ŊwɑꞋnɛ-Gɑŋntúu Yɛ́su Kɛlístɔ 3:22 - Kɑɑ Fí

²² Mɔ̌sɛ̂ɛ kɑ zɛɛ ńcú ŋɡɔ: «Tsɑpʉɔ Sɛ́ wʉʉ ɡʉ ńdɑ́Ꞌ ńtúu wɛcɔ́ Ŋɡɛ́mndʉ̈ɔ́Ꞌ wɛ. A pɔ́ pɑ́Ꞌ mɔ, ńcẅɛt pɔ tsɛtsɛt pʉʉ. A lɑɑ ndɑꞋ ńcú ŋɡɔ pʉʉ ɡɛ ŋɡɔ́ku ɔɔ pʉʉ zúꞋ.»

ŊwɑꞋnɛ-Gɑŋntúu Yɛ́su Kɛlístɔ 3:22 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 7:37

Jʉ́ Mɔ̌sɛ̂ɛ kɑ pɛnnɛ ńcú mbɔ̌ pɔ́ɔ-pɑíslɑyɛ̂l ŋɡɔ: «Sɛ́ ɡʉ ńdɑ́Ꞌ ḿbɛn ńtúu wɛcɔ́ Ŋɡɛ́mdʉ̈ɔ́Ꞌ-Sɛ́ mbɔ̌ pʉʉ. A pɔ́ pɑ́Ꞌ mɔ. A ɡʉ ńdɑ́Ꞌ ńcẅɛt pɔ tsɛtsɛt pʉʉ.»

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Mɛnu ɛ́ ńdɑ́Ꞌ ńcẅɛt 1:1

Nu yi ɛ́ tsɛt yɔ ŋwɑꞋnɛ ɛ́ yi ɛ́ kɑ lʉɔmɛ́nɛ, Yɛ́su Kɛlístɔ ɡɛ ŋ́ɡɛ pɛ́ jí. Ɛ́ ɡɔ́ ḿbɔ́, mbɔ Sɛ́ zɑ́Ꞌ njí ŋ́ɡɛ Yɛ́su jí yîyɑ́ nu nɛpɔ́ yi ɑ ɡʉ ńdɛꞋlɛ mbɔ̌ pʉɔ pɛ́ nɛ́ yúu mi ɛ́ ɡʉ fɛ́Ꞌnɛ ńtɔ́. Kɛlístɔ kɑ túu cʉ̈ɔ́Ꞌ wɛ, ɑ ɡʉ ńdɛꞋlɛ yîyɑ́ nu mbɔ̌ Jɑ̂ŋ ẅí ɑ ŋɡɑŋfɑꞋ-Yɛ́su.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Lúkɑ́shi 24:19

A píkŋɛ wɔ́p ŋɡɔ: «Kʉ̈ɔ́ ŋ́ɡɛnɛ?» Pɔ́p cú ŋɡɔ, pɛk lɑ́Ꞌ ḿbɔ́ ḿmɑɑ pɔ mɛnu mi ɛ́ kɑ ɡɛnɛ Yɛ́su ŋu-Nɑ̌ɑzɑlɛt. A ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́ wɛ ɡwɛ́, nǔu mɛfɑꞋ-mɛ́, mbɑ nǔu sẅiŋɛ yɛ́ mbi Sɛ́ mbɑ mbi pʉɔmɛsɔŋ.

Lúkɑ́shi 13:33

Lɑ́, ɛ́ pɔ́ŋ ŋɡɔ m bɔ́ ŋ́ɡʉ. Zɔ́n m bɛn ḿbɔ́ pɔ sɛ̂ndúŋ, tɛ mbɑ wɛcɔ́ zɔ́n. Ɛ́ sɛ́ ḿbíkŋɛ ŋɡɔ ŋ ɡʉ tɛ ŋ́kúu Yɛlúsɑlɛm, mbíꞋŋɡɔ ɛ́ kɑ́ pɔ́ŋ ŋɡɔ pɛ́ jẅí ŋɡɛ́mndʉ̈ɔ́Ꞌ zʉꞋ ndɛꞋ kɛ́ pɔ́ pɔ Yɛlúsɑlɛm pɔ́.»

Ɛ́bɛlʉʉ 2:1

Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»