ŊwɑꞋnɛ-Gɑŋntúu Yɛ́su Kɛlístɔ 28:4 - Kɑɑ Fí

⁴ Pʉɔ-lɑ́Ꞌ ɛ̂pɑ́ jʉ́ɔ pɑ́Ꞌ nɔ́ cʉŋɛ́nɛ nǔu pɔ́ yɛ́, ɛ́shɔtnɛ ńcú tsɛtsɛt pɔ́p ŋɡɔ: «Ŋu wɔ ɡʉ ŋ́ɡɛ ŋɡɔ́ku ɔɔ, ḿbɔ́ njẅíŋu. A luk ŋki lɑ́, sɛ́ wɛk Jẅitis jʉ́ɔ ŋɡɔ ɑ kɛ́ nɑ́ wɛ́ ɑ pɔ́ ɡú pɔ́.»

ŊwɑꞋnɛ-Gɑŋntúu Yɛ́su Kɛlístɔ 28:4 Referans Kwoze

Lúkɑ́shi 13:4

Zɛnɛ ŋ́kẅíitɛ pʉɔ ntsɔ̌pɛ́nɛ́fɔ́m nɛ́ nɛɡɛ́m pinɛ mɑ́mɑ́ ndɑ́ kɑ kɛ́mɛ jẅítɛ wɔ́p Silɔɛ́ lɑ́. Pʉʉ kwɑŋɛ ŋɡɔ pîpɑ́ pʉɔ kɑ lɔk ḿbɔ́ pʉɔ kɛpɔŋ ńtsɑ pɛcɔ́ pʉɔ-Yɛlúsɑlɛm tsʉʉ pɔ́ɔ?

Lúkɑ́shi 13:2

A zẅíꞋlɛ tɛ ɛ́ kuꞋ, ɑ tsɔ́Ꞌ mbɔ̌ pɔ́p ŋɡɔ: «Pʉʉ lɔk ŋ́kwɑŋɛ ŋɡɔ pʉɔ-Ŋɡɑlíliyɑ pîpɑ́ kɑ pɔ́ ḿpfú pɔ́Ꞌɔ, ńdɔk ḿbɔ́ ɡɑŋmɛ́fɑɑ ńtsɑ pɛcɔ́ kíi?

ŊwɑꞋnɛ-Gɑŋntúu Yɛ́su Kɛlístɔ 28:5

Lɑ́ Pɔ̂l sɛn pɔ́ yɛ́, ḿmik ndǔ múk. Nɔ́ cúŋ, ḿvu múk. Yúu pɔɔ Pɔ̂l ɡɛ.

ŊwɑꞋnɛ-Gɑŋntúu Yɛ́su Kɛlístɔ 28:2

Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.

Jɑ̂ŋ 7:24

Kɔɔ pʉʉ ŋɑk nu-ŋu kɛ́ jí nɛtsɛ́n, pʉʉ ŋɑk pɔ tsɛt nu nɛ́nẅín.»

Mɑtʉ̈ɔ 23:35

Pɔ́Ꞌɔ, mɛci-pɛpúꞋ pɛtsʉʉ mi pɛ́ kɑ tswɛtnɛ ndǔ tsɛ́tsɑ́Ꞌ tɛmtɛ ńcúŋ nǔu pʉʉ. Nɛfú nǔu mɛci-Abɛ̂ ẅí ɑ kɑ pɔ́ ńzúꞋnɛ Sɛ́, ŋ́ɡʉ ŋ́kúu nǔu mɛ́ Sɑkɑlíyɑ, mɔ́ɔ-Mbɑlɑshi, ẅi pʉʉ kɑ jẅínɛ wɛ́ nzʉʉ nɛkɛlɛmúk-pɔꞋ lɑ pɛ́ kúu ndɑ́-nɔŋpɔꞋ.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɑtʉ̈ɔ 27:25

Pʉɔtsʉʉ pʉ̈ɔt ŋɡɔ: «Mɛci ŋu wɑ́ ńtúŋ nǔu pɛk tɛ mbɑ nǔu mbɔ́ŋkʉ̈ɔ́ pɛk.»

ŊwɑꞋnɛ-Gɑŋntúu Yɛ́su Kɛlístɔ 28:3

Pɛ́ pɔ́ ńzɔ́k múk, Pɔ̂l ŋwɑt ɡɛ́ɡɛ́ tsẅíi nɛmɑꞋ múk. Nɔ́ pɔ́ tsɛtú, ńzúꞋ jɑ́k-múk, ńnɛ́m pɔ́ yɛ́ ńcʉŋɛ nǔu.