ŊwɑꞋnɛ-Gɑŋntúu Yɛ́su Kɛlístɔ 4:27 - Kɑɑ Fí

²⁷ Ɛ́ kwɑꞋ nu. Ɛlɔ̂dɛ pɔ́p Pɔ́ŋntí Pilɑ́tu cúꞋlɛ tsɛt tʉ́sɔŋ yɔ pɔ́p pɑtúu tɛ mbɑ mɛcɔ́ mɛtsɛ́nndɑ́-Íslɑyɛ̂l, ńcúꞋlɛ pɔ́Ꞌɔ, nɛlʉ̈ɔ́Ꞌ Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ, ńzɔ́Ꞌ wɛ́.

ŊwɑꞋnɛ-Gɑŋntúu Yɛ́su Kɛlístɔ 4:27 Referans Kwoze

Mɑtʉ̈ɔ 27:2

pɔ́Ꞌɔ lɑ́, ŋ́ɡɛ pɛ́ kút wɛ́, ńdɔk wɛ́ ŋ́ɡʉ ŋ́ɡɑ́ mbɔ̌ ŋɡɔ́mnɑɑ Pilɑtɔ.

ŊwɑꞋnɛ-Gɑŋntúu Yɛ́su Kɛlístɔ 4:30

Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»

Lúkɑ́shi 9:22

ḿbɛn ńcú mbɔ̌ pɔ́p ŋɡɔ: «Ɛ́ píknɛ ŋɡɔ mɔ́ɔ-ŋu ɡɛ ńjʉ́ɔ ŋɡʉ̈ɔ́Ꞌ tɛꞋ, ŋɡɔ Pɛkɛ́m-lɑ́Ꞌ-Pɑyúdɑ pɔ́p pɛtɑ́tndɑ́-pɑnɔŋpɔꞋ mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńdʉꞋ wɛ́, ŋ́ɡɛ pɛ́ jẅí wɛ́, lɑ́ mbɑ́ɑtɛ lɛ́Ꞌ pɛ́tɑ́t ɑ zẅíimɛ nǔu nɛvú.»

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 2:27

mbíꞋŋɡɔ ɛ́ lɑɑ ḿbɔ́ ɔ pɔɔ mɛꞋ wɑ́ɑ lɑ́Ꞌ-pɛpfú pɔ́, ḿbɛn ŋ́kɛ́ mbɔɔ pɛ́m ŋɡɔ ŋu ẅí ɔ kɑ tsɔ́Ꞌnɛ wɛ́ lʉ̈ɔ́ tsɛt nɛshi pɔ́.

Jɑ̂ŋ 19:34

Lɑ́ wɛcɔ́ tɑ́Ꞌ nǔu pɑlʉ̈ɔ́Ꞌntsɔ lɔk nɛkɔŋ, ɛ́sɔp ɡúŋ-ŋɡíi-Yɛ́su. Mɛci pɔ́p ŋki ɡɔ́ɔ ńcẅɛt zúꞋu.

Jɑ̂ŋ 18:28

Pɛ́ fú ntɔ́Ꞌ-Kɑyífɑ, ńdɔk Yɛ́su ŋ́ɡʉ nɛ́ njɛ́Ꞌ-ŋɡɔ́mnɑɑ-Pʉɔ-Lɔ́mɑ. Ɛ́ pɔ́ mbɑꞋmbɑꞋɑ́. Pɛkɛ́m pí pɔ́p lɔknɛ Yɛ́su ńtɔ́ kɛ́ mbɔɔ yɔ́p ndɑ́ ŋɡɔ́mnɑɑ kúu, ḿbɔ́k nɛtíi lɔ́Ꞌ, ɛ́ tɔꞋ wɔ́p nɛjʉ́ ndínɑ-Pɑ́skɑ.

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 1:11

Ɛ́ kɑ tɔ́ kwɑꞋ ŋɡɔŋ pɔ́p, pʉɔ-ŋɡɔŋ wɔ́p pɔɔ wɛ́ kúkŋɛ.

Lúkɑ́shi 22:63

Pʉɔ pinɛ pɔ́p kɑ ɡẅɛɛnɛ Yɛ́su kɑ pɔ́ ńtswɑ́ɑ wɛ́, ḿbɔ́ ńzɔɔtɛ wɛ́.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Mɑ́lɛ́kúshi 15:31

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́ ńzɔɔtɛ Yɛ́su ɡúu, ɛ́shɔtnɛ ńcú tsɛtsɛt pɔ́p ŋɡɔ: «A kɑ ɡɛ pɛcɔ́ pʉɔ luk, lɑ́ ɑ kɑ́ kuꞋ nɛcẅɛ́ɛ yɛ́ tú mbɔ̌ nɛvú pɔ́.

Mɑ́lɛ́kúshi 10:33

«Pʉʉ tsuŋ ńzúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋɑ, ŋ́kúu zúꞋu, pɛ́ fɛn Mɔ́ɔ-Ŋu mbɔ̌ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p ŋɑk wɛ́, ńzɑ́p pɑꞋ ɑ ɡʉ ḿpfú, ŋ́ɡɑ́ wɛ́ mbɔ̌ pʉɔ-túu ndɛꞋ.

Mɑtʉ̈ɔ 23:37

Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?

Mɑtʉ̈ɔ 21:28

Yɛ́su pɛn ńcú ŋɡɔ: «Pʉʉ zúꞋ yɔ nu, ɛ́sẅíi wɑ́ɑ nɛ́ nu yí pʉʉ kɑ kwɑŋɛ́nɛ. Wɛcɔ́ ŋu kɑ lɑ́Ꞌ ŋ́ɡẅɛɛ mbɔ́ŋkʉ̈ɔ́ pɛ́ pɛ́pɑ́, ńcú mbɔ̌ nduŋmbi ŋɡɔ: “Mɔ́ɔ wɑɑ, ɡʉ ŋkɑ́Ꞌ lɔ́Ꞌnɛ ńjúk zúꞋu ɛ́fɑꞋ.”»

Mɑtʉ̈ɔ 14:1

Ɛ́ pɔ́ ŋkɑ́ ɛ̂yɑ́, Ɛlɔ̂dɛ ẅí ɑ kɑ pɔ́ ɛ́sɑ́Ꞌ pɑk-ŋɡɔŋ-Ŋɡɑlilɛɛ zúꞋ pɑ́Ꞌ pɛ́ kẅíinɛ lík-Yɛ́su ntɛ́ mɛnu mi ɑ sɛ́ ŋ́ɡɛ,

Mɑtʉ̈ɔ 14:3

Ɛlɔ̂dɛ cú pɔ́Ꞌɔ, mbíꞋŋɡɔ ɑ kɑ ɡɛ pɛ́ ɡẅɛɛ Jɑ̂ŋ, ŋ́kút wɛ́ ńníꞋ wɛ́ ndɑ́tsɑ́ŋ, mɛlɑ́Ꞌ Ɛlɔ̂díyɑ ẅí ɑ m̄bɔ́nɛ nzwɛ́-Fílîp, mɔ́ɔmɑ́ pɛ́ Ɛlɔ̂dɛ ɛ̂wɑ́.

Mɑtʉ̈ɔ 14:6

Ɛ́ ɡɛ ḿbɔ́ lɛ́Ꞌ-ndínɑ, nɛlɔk ŋ́kẅíitɛ lɛ́Ꞌ yi pɛ́ kɑ pínɛ fɔɔ Ɛlɔ̂dɛ. Mɔ́ɔ-Ɛlɔ̂díyɑ wɛ mɑŋɡɛ́ nʉŋ mbi pɛɡʉʉ-ndínɑ. Nu pɔŋ fɔɔ Ɛlɔ̂dɛ,

Lúkɑ́shi 23:1

Gɑŋ-cúꞋlɛ cú pɔ́Ꞌɔ, ńdɔ sɛ́ pɛtsʉʉ, ńdɔk Yɛ́su ŋ́ɡʉ nɛ́ mbi-Pilɑ́tu.

Jɑ̂ŋ 18:29

Pilɑ́tɔ kẅɛ́ɛtɛ wɔ́p píi, ńcú ŋɡɔ: «Pʉʉ ɛ́fɛn ŋu wɔ mɛlɑ́Ꞌkʉ̈ɔ́?»