ŊwɑꞋnɛ-Gɑŋntúu Yɛ́su Kɛlístɔ 4:13 - Kɑɑ Fí

¹³ Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

ŊwɑꞋnɛ-Gɑŋntúu Yɛ́su Kɛlístɔ 4:13 Referans Kwoze

1 Kɔlɛ̂ŋtɛ 1:27

Lɑ́, Sɛ́ kɑ tsɔ́Ꞌ yúu mi ndǔmbí jʉ́ɔnɛ ɛ́ pɔ́ pɔ yúu pɛpɑ́lɛ́ ńdɔk ńtɛ́m sʉ́ʉ nǔu pɑjínu, ńtsɔ́Ꞌ yúu mi ɛ́ ndǔmbí ḿbɔ́t pɔ́tnɛ ńdɔk ńtɛ́m sʉ́ʉ nǔu mi ɛ́ ɡẅɛɛnɛ tʉʉ.

Jɑ̂ŋ 7:15

Ɛ́ kʉꞋnɛ pɑyúdɑ, pɔ́p cú ŋɡɔ: «A ɡɛ ŋɡɔ́ku ńjí ŋwɑꞋnɛ-ndɛn kɑɑ pɑ́Ꞌɑ, lɑ́ mbɔ ɑ ŋkɑɑ sɛkút zíꞋ?»

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 26:73

Pɛ́ nɑꞋ ńnɑ́ŋ, pʉɔ pí pɔ́p ḿbɔ́nɛ zúꞋu tɔ́ nɛjɔ́ŋ Pyɛ̂, ńcú ŋɡɔ: «Ɛ́ kɑ́ pɔ́ nu lɔɔnɛ pɔ́, ɔ wɛcɔ́ ŋu wɔp. Yu ntɛ́ nɛsẅíŋɛ ɡɛnɛ lɑ pɛk cú pɔ́Ꞌɔ.»

Jɑ̂ŋ 7:49

Nɔɔ-lɑ́Ꞌ yɑ́ yi ɛ́ kɑ́ jí nɛpʉ́ʉ pɔ́, ɡɑŋndɔɔ.

Lúkɑ́shi 22:8

Yɛ́su túu Pyɛ̂ pɔ́p Jɑ̂ŋ, ńcú mbɔ̌ pɔ́p ŋɡɔ: «Pʉʉ ɡʉ niitɛ yɛkŋɛ yúu-Pɑ́skɑ, pɛkŋɛ jʉ́.»

Mɑtʉ̈ɔ 26:71

Ŋ́ɡɔ́ɔ ŋ́kɛ́ ŋ́ɡʉ ńnɑ́ŋ nɛ́ ntsuŋkɑ́Ꞌ. Wɛcɔ́ ŋɡɑŋfɑꞋ wɛ mɑŋɡɛ́ jʉ́ɔ wɛ́, ńcú mbɔ̌ pʉɔ pínɛ pɔ́p ḿbɔ́nɛ zúꞋu ŋɡɔ: «Ŋu wɔ pɔ́p Yɛ́su ŋu-Nɑ̌ɑzɑlɛt kɑ pɔ́nɛ.»

Jɑ̂ŋ 19:26

Yɛ́su jʉ́ɔ pɑ́Ꞌ mɑ́ wɛ tʉ́ʉnɛ nɛjɔ́ŋ ŋɡɑŋku wɛ ẅí ɑ kɑ pɔ́ ŋ́kɔŋ wɛ́ tɛꞋ, ńcú mbɔ̌ mɑ́ wɛ ŋɡɔ: «Mɑ́ɑmɑɑ, mɔ́ɔ nu pʉ́ɔlɑ́.»

ŊwɑꞋnɛ-Gɑŋntúu Yɛ́su Kɛlístɔ 4:14

Ḿbɔ́ ńjʉ́ɔ pɑ́Ꞌ ŋu ẅí ɑ kɑ fíitɛ́nɛ tʉ́ʉnɛ nɛjɔ́ŋ Pyɛ̂ pɔ́p Jɑ̂ŋ, pɔ́p pɔɔ pɛn ńjí yɛcɔ́ nu yi pɔ́p ɡʉ ńcú pɔ́,

ŊwɑꞋnɛ-Gɑŋntúu Yɛ́su Kɛlístɔ 4:19

Lɑ́ Pyɛ̂ pɔ́p Jɑ̂ŋ tsɔ́Ꞌ mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ pɔ́ ŋɡɔ pɛ́ zúꞋ pɔ ntsu wʉ́ʉ kɛ wɛ́? Pʉʉ jʉ́ɔ yʉ́ʉ ŋɡɔ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 4:29

Ɔ́ɔŋ Tsɑpʉɔ, líŋɛ ŋkɔ̂ɔnɛ lɑ ńjʉ́ɔ pɑ́Ꞌ pɔ́p sɛ́ ḿbɑpmɛ wɛk. Gɑ́ sʉktʉ́m mbɔ̌ ɡɑŋfɑꞋ pú, pɔ́p sẅíi nu yú kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 9:27

Ɛ́ pɔ́ tɛ Pɑnɛpɑ́ɑshi lɔk wɛ́ ŋ́ɡʉ, ńtɔ́ ńnyɛt wɛ́ mbɔ̌ ɡɑŋntúu-Yɛ́su, ńtɔ́ ńnyɛt wɛ́, ḿbɛ́ɛtɛ ɛ́sẅíi wɔ́p ŋɡɔ Sɔ̂l kɑ jʉ́ɔ Tsɑpʉɔ Yɛ́su sɛ̂ndúŋ-Ndɑ́mɑ́s, tɛ kwɑꞋ Tsɑpʉɔ cú nu mbɔ̌ wɛ́, Pɑnɛ́pɑ́ɑshi pɛn ɛ́sẅíi wɔ́p pɑ́Ꞌ Sɔ̂l kɑ lɔknɛ lík-Yɛ́su ńcẅi Ŋkʉʉ Sʉ́Ꞌnɛ Ndɑmɑs kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 9:28

Ɛ́ fú ŋkɑ́ ɛ̂yɑ́, Sɔ̂l kúu yɛ́ tsɛtsɛt ɡɑŋntúu. Pɔ́p pɛ́pɔ́p tsʉ́Ꞌnɛ ḿbɔ́ ńnɛn tsɛt tʉ́sɔŋ-Yɛlúsɑlɛm. Sɔ̂l pɔ́ ńdɔk lík-Tsɑpʉɔ Yɛ́su ńcẅi Ŋkʉʉ Sʉ́Ꞌnɛ kɛ́ pɔ́k.

1 Kɔlɛ̂ŋtɛ 14:25

Yúu mi ɛ́ ńzɛɛnɛ ḿbɔ́ tsɛt tʉ́m yɛ́ yi lʉɔmɛ́nɛ, cẅɛt mɑ́ntɑ́ɑ, ɑ kẅíꞋlɛ sɛ́, ɛ́sɔp shʉ́ wɛ́ sɛ́, ŋ́ɡɔ ḿbɔ́ ŋ́ɡúꞋlɛ Sɛ́, ḿbɔ́ ńcú ŋɡɔ: «Ɛ́ nɛ́nẅín Sɛ́ tsuŋ ḿbɔ́ tsɛtsɛt pʉʉ.»

2 Kɔlɛ̂ŋtɛ 3:12

Pɑ́Ꞌ pɛk sɛ́ ńniitɛ ńjí ŋɡɔ mɔnɛ mɛnu nɛ́nẅín lɑ́, pɛk sɑ́ɑnɛ sɑ́ɑnɛ́nɛ ńcú nu nǔu.