ŊwɑꞋnɛ-Gɑŋntúu Yɛ́su Kɛlístɔ 21:31 - Kɑɑ Fí

³¹ Pɑyúdɑ pɔ́ pɔ́Ꞌɔ, ḿbɔ́ ńdɔɔ nɛjẅí Pɔ̂l. Lɑ́ vɑꞋ vu Yɛlúsɑlɛm pɔ́Ꞌɔ, yɔ nu vu nɛtúutɛ Tɑ́tndɑ́-pɛtɑ́tndɑ́-ntsɔ-Pɑlɔ́mɑ. A zúꞋ ŋɡɔ vɑꞋ jʉ́ tʉ́sɔŋ-Yɛlúsɑlɛm,

ŊwɑꞋnɛ-Gɑŋntúu Yɛ́su Kɛlístɔ 21:31 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 25:23

Njí ɡɛ ŋ́kiɛ, fɔɔ Aŋɡɛlípɑ pɔ́p mɔ́ɔmɑ́ wɛ Mbɛlɛnís nɛn pɔ sɑɑnɛ sɑɑnɛ́nɛ, ŋ́ɡɔ ŋ́kúu tsɛt mɑ́mɑ́ ndɑ́-zɑ́n, nɔɔ-pɛmɑ́ pʉɔ tʉ̈ɔ́Ꞌlɛ wɛ́. Pɔ́p pɛtɑ́tndɑ́-pɛtɑ́tndɑ́-ntsɔ mbɑ pɛkɛ́m pi pɔ́p tʉ́sɔŋ pɔ́ tsɛtsɛt. Ŋɡɔ́mnɑɑ Fɛstus cú pɛ́ lɔk Pɔ̂l ńtɔ́.

ŊwɑꞋnɛ-Gɑŋntúu Yɛ́su Kɛlístɔ 24:22

Pɑ́Ꞌ ɛ́ kɑ ɡɔ́ ḿbɔ́ Fɛlɛshi tsuŋ ḿbɔ́ ńjí nu pɛ́ zíꞋnɛ nǔu Yɛ́su lɑ́, ɑ tsɔ́Ꞌ lɛ́Ꞌ-ntsɑŋ, ńcú mbɔ̌ pɑyúdɑ ŋɡɔ: «Lisíyɑs, tɑ́tndɑ́-pɛtɑ́tndɑ́-ntsɔ ɡʉ ńtɑ́ɑ ńtɔ́ lɑ́ ŋ ŋɑk ntsɑŋ yʉʉ,»

ŊwɑꞋnɛ-Gɑŋntúu Yɛ́su Kɛlístɔ 24:6

Ɛ́ kɑ zɛɛ ńtsʉ́Ꞌ mɔ́zʉꞋ ɑ zɑ́p yɛcɔ́ nu. A kɑ pɔ́ ŋ́ɡʉ ńníꞋ lɔ́Ꞌ nǔu ZʉꞋ-nɔŋpɔꞋ lɑ́ pɛk ɡẅɛɛ wɛ́. [Pɛk kɑ pɔ́ ńdɔɔ nɛlɔk kwɑꞋ nɛpʉ́ʉ-lɑ́Ꞌ nɛkŋɛ ŋ́ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 23:17

Pɔ̂l zúꞋ, ɛ́fúŋ wɛcɔ́ tɑ́Ꞌ tɑ́tndɑ́-ntsɔ, ńcú mbɔ̌ wɛ́ ŋɡɔ: «Lɔk mɔ́ɔsuu wɔ, ŋ́ɡʉ ńcɑklɛ wɛ́ njɛ́Ꞌ tɑ́tndɑ́ wʉʉ. A ɡẅɛɛ nu yi ɑ ɡʉ nɛsẅíi wɛ́.»

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 21:38

Ńjí ŋɡɔ ɔ lɔk ḿbɔɔ pɔ́ ŋu-Ɛɡíptɔ wɑ́ ẅi ɑ kɑ tɔ́nɛ zɑꞋnɛ, ńnɔŋ nzɔŋɛ, ńcúꞋlɛ pʉɔ ntsɑ́Ꞌ yɛ́nɛ́kwɑ ńdɔk ńcʉ́ɔ kɔ̂ŋtɛt lɑ́ pɔ́ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 19:40

mbɔ pʉʉ ɡɛ pɑ́Ꞌɑ tɛ pɛ́ zɑ́p ntsɑŋ tú pɛkŋɛ ŋɡɔ pɛkŋɛ mɑꞋ vɑꞋ. Pɔ́Ꞌɔ, ɛ́fú nǔu mɛnu mi ɛ́ ɡɛnɛ lɔ́Ꞌnɛ. MbíꞋŋɡɔ pɛ́ lɑɑ ḿbíkŋɛ wɛkŋɛ, pɛkŋɛ pɔɔ kuꞋ nɛsẅíi yúu mi ɛ́ ɡɛnɛ lɑ́ lɑ́Ꞌ ŋɑ́ɑmɛ zɑꞋnɛ ndɛn wɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.

Jɑ̂ŋ 18:12

Nɔɔ-pɑlʉ̈ɔ́Ꞌntsɔ, pɔ́p pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ, pí pɛkɛ́m-Pɑyúdɑ lɑ́Ꞌnɛ ńtúu, ɡɔ́ɔ ŋ́kɛ́ ŋ́ɡẅɛɛ Yɛ́su, ŋ́kút wɛ́.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Mɑ́lɛ́kúshi 14:2

ŋ́kwɑŋɛ tsɛtsɛt pɔ́p ŋɡɔ: «Ɛ́ kɑ́ pɔŋ ŋɡɔ ɛ́ pɔ́ nǔu lɛ́Ꞌ ndínɑ pɔ́, ḿbɔ́k lɑ́Ꞌ nɛtɑ́k zʉꞋ.»

Mɑtʉ̈ɔ 26:5

Lɑ́ pɔ́p pɔ́ ńcú ŋɡɔ kɔɔ pɛ́ kɛ́ ŋ́ɡẅɛɛ wɛ́ lɛ́Ꞌ-ndínɑ, ḿbɔ́k lɑ́Ꞌ nɛtɑ́k zʉꞋ.

Mɑtʉ̈ɔ 27:27

Pɑlʉ̈ɔ́Ꞌntsɔ-pɑlɔ́mɑ ɡɔ́ɔ ŋ́kɛ́ ńdɔk Yɛ́su ŋ́ɡʉ ntɔ́Ꞌ-ŋɡɔ́mnɑɑ, pɔ́p pɛtsʉʉ cúꞋlɛ ńzɛmɛ wɛ́ ńníꞋ sɔŋ,

ŊwɑꞋnɛ-Gɑŋntúu Yɛ́su Kɛlístɔ 26:21

Jʉ́ɔ yúu mi ɛ́ kɑ ɡɛnɛ lɑ́ pɑyúdɑ ɡẅɛɛ wɑ́ɑ tsɛt ZʉꞋ-nɔŋpɔꞋ tɛ ńdɔɔ nɛjẅí wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 24:7

Lɑ́ Lisíyɑs, tɑ́tndɑ́-pɛtɑ́tndɑ́-ntsɔ tɔ́ ńdɔk mɑ́mɑ́ mɛtʉʉ ɛ́sɑ́Ꞌ wɛ́ mbɔ̌ pɛk,