ŊwɑꞋnɛ-Gɑŋntúu Yɛ́su Kɛlístɔ 25:2 - Kɑɑ Fí

² Ŋ́kúu zúꞋu, pɛtɑ́tndɑ́-pɑnɔŋpɔꞋ pɔ́p pɛkɛ́m-pɑyúdɑ tɔ́ ɛ́fɛn Pɔ̂l mbi yɛ́, ḿbuu ńníꞋ mɛtɛn tɛn mɛnu nǔu tɛꞋ. ḾbúꞋ mbɔ́ mbɔ̌ wɛ́ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 25:2 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 25:15

Ŋ kɑ ɡʉ Yɛlúsɑlɛm, ŋ́kúu zúꞋu, pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ-pɑyúdɑ fɛn wɛ́ mbɔ̌ mɔ, ŋɡɔ n zɑ́p ŋɡɔ ɑ vu ntsɑŋ.

ŊwɑꞋnɛ-Gɑŋntúu Yɛ́su Kɛlístɔ 24:1

Ɛ́ lɛɛ lɛ́Ꞌ pɛ́tɑɑ, Anɑníyɑs, tɑ́tndɑ́-pɑnɔŋpɔꞋ, cúŋ nɛ́ Sɛ́zɑlɛ̂, pɔ́p pɛcɔ́ pɛkɛ́m-lɑ́Ꞌ, ŋ́ɡɛ Tɛltúlus, ɑ pɔ́ ńtɔ́ɔtɛ nzʉʉ yɔ́p zʉꞋ-ntsɑŋ. Pɔ́p tɔ́ zúꞋu ɛ́fɛn Pɔ̂l mbi ŋɡɔ́mnɑɑ Fɛlɛshi.

ŊwɑꞋnɛ-Gɑŋntúu Yɛ́su Kɛlístɔ 25:24

Pɔ̂l tɔ́, ɑ cú ŋɡɔ: «Nɑɑ kɛ́mɑꞋ fɔɔ Aŋɡɛlípɑ, mbɑ pʉʉ pɛtsʉʉ pi pʉʉ tɔ́nɛ tɛ ńnɑ́ŋ zɑꞋnɛ lɑɑ. Pʉʉ líŋɛ ŋu wɑ́ ńjʉ́ɔ. A tʉ́ʉ pɑ́Ꞌɑ, mbɔ pɑyúdɑ tɛ ńzɑ́ɑ kɑ fɛnnɛ wɛ́ mbɔ̌ mɔ ŋkɑ́ yi mɔ ŋ́ɡʉnɛ Yɛlúsɑlɛm, ḿbɛn ńtɔ́ zɑꞋnɛ Sɛ́zɑlɛ̂ ɛ́fɛn wɛ́. Lɑ́ ḿbɔ́ ḿbíkŋɛ yɔ́p pɔ ŋɡɔ pɛ́ kɛ́ ńjẅí wɛ́ jẅínɛ.

ŊwɑꞋnɛ-Gɑŋntúu Yɛ́su Kɛlístɔ 28:17

Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.