ŊwɑꞋnɛ-Gɑŋntúu Yɛ́su Kɛlístɔ 21:8 - Kɑɑ Fí

⁸ Njí ɡɛ ŋ́kiɛ, pɛk lɔ sɛ́, ŋ́ɡʉ tɛ ŋ́kúu Sɛ́zɑlɛ̂, ŋ́ɡʉ njɛ́Ꞌ-Fílîp ẅi ɑ Ncẅiŋkʉʉ sʉ́Ꞌnɛ. A pɔ́ wɛcɔ́ tɑ́Ꞌ ŋu nǔu pʉɔ sɑɑmbɑ́ pi pɛ́ kɑ tsɔ́Ꞌnɛ Yɛlúsɑlɛm lɑ́. Pɛk pɛpɔ́p nɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 21:8 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 6:5

Pɑpɛ́m Kɛlístɔ zúꞋ, ɛ́ pɔŋ wɔ́p tɛꞋ. Pɔ́p ɡɔ́ɔ ŋ́kɛ́ ńtsɔ́Ꞌ Ɛtiyɛ̂n. A pɔ́ ŋu ńzɑ́p tʉ́m yɛ́ nǔu Sɛ́ tɛꞋ, mbɔ Zẅikŋɛ-Sɛ́ kɑ ńjʉ́ mɔ wɛ́. Pɛ́ pɛn ńtsɔ́Ꞌ Filîp, ńtsɔ́Ꞌ Pɔlɔkɔl, ńtsɔ́Ꞌ Nikɑnɔl, ńtsɔ́Ꞌ Timɔn, ńtsɔ́Ꞌ Pɑlmɛnɑs pɔ́p Nikɔlɑ ẅi ɑ m̄bɔ́ ŋu-Antíyɔshɛ. Mbɔ ɑ kɑ pɛ́m nɔŋŋɡɔŋ-pɑyúdɑ lɑ ŋ́kúu nǔu nɔɔ-pɑpɛ́m Kɛlístɔ.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 28:16

Pɛk kúu tʉ́sɔŋ-Lɔ́mɑ pɛ́ pɛ́m ŋɡɔ Pɔ̂l pɔ́p tɑ́Ꞌ ndʉ̈ɔ́Ꞌntsɔ ẅi ɑ ɡʉ ḿbɔ́ ḿbyɛ́p wɛ́ ɡʉ ńtswɛ́ zʉꞋ yi Pɔ̂l kɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 16:13

Lɛ́Ꞌnji-pɑyúdɑ pɔ́, pɛk fú tʉ́sɔŋ ńcẅɛt, ŋ́ɡʉ tɛ ŋ́kúu mbʉʉ yɛcɔ́ ŋki, ḿbɔ́ ŋ́kwɑŋɛ yɛ́k pɔ ŋɡɔ pɛk ɡʉ ŋ́ɡʉ tɛ ŋ́kúu zúꞋu, ɛ́ ɡɛ ŋɡɔ́ku ɔɔ pɛk jʉ́ɔ zʉꞋ yí pɑyúdɑ cúꞋlɛ́nɛ zúꞋu ńcɛꞋlɛ Sɛ́. Ŋ́kẅɛ́ɛtɛ pɛcɔ́ pɑŋɡɛ́ zúꞋu, ńnɑ́ŋ yɛ́k sɛ́ ńcú nu-Sɛ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 16:10

Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 9:30

Pɔ́ɔpɛ́mɑ́ pɔ́ tɛ ńjí pɔ́Ꞌɔ, ńdɔk Sɔ̂l ŋ́ɡʉ Sɛ́zɑlɛ̂ ńcɑklɛ, ŋ́kúu zúꞋu ŋ́ɡɛ ɑ lɔk wɛ tʉ́sɔŋ-Tɑ́lsɔ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 28:11

Pɛk kɑ tswɛ́ tsɛt ŋɡɔŋ ɛ̂wɑ́ pɛsɑŋ pɛtɑ́t, ŋ́ɡɛ ŋ́ɡʉ, ŋ́kúu yɛcɔ́ mɑ́mɑ́ kɑnúꞋ ẅi pɛ́ fúŋnɛ ŋɡɔ: Mɛsɛ́ mi pɔ́p mɛfɑ́k. Ɛ́ pɔ́ wɛ tʉ́sɔŋ-Alɛkzɑŋndɛlíi, ŋ́ɡɔ ŋ́kúu zúꞋu, ɛ́ pɔ́ ŋkɑ́ kɛpɔŋ, ɛ́ ŋ́ɡɔ́ŋ zúꞋu.

ŊwɑꞋnɛ-Gɑŋntúu Yɛ́su Kɛlístɔ 27:1

Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.

ŊwɑꞋnɛ-Gɑŋntúu Yɛ́su Kɛlístɔ 23:23

Tɑ́tndɑ́-pɛtɑ́tndɑ́-ntsɔ pɛn ŋ́ɡʉ nǔu pɛtɑ́tndɑ́-ntsɔ pɛ́, ńtsɔ́Ꞌ pɛ́ pɛ́pɑ́, ńcú mbɔ̌ pɔ́p ŋɡɔ pɔ́p niitɛ pɑlʉ̈ɔ́Ꞌntsɔ ŋkʉ yɛ́pɑ́, ŋ́ɡɛ pɑkɔ́Ꞌ lʉ̈ɔ́ mɛɡɛ́msɑɑmbɑ́, nɛ́ pɑɡẅɛɛ mɛkɔŋ ŋkʉ yɛ́pɑ́. Pɔ́p tʉ́ʉ pɑ́Ꞌ nɛm yɛ́nɛ́pfúꞋu nɛtúꞋ ɡʉ ŋ́ɡɛ ŋ́ɡɔ ŋ́kuꞋ pɔ́p lɔ sɛ́ ŋ́ɡʉ nɛ́ tʉ́sɔŋ-Sɛ́zɑlɛ̂.

ŊwɑꞋnɛ-Gɑŋntúu Yɛ́su Kɛlístɔ 20:13

Pɛk kúu mɑ́mɑ́ kɑnúꞋ ḿbiitɛ Asɔs, mbíꞌŋɡɔ Pɔ̂l kɑ zɑ́p ŋɡɔ ɑ ɡʉ ńnɛn pɔ sɛ́ lɑ kẅɛ́ɛtɛ wɛ́k zúꞋu lɑ ŋ́kúu mɑ́mɑ́ kɑnúꞋ.

ŊwɑꞋnɛ-Gɑŋntúu Yɛ́su Kɛlístɔ 20:6

Ŋ́ɡʉ nǔu pɛk, pɛk ɡɛ ŋ́ɡɔ ŋ́kúu yɛ́k mɑ́mɑ́ kɑnúꞋ mbʉʉ-ŋki-tʉ́sɔŋ-Filîp, mbɔ lɛ́Ꞌlɑ́Ꞌ yi pɑyúdɑ kwɛ́tnɛ mbɛlɛ̂ɛt kɛ́ fɛntɛ kɑ lɛɛ mɔ, pɛk kúu kɑnúꞋ, ńnɛn lɛ́Ꞌlɑ́Ꞌ pɛtɑ́ɑ lɑ ŋ́kẅɛ́ɛtɛ wɔ́p Tɔ̂lɑ́s, ńnɑ́ŋ zúꞋu tɑ́Ꞌ ŋɡɑp.

ŊwɑꞋnɛ-Gɑŋntúu Yɛ́su Kɛlístɔ 18:22

KɑnúꞋ ɡɛ ŋ́kúu Sɛ́zɑlɛ̂ Pɔ̂l pfúu ḿbʉʉ nɛ́ Yɛlúsɑlɛm, ńcɛꞋlɛ cúlɛ-pʉɔ-Kɛlístɔ lɑ́ ḿbɛn ɛ́fú zúꞋu ŋ́ɡʉ nɛ́ Antíyɔshɛ,

ŊwɑꞋnɛ-Gɑŋntúu Yɛ́su Kɛlístɔ 16:16

Pɛk fú lɛ́Ꞌ ɛ̂yɑ́ ńcẅɛt ḿbɔ́ ŋ́ɡʉ zʉꞋ yi pɛ́ cɛꞋlɛ́nɛ Sɛ́ zúꞋu, wɛcɔ́ mɔ́ɔ mɑŋɡɛ́ ẅi ɑ ḿbɔ́nɛ ŋkwɑɑ tɔ́ ńzɑ́Ꞌ wɛ́k. Mbɔ yɛcɔ́ zẅikŋɛ kɛpɔŋ kɑ kúu nǔu wɛ́, ŋ́ɡɛ ɑ kuꞋ nɛsẅíi pʉɔ nɛ́ mɛnu mi ɛ́ ɡʉ ńtɑ́ɑ lɑ́ ŋ́ɡɛ wɔ́p. Pɑzúu wɛ́ pɔ́ ńdɔk wɛ́ ńdɛp ŋkɑ́p tɛ ɛ́ zɑ́ɑ zɑ́ɑnɛ.

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.

ŊwɑꞋnɛ-Gɑŋntúu Yɛ́su Kɛlístɔ 21:16

Pɛcɔ́ ntɑ́Ꞌpʉɔ-Kɛlístɔ pɛ́ Sɛ́zɑlɛ̂ ɡʉ ńcɑklɛ wɛ́k, ŋ́kúu sɛ̂ndúŋ ńdɔk wɛ́k ŋ́ɡʉ njɛ́Ꞌ wɛcɔ́ ŋu pɛ́ fúŋnɛ wɛ́ ŋɡɔ Nɑɑsɔŋ. A pɔ́ ŋu ŋɡɔŋ-Shíipɛlɛ, mbɔ ɑ kɑ zɑ́p tʉ́m yɛ́ nǔu Yɛ́su tɛ mbɔ ntí sɑk. Pɛk ɡʉ zúꞋu pɔ́Ꞌɔ, nɛlɛ́ njɛ́Ꞌ yɛ.