ŊwɑꞋnɛ-Gɑŋntúu Yɛ́su Kɛlístɔ 24:25 - Kɑɑ Fí

²⁵ Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

ŊwɑꞋnɛ-Gɑŋntúu Yɛ́su Kɛlístɔ 24:25 Referans Kwoze

Jɑ̂ŋ 16:8

A ɡʉ ḿbɔ́ tɛ ńtɔ́, ńtsuŋ ńnyɛt mbɔ̌ pʉɔ-ndǔmbí ŋɡɔ pɔ́p ɡɛ pɔ nu kɛpɔŋ, ŋɡɔ pɔ́p kɑ pɔ́ ńjí yúu mi nu ndʉ́ŋndʉŋ ɛ́ yɛ́t pɔ́, ḿbɛn ŋ́kɛ́ ḿbɔ́ɔ ńjí yúu mi nɛŋɑk, ɛ́ yɛ́t pɔ́.

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

2 Pyɛ̂ 1:6

ŋ́ɡʉ nǔu nɛjí yúu mi Sɛ́ sɛ́ ŋ́kɔŋ, ŋ́kẅiꞋ pɑ́Ꞌ pʉʉ ɡʉ ŋ́ɡuutɛ mbʉʉ yʉʉ, ŋ́ɡʉ nǔu nɛɡuutɛ mbʉʉ ŋ́kẅiꞋ ńtɛntɛ tɛntɛnɛ, ŋ́ɡʉ nǔu nɛtɛntɛ tɛntɛnɛ, ŋ́kẅiꞋ nɛjí pɔ ndɑꞋ Sɛ́,

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

ŊwɑꞋnɛ-Gɑŋntúu Yɛ́su Kɛlístɔ 10:42

A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.

Jɑ̂k 2:19

Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.

Ɛ́bɛlʉʉ 9:27

Pɑ́Ꞌ Sɛ́ kɑ zɑ́pnɛ ŋɡɔ wɛ́tɛ́ ŋumɛsɔŋ lɑ́ ɡʉ ŋ́kɛ́ ḿpfú pɔ pɑ́Ꞌ jʉ́ Sɛ́ ɡʉ ńtsɔ́Ꞌtɛ ntsɑŋ-ŋɡɑŋ lɑ́,

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

2 Kɔlɛ̂ŋtɛ 6:2

Sɛ́ kɑ zɛɛ ńcú ŋɡɔ: Ŋkɑ́ nɛcẅɛ́lɛ wú kɑ pɔ́ tɛ ŋ́kuꞋ, n zúꞋ ŋɡi yu, lɛ́Ꞌ nɛɡɛ pʉɔmɛsɔŋ luk kɑ kuꞋ, n tɔ́ ńcẅɛ́lɛ wú. Pʉʉ jí ŋɡɔ ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ ḿbɔ́ ŋkɑ́ sʉ́Ꞌnɛ, yɔ lɛ́Ꞌ yi ḿbɔ́ ŋu luk.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

ŊwɑꞋnɛ-Gɑŋntúu Yɛ́su Kɛlístɔ 17:2

Pɔ̂l kúu tsɛt yîyɑ́ ndɑ́-cúꞋlɛ nɛjʉ́ɔ pɑyúdɑ, pɑ́Ꞌ ɛ́ ḿbɔ́nɛ mɑt mbɔ̌ wɛ́, nɛkúu mbɑ yɛ́tɛ́ tʉ́sɔŋ lɑ́ ńjʉ́ɔ ndɑ́-cúꞋlɛ-Pɑyúdɑ. Pɔ́p pɛ́ pɑyúdɑ pɔ́ ɛ́fúŋ ŋwɑꞋnɛ-Sɛ́ ɛ́shyɛ́ɛ kɔŋ ŋ́ɡɑ́ nǔu mɛlɛ́Ꞌnji mɛ́ntɑ́t.

ŊwɑꞋnɛ-Gɑŋntúu Yɛ́su Kɛlístɔ 2:37

Pʉɔ zúꞋ yɔ sẅiŋɛ, ɛ́ puu ŋ́kʉꞋnɛ wɔ́p tɛꞋ. Pɔ́p píkŋɛ Pyɛ̂ pɔ́p pɛcɔ́ ɡɑŋntúu ŋɡɔ: «Pɔ́ɔpɛ́mɑ́, tɛ pɛk ɡʉ ŋ́ɡɛ ŋɡɔ́ku?»

Ɛ́bɛlʉʉ 6:2

pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

Ɛ́bɛlʉʉ 12:21

Yúu mi pɛ́ kɑ pɔ́ ńjʉ́ɔ, ḿvukŋɛ vukŋɛnɛ, lɑ́ Mɔ̌sɛ̂ɛ cú ŋɡɔ ɑ sɛ́ ńcʉ̈ɔꞋ cʉɔꞋnɛ tɛ ńtsʉ́Ꞌ ŋ́ɡwɛt ɡwɛtnɛ.

Pʉɔ-Lɔ́mɑ 14:12

Pɛkŋɛ lɔk pɑ́Ꞌɑ ńjʉ́ɔ ŋɡɔ mbɑ wɔ̌ lɑ́ tsɛtsɛt pɛkŋɛ ɡʉ ńdɑ́Ꞌ tʉ́ʉ mbi Sɛ́, kwɑꞋ jʉ́ pɛ́ɛtɛ́nɛ ntsu wɛ́ nǔu pɑ́Ꞌ ɑ kɑ ɡɛnɛ.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 26:28

Fɔɔ Aŋɡɛlípɑ tsɔ́Ꞌ mbɔ̌ Pɔ̂l ŋɡɔ: «Ɔ kwɑŋɛ ŋɡɔ ɔ ɡʉ nɑ́Ꞌ ńdɔk pɔ pɑ́Ꞌɑ ŋ́ɡɛ ɛ fɛ́Ꞌnɛ ńtsʉ́Ꞌ ŋu-Kɛlístɔ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 9:6

Lɑ́, kɛ ńdɔ sɛ́ ŋ́ɡʉ nɛ́ tʉ́sɔŋ. Ɔ ɡʉ ŋ́kúu zúꞋu, pɛ́ sẅíi wú nɛ́ yúu mi ɛ́ sɛ́ ḿbíkŋɛ ŋɡɔ ɔ ɡɛ.»

Mɑtʉ̈ɔ 22:5

Pʉɔ pí pɛ́ kɑ fúŋnɛ wɔ́p nǔu ndínɑ-lɑ́ɑndɑ́ pɔɔ lɔk nu yi pɔ́p cúnɛ ɛ́fúŋ yɛcɔ́ nu pɔ́, wɛ́t ŋu lɑ́ lɛɛ pɔ wɛ́ ndúŋ. Wɛcɔ́ ŋu ɡʉ nɛ́ ŋkɑ́Ꞌ yɛ́, wɛcɔ́ ŋ́ɡʉ nɛ́ tɑ́ŋ mɛntɑ́ɑ wɛ.

ŊwɑꞋnɛ-Gɑŋntúu Yɛ́su Kɛlístɔ 24:26

Ɛ́ ɡɔ́ ḿbɔ́ pɔ́Ꞌɔ, ŋɡɔ́mnɑɑ Fɛlɛshi pɛn ḿbɔ́ ńtsɑ́ɑ ŋɡɔ Pɔ̂l kút nɛpúꞋ nɛ́. Ɛ́ yúu mi ɛ́ ɡɛnɛ ɑ nɑ́ŋ ḿbɔ́ ńcú pɛ́ ɡɛ Pɔ̂l tɔ́ pɔ́pmɛ́ sẅiŋɛ,

Tîtɛ 1:8

Lɑ́ ɛ́ píkŋɛ pɔ ŋɡɔ ɑ pɔ́ ŋu ẅí ɑ kúkŋɛ́nɛ pɛɡʉʉ sʉ́Ꞌnɛ, ḿbɔ́ ŋu ẅí ɑ nɑŋnɛ ŋ́kɔŋ yɛ́ pɔ mɛnu mi ɛ́ pɔŋnɛ. Ɛ́ píkŋɛ ŋɡɔ ɑ pɔ́ ŋu ẅí ɑ sɑ́ŋnɛ nu lɑ ŋ́ɡɛ, ɑ pɔ́ ŋu ẅí ɑ ɡɛnɛ mɛnu mi ɛ́ tʉ́ʉnɛ ndʉ́ŋndʉŋ, ḿbɔ́ ŋu ẅi mɑt wɛ pɔŋnɛ Sɛ́, ḿbɔ́ ŋu ẅí ɑ jínɛ nɛɡẅɛɛ mbʉʉ yɛ.