ŊwɑꞋnɛ-Gɑŋntúu Yɛ́su Kɛlístɔ 26:29 - Kɑɑ Fí

²⁹ Pɔ̂l tsɔ́Ꞌ mbɔ̌ wɛ́ ŋɡɔ: «Kɛ pɛ́ ɡʉ ńdɔk pɔ nu yi ɛ́ sɑk sɑknɛ ɔɔ, kɛ pɔ mi ɛ́ túꞌ tuꞋnɛ ɔɔ, mbɔ yɑ́ɑ yúu mi n dɑ́Ꞌ ńdɔ́ɔ mbɔ̌ Sɛ́ pɔ́ pɔ ŋɡɔ: Nɑɑ kɛ́mɑꞋ tɛ mbɑ pʉʉ pɛ́tsʉʉ pi pʉʉ sɛ́ ńzúꞋ nu yí n cúnɛ lɔ́Ꞌnɛ, pʉʉ tsʉ́Ꞌ pɑ́Ꞌ mɔ. Tɛ mɛcɛ̂n mɔnɛ, pɔɔ nǔu pʉʉ pɔ́.»

ŊwɑꞋnɛ-Gɑŋntúu Yɛ́su Kɛlístɔ 26:29 Referans Kwoze

Ɛ́fɛ̂zɛ 6:20

Mɔ mɑ́ntúu nɛcẅi ẅîwɑ́ Ŋkʉʉ, tɛ mbɑ pɑ́Ꞌ mɔ pɔ ndɑ́tsɑ́ŋ lɑɑ. Pʉʉ cɛꞋlɛ Sɛ́ ŋɡɔ ŋ ɡẅɛɛ sʉk nɛlɔk ńcú pɑ́Ꞌ ɛ́ sɛ́ ḿbíkŋɛ ŋɡɔ n cú.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Pʉɔ-Lɔ́mɑ 10:1

Pɔ́ɔpɛ́mɑ́ pɑ́ɑ, yúu mi mɔ sɛ́ ńtsɑ́ɑ nɛ́ ŋɡɔŋ tʉ́m yɑ́ɑ tsʉʉ, ḿbɛn ḿbɔ́ ńdɔ́ɔ mbɔ̌ Sɛ́ mbíꞋ pɑyúdɑ, ɛ́ pɔ́ ŋɡɔ ɑ ɡɛ pɔ́p luk.

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

2 Kɔlɛ̂ŋtɛ 11:1

Ŋ kwɑŋɛ ŋɡɔ n dɑɑ ńcú yɑ́ɑ nu mbɔ̌ pʉʉ pɑ́Ꞌ ŋu ẅí ɑ pɑ́lɛ́ lɑ́, mbɔ pʉʉ ɡʉ ḿbɛ́m, pʉʉ kɛ́ ńzẅíꞋlɛ n cú nu nǔu yîyɑ́ ntɛ́.

1 Kɔlɛ̂ŋtɛ 7:7

Mɔ sɛ́ ŋ́kɔŋ ŋɡɔ pʉɔ tsʉʉ pɔ́ pɑ́Ꞌ mɔ. Lɑ́ mbɑ wɔ̌ lɑ́ ɡẅɛɛ yɛ́ yúu ɛ́ pɔ́ pɔ yi Sɛ́ kɑ ɡɑ́nɛ. Yɛ wɛcɔ́ ŋu pɔ́ ɑ ɡʉ ńzɔ́Ꞌ, yɛ wɛcɔ́ pɔ́ pɑ́Ꞌ ɑ ńnɑ́ŋ pɔ́Ꞌɔ.

1 Kɔlɛ̂ŋtɛ 4:8

Pʉʉ tsʉ́Ꞌ ńjúk ńcú ŋɡɔ pʉʉ kɑ kɛ́mɔ́ ndɑ́Ꞌ ŋ́ɡẅɛɛ yúu tsʉʉ yi ɛ́ kɑ pɔ́ ńjɑ́k mbɔ̌ pʉʉ. Pʉʉ kɑ tsʉ́Ꞌ mɔ́ ɡɑŋyúu pʉ́ɔ? Pʉʉ tsʉ́Ꞌ mɔ́ pɛfɔɔ ńdɛɛ wɛ́k ɔ́ɔ? Lɑ́ ɛ́ lɑ́Ꞌ ḿbɔ́ pɛ́Ꞌnɛ pʉʉ pɔ́ pɛfɔɔ kwɑꞋ nɛ́nẅín, mbɔ ɛ́ pɔŋ wɑ́ɑ tɛꞋ, mbɔ ɑ pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 25:14

Pɔ́p pɛpɔ́p nɑ́Ꞌ ńzɛɛ ńnɑ́ŋ, Fɛstus pɛ́ɛtɛ nu-ntsɑŋ Pɔ̂l ɛ́sẅíi fɔɔ Aŋɡɛlípɑ, ńcú ŋɡɔ: Wɛcɔ́ ŋu zɑꞋnɛ, mbɔ ŋɡɔ́mnɑɑ Fɛlɛshi kɑ ɡɔ́ ŋ́ɡʉ ɑ pɔ́ ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 12:6

Njí ḿbɔ́ ŋ́ɡʉ ŋ́kiɛ, fɔɔ Ɛlɔ̂dɛ tík Pyɛ̂ mbi lɑ́Ꞌ, pɛ́ ŋɑk wɛ́. Pyɛ̂ pɔ́ nɛtúꞋ, ńnɔɔ tsɛtsɛt pɑlʉ̈ɔ́Ꞌntsɔ pɛ́pɑ́, ḿbɔ́ ńdɛ́. Mbɔ pɛ́ lɔk mɛcɛ̂n mɛmbɑ́ ŋ́kút mbɔ́ mɛ́. Pɑpyɛ́p zʉꞋ pɔ́ ntsundɑ́, nɛpyɛ́p wɛ́.

Jɑ̂ŋ 5:34

Ɛ́ ɡʉ nǔu mɔ, mbɔ ŋ kɑ́ pɔ́ ńtsɑ́ɑ ŋɡɔ ŋumɛsɔŋ cúnɛ nu yí ɑ jínɛ nǔu mɔ pɔ́. Lɑ́, n cú yɔ nu nɛpɔ́ yi pʉʉ ɡʉ ńdɛɛ nǔu ńduk.