔ ḿbɔ́ ńzúꞋ zʉꞋ, ḿbɔɔ zúꞋ tɛ ńzúꞋ pɔ́. Ɛ́ pɛ́Ꞌɛ ḿbɔɔ pɔ́Ꞌɔ pɔ́, mbɔ pɔ́p ḿbɛn mbɔ̌ Sɛ́, ɑ likŋɛ mɛnu kɛpɔŋ mɔ́p.»

Mɑ́lɛ́kúshi 2:10

Ŋ ɡʉ ŋ́kɛ́ ńnyɛt wʉ́ʉ ŋɡɔ, Mɔ́ɔ-Ŋu ɡẅɛɛnɛ nɛlikŋɛ mɛnu kɛpɔŋ-pʉɔmɛsɔŋ.» Yɛ́su píkŋɛ pɑ́Ꞌɑ, ńcú mbɔ̌ ŋɡɑŋkẅíꞋlɛ ŋɡɔ:

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

2 Pyɛ̂ 2:20

Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Tîtɛ 2:10

ŋɡɔ kɔɔ pɔ́p jʉ̈ɔ yúu-pʉɔ pi pɔ́p ɡẅɛɛnɛ wɔ́p. Tɛ ńtsʉ́Ꞌ pɔ́Ꞌɔ, pɔ́p nyɛt ŋɡɔ pɔ́p pʉɔ mbɔ pɛ́ nɑ́ nzʉʉ mbɔ̌ pɔ́p. Pɔ́p lɑɑ ŋ́ɡɛ pɑ́Ꞌɑ, mbɔ pʉɔ ɡʉ sẅiŋɛ sʉ́Ꞌnɛ nǔu mɛnu mi pɛkŋɛ zíꞋnɛ nǔu Sɛ́ ẅi ɑ ɡɑ́nɛ luk.»

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Jɑ̂ŋ 4:42

Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»