Biblia Todo Logo
Bib sou entènèt

- Piblisite -




ŊwɑꞋnɛ-Gɑŋntúu Yɛ́su Kɛlístɔ 5:16 - Kɑɑ Fí

16 Pʉɔ tɛ ńzɑ́ɑ kɑ pɔ́ ḿbɛn ɛ́fú tsɛt mɛlɑ́Ꞌ mi ɛ́ mbʉʉ Yɛlúsɑlɛm ńdɔk pɛŋɡɔɔ mbɑ pʉɔ pí mɛzẅikŋɛ kɛpɔŋ kɑ pɔ́ ḿbúunɛ wɔ́p, ńtɔ́ ńjʉ́ɔ ɡɑŋntúu. Pɔ́p ɡɛ pɔ́p pɛtsʉʉ fíitɛ.

Gade chapit la Kopi




ŊwɑꞋnɛ-Gɑŋntúu Yɛ́su Kɛlístɔ 5:16
16 Referans Kwoze  

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.


Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»


Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.


Lɑ́Ꞌ jí, ńcʉ́ɔ nzʉʉ yɛ. A mɛɛ ḿbɛ́m, ńnɛn ɛ́sẅíi wɔ́p nɛ́ nu nǔu nɛfɔɔ-Sɛ́, ḿbɛn ŋ́ɡɛ pʉɔ pɛ́tsʉʉ pinɛ pɔ́p kɑ pɔ́ ńtsɑ́ɑ nɛfíitɛ fíitɛ.


Yɛ́su pɔ́ yɛcɔ́ lɛ́Ꞌ, ḿbɔ́ ńdɛꞋlɛ nu-Sɛ́, pʉɔ-Fɑlísɑy pɔ́p pɑkyɛ́Ꞌtɛ nɛpʉʉ-Sɛ́ tɔ́ ńnɑ́ŋ nɛjɔ́ŋ yɛ́, ɛ́fú nǔu mɛlɑ́Ꞌ mi ɛ́ tsɛt ŋɡɔŋ Ŋɡɑlilɛɛ pɔ́p Jẅidɛ̂ tɛ mbɑ tʉ́sɔŋ Yɛlúsɑlɛm. Mɛtʉʉ-Tsɑpʉɔ Sɛ́ pɔ́ nǔu Yɛ́su, ɑ lɔk ńzɔŋ mɛɡɔɔ.


Ntsuŋkẅɛ́Ꞌ ɡɛ ḿbɔ́, pɛ́ lɔk pʉɔ tɛ ńzɑ́ɑ pínɛ mɛzẅikŋɛ kɛpɔŋ sɛ́ ŋ́ɡɑ́ɑnɛ wɔ́p ńtɔ́ mbi Yɛ́su, ɑ cú nu tɑ́Ꞌ ŋkɑ́. Mɛzẅikŋɛ kɛpɔŋ fú nǔu pʉɔ ńcẅɛt, ɡɑŋɡɔɔ pɛn ɛ́fíitɛ ɡúu.


Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.


Zẅikŋɛ ɛ̂yɑ́ pɛnnɛ ŋ́ɡɛ wɛcɔ́ ŋu pɔ́ ńzɑ́p tʉ́m yɛ́ nǔu Sɛ́ tɛꞋ, wɛcɔ́ ɡẅɛɛ nɛɡɛ ɡɑŋɡɔɔ fíitɛ.


Ɛlɔ̂dɛ pɔ́ tɛ ńjʉ́ɔ ŋɡɔ pɑjí nu nǔu pɛcʉ̈ɔ́Ꞌ-sɑŋ kɑ fʉ́klɛ wɛ́, ńzɑ́ŋ lɔ́ŋ tɛꞋ, ŋ́ɡɔ́ɔ ńtúu pʉɔ ŋɡɔ pɔ́p ɡʉ tʉ́sɔŋ-Mbɛ́tɛ́lɛ́hɛm tɛ mbɑ mɛpɑt-tʉ́sɔŋ, ḿbuu ńjẅítɛ mbɔ́ŋkʉ̈ɔ́ tsʉʉ pinɛ pɔ́p kuꞋnɛ ŋɡuꞋ yɛ́pɑ́ mbɑ pi pɔ́p pɛ́t kɛ́ kuꞋ ŋɡuꞋ yɛ́pɑ́, ńdɔk ńdʉŋtɛ pɔ́Ꞌɔ, nǔu ŋkɑ́ yi pɔ́p kɑ sẅíinɛ wɛ́ ŋɡɔ cʉ̈ɔ́Ꞌ-sɑŋ kɑ cẅɛt lɑ́.


Pɛ́ kɑ ɡʉɔꞋlɛ nu yɔ́p ɡʉɔꞋlɛnɛ tɛ pɛ́ lɔk mɛkúu pɔ́p pɛmɑ́tɑ ńtíi pɛŋɡɔɔ ńnɔŋ wɔ́p ŋkɑŋ-sɛ̂ndúŋ nɛpɔ́ yi Pyɛ̂ ɡʉ ŋ́ɡɔ ńdɛɛ, mɔ́jíjʉŋ wɛ tɛ́mɛ nǔu wɛcɔ́.


Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.


Pɔ́p pɛ́tsʉʉ tɔ́ pɔ́Ꞌɔ nɛzúꞋ sẅiŋɛ Yɛ́su, mbɑ pɑꞋ ɑ ɡʉ ŋ́ɡɛ mɛɡɔɔ mɔ́p fíitɛ. Pʉɔ pinɛ mɛzẅikŋɛ kɛpɔŋ kɑ pɔ́ mbʉʉ pɔ́p ɑ ńzɔŋ wɔ́p.


Swiv nou:

Piblisite


Piblisite