ŊwɑꞋnɛ-Gɑŋntúu Yɛ́su Kɛlístɔ 25:11 - Kɑɑ Fí

¹¹ Ɛ́ pɛ́Ꞌɛ ḿbɔ́ yi ɛ fɑɑnɛ yɛcɔ́ nu, tɛ ɛ́ pɔ́ ḿbíkŋɛ ŋɡɔ pɛ́ jẅí wɑ́ɑ jẅínɛ, ŋ kɑ́ pɔ́ ńzɛɛ ńdʉꞋ nɛpfú pɔ́. Pɑ́Ꞌ yɛcɔ́ nu nɛ́nẅín kɑ́ pɔ́ nǔu nu yi pɔ́p zɑ́pnɛ tú mɔ lɑ́ pɔ́ lɑ́, wɛcɔ́ ŋu kɑ́ ɡẅɛɛ pɑ́Ꞌ ɛ́ lɑɑ ḿbɔ́ ɑ ńcɑklɛ wɑ́ɑ ŋ́ɡɑ́ mbɔ̌ pɔ́p pɔ́. Mɔ sɛ́ ḿbíkŋɛ ŋɡɔ, pɛ́ zɛɛ ńtsʉ́Ꞌ ŋ́ŋɑk yɑɑ ntsɑŋ pɔ mbi Kɑ́sɑ.»

ŊwɑꞋnɛ-Gɑŋntúu Yɛ́su Kɛlístɔ 25:11 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 28:19

Lɑ́ pɑyúdɑ pɔɔ pɛ́m. N jʉ́ɔ kɛ́kɑ́ŋ, ŋɡɔ ɛ́ lɑɑ ḿbɔ́ pɔ́Ꞌɔ, mbɔ Kɑ́sɑ-Pɑlɔ́mɑ ɡʉnɛ ŋ́ŋɑk yɑɑ ntsɑŋ. Lɑ́, ŋ́kɛ́ ḿbɔɔ ńcú pɔ́Ꞌɔ ńdɔk ɛ́fɛn lɑ́Ꞌ yɛkŋɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 26:32

Pɔ́Ꞌɔ lɑ́, fɔɔ Aŋɡɛlípɑ cú mbɔ̌ Fɛstus ŋɡɔ: «Ŋu wɑ́ ḿbɔ́ pɛ́Ꞌɛ mbɔɔ cú ŋɡɔ Kɑ́sɑ ɡʉnɛ ŋ́ŋɑk wɛ́ pɔ́, mbɔ pɛ́ tsʉ́Ꞌ ńnɑ́ wɛ́ nɑ́nɛ ɑ ɡʉ.»

ŊwɑꞋnɛ-Gɑŋntúu Yɛ́su Kɛlístɔ 25:25

Ɛ́ ɡʉ nǔu mɔ, mbɔ ŋ kɑ́ jʉ́ɔ yɛcɔ́ yúu mi ɑ kɑ ɡɛnɛ tɛ ḿbɔ́ pɛ́ lɛɛ nǔu ńjẅí wɛ́ jẅínɛ pɔ́. KwɑꞋ jʉ́ kɑ píkŋɛ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Lɑ́ n zɑ́p yɑ́ɑ ŋɡɔ ŋ ɡʉ ńtúu wɛ́ Lɔ́mɑ ŋ́ɡɑ́ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 25:21

Lɑ́ Pɔ̂l ɡɔ́ ɑ ɡʉ ŋ́ɡɑ́ ntsɑŋ mbi, ńzɛɛ ńcú pɔ́Ꞌɔ, mbíꞋŋɡɔ ɑ sɛ́ ŋ́kɔŋ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Ɛ́ lɛɛ pɔ́Ꞌɔ, lɑ n cú pɛ́ nɑ́Ꞌ ńdẅɛꞋ wɛ́ ndɑ́tsɑ́ŋ tɛ ŋ́kúu ŋkɑ́ yi mɔ ńtúu wɛ́ ŋ́ɡɑ́ mbɔ̌ Kɑ́sɑ.»

1 Tɛsɑlɔník 2:15

Pɑyúdɑ ɛ̂pɑ́ kɑ jẅí pɑcẅiŋkʉʉ-Sɛ́ pɛ́ ŋkɑ́mbi, pɔ́p kɑ pɛn ńjẅí Tsɑpʉɔ Yɛ́su. Pɔ́p pɛn ḿbɔ́ ŋ́kʉ́ʉnɛ wɛ́k. Pɔ́p kɑ́ pɔ́ ŋ́ɡɛ yúu mi ɛ́ pɔŋnɛ Sɛ́ pɔ́, pɔ́p pɑɑ pʉɔ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 25:10

Pɔ̂l tsɔ́Ꞌ mbɔ̌ wɛ́ ŋɡɔ: «N tʉ́ʉ pɑ́Ꞌɑ zʉꞋ-ntsɑŋ-Kɑ́sɑ. Pɛ́ ɡʉ ŋ́ŋɑk yɑɑ ntsɑŋ pɔ zɑꞋnɛ. Mɔ ŋkɑɑ yɛcɔ́ nu mbɔ̌ pɑyúdɑ fɑɑnɛ. Ɔ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 22:25

Ńdɔk wɛ́ ŋ́ɡʉ pɔ́Ꞌɔ, pɛ́ zɛ nɛkút Pɔ̂l pɑ́Ꞌ pɛ́ ɡʉ ńtswɑ́ɑ wɛ́. A cú mbɔ̌ tɑ́tndɑ́-ntsɔ ẅi ɑ zúꞋu ŋɡɔ: «Pɛ́ ɡʉ ńdíŋɛ líŋɛ́nɛ pʉʉ tswɑ́ɑ mɔ́ɔ-lɑ́Ꞌ-Pɑlɔ́mɑ kɛ́ pɔ́ yi pɛ́ zɛɛ sǐi ŋ́ŋɑk wɛ́ pɔ́ ɔɔ? Wɔ̌ cúnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 18:14

Pɔ̂l zúꞋ tɛ ḿbɔ́ ńdɔɔ nɛpʉ̈ɔt, Ŋɡɑlíyɔn ɡɔ́ɔ ńzɑ́Ꞌ, ńcú mbɔ̌ pɑyúdɑ ŋɡɔ: «Pɑyúdɑ ɛ́ ḿbɔ́ pɛ́Ꞌɛ ḿbɔ́ nu nɛjẅí ŋu kɛ pɔ yɛcɔ́ mɑ́mɑ́ nu kɛpɔŋ yi ŋu ɡɛnɛ ɔɔ, mbɔ ŋ ŋɑk nu yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 16:37

Lɑ́, Pɔ̂l cú mbɔ̌ pɛmɑ́kɑ́ɑ ŋɡɔ: «ZúꞋnɛ, pɔ́p kɑ pɛ́t pɔ kɛ́ ŋɑk ntsɑŋ yɛk, ńcú pɛ́ tswɑ́ɑ wɛ́k mbi lɑ́Ꞌ. Lɑ́ pɛk pɔ́ pʉɔ-ŋɡɔŋ-pɑlɔ́mɑ. Pɔ́p kɑ tswɑ́ɑ wɛ́k pɔ́Ꞌɔ, tɛ ɛ́ kuꞋ pɔ́p níꞋ wɛ́k tsɑ́ŋ. Pɔ́p pɛn ḿbɔ́ pɑ́Ꞌɑ ńdɔɔ nɛsɔ́tɛ sɔ́tɛ́nɛ ńcẅɛɛtɛ wɛ́k. Pɛk lʉꞋ. Ɛ́ píkŋɛ ŋɡɔ kwɑꞋ pɔ́p tɔ́nɛ ńcẅɛɛtɛ wɛ́k ndɑ́tsɑ́ŋ.»

ŊwɑꞋnɛ-Gɑŋntúu Yɛ́su Kɛlístɔ 25:12

Pɔ̂l cú pɔ́Ꞌɔ, Fɛstus pɔ́p pʉɔ pɛ́ pi pɔ́p ɡɑ́nɛ wɛ́ nɛ́ ntík tɔ́ɔtɛ nu nǔu ńcú mbɔ̌ Pɔ̂l ŋɡɔ: «Pɑ́Ꞌ ɔ píkŋɛ ŋɡɔ Kɑ́sɑ ŋɑknɛ yú ntsɑŋ lɑ́, ɔ ɡʉ ŋ́kɛ́ ŋ́ɡʉ mbi yɛ́.»