ŊwɑꞋnɛ-Gɑŋntúu Yɛ́su Kɛlístɔ 27:20 - Kɑɑ Fí

²⁰ Fɛ́m kɛ́ ńtsʉꞋnɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɛ́ pɔɔ pɛn ńjʉ́ɔ lík-nɛm pɔ́, ŋ́kɛ́ ḿbɔɔ pɛn ńjʉ́ɔ cʉ̈ɔ́Ꞌ-sɑŋ pɔ́. Ɛ́ pɔ́ pɔ́nɛ tɛ pɛk pɔɔ pɛn ńjí ŋɡɔ pɛk ɡʉ ńduk pɔ́.

ŊwɑꞋnɛ-Gɑŋntúu Yɛ́su Kɛlístɔ 27:20 Referans Kwoze

Mɑtʉ̈ɔ 24:29

Mîmɑ́ mɛlɛ́Ꞌ ŋɡʉ̈ɔ́Ꞌ ɡʉ ńdɑ́Ꞌ ŋ́ɡɔ́ ńdɛɛ, nɛm shɔtnɛ sʉ́ʉ, sɑŋ pɔɔ pɛn ńtɑ́ pɔ́, pɛcɔ́Ꞌ-sɑŋ fú tʉ́ nɛpú ḿvutɛ sɛ́, mbɑ kʉ̈ɔ́ lɑ́ yi ɛ́ nɛpú puu ɛ́sɑtnɛ.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

Ɛ́fɛ̂zɛ 2:12

Pʉʉ pɛn ŋ́kẅíitɛ ŋɡɔ ɛ́ kɑ pɔ́ ŋkɑ́ ɛ̂yɑ́, pʉʉ pɔɔ ḿbɔ́ ńjí ŋɡɔ wɛcɔ́ ŋu ɡú ḿbɔ́ Nzɑ́Ꞌŋkʉ, tɛ pɛ́ ɡẅɛɛ nɛzẅíꞋlɛ wɛ́ pɔ́. Pʉʉ pɔ́ tsɛtsɛt pʉɔ-Íslɑyɛ̂l ḿbɔ́ pɔ pɛɡʉʉ, pʉʉ pɔɔ nu nǔu kɑɑ yɔ́p pɛ Sɛ́ ɡẅɛɛ tɛ mbɑ nǔu yúu mi Sɛ́ kɑ kɑꞋnɛ mbɔ̌ pɔ́p. Pʉʉ kɑ pɔ́ yʉ́ʉ ndǔ yɔ mbí, ḿbɔɔ ḿbɔ́ ńzẅíꞋlɛ yɛcɔ́ yúu pɔ́, ḿbɛn kɛ́ mbɔɔ ńjí Sɛ́ pɔ́.

2 Kɔlɛ̂ŋtɛ 11:25

ɛ́ ŋkɑ́ yɛ́tɑ́t pɑ́Ꞌ Pɑlɔ́mɑ kɑ lɔknɛ kɛm-yúu ńtswɑ́ɑ wɑ́ɑ, pɛ́ kɑ lɔk mɛŋɡɔꞋ ńtɛ́mtɛ wɑ́ɑ tɑ́Ꞌ ŋkɑ́, ńdɔɔ nɛjẅí wɑ́ɑ, ɛ́ ŋkɑ́ yɛ́tɑ́t pɑ́Ꞌ ɛ́ kɑ tsʉ́Ꞌnɛ mɔ́zʉꞋ, sɛtímɑ lɔk wɑ́ɑ ɛ́fʉ̈ɔ́t ŋki. Ŋ kɑ lɛ́ ndǔ ŋki tɛ ḿbɛn ńjúk.

ŊwɑꞋnɛ-Gɑŋntúu Yɛ́su Kɛlístɔ 27:19

Yɛcɔ́ njí ɡɛ ḿbɛn ŋ́kiɛ, kwɑꞋ pɔ́p shɔtnɛ ńtsɔ́Ꞌ mɛtʉ́-mɑ́mɑ́ kɑnúꞋ pɔ́p mɛndẅí nǔu, ḿmɛꞋ tsɛt ŋki.

ŊwɑꞋnɛ-Gɑŋntúu Yɛ́su Kɛlístɔ 27:21

Pʉɔ nɑ́ŋ njí nǔu mɛlɛ́Ꞌ tɛńzɑ́ɑ. Pɔ̂l lɔ sɛ́, ńtʉ́ʉ mbi pʉɔ tsʉʉ ńcú ŋɡɔ: «Pɛsúu pɑ́ɑ, pʉʉ ḿbɔ́ pɛ́Ꞌɛ ńzúꞋ ntsu wɑ́ɑ, mbɔ pɛkŋɛ ŋkɑɑ kɛ́ ɛ́fú Kɛlɛ̂t ŋ́ɡʉ zʉꞋ pɔ́. Mbɔ mɑ́mɑ́ kɑnúꞋ ŋkɑɑ pʉ́ʉpɛ, yúu-mɛtɑ́ɑ pɛn ŋ́kɛ́ mbɔɔ kúu pɛ́ pɔ́.