ŊwɑꞋnɛ-Gɑŋntúu Yɛ́su Kɛlístɔ 21:30 - Kɑɑ Fí

³⁰ VɑꞋ puu ńjʉ́ tʉ́sɔŋ tsʉʉ. Lɑ́Ꞌ fú mɛshʉ́ mɛshʉ́ ńnɑ́ɑtɛ ŋ́kʉɔ ńtɔ́. Pɔ́p kẅiꞋ ŋ́kúꞋlɛ Pɔ̂l, ɛ́shuŋ wɛ́ ńdɔk ɛ́fú tsɛt ZʉꞋ-nɔŋpɔꞋ ńcẅɛt tɛ ŋ́kúu píi, pɛ́ ɡɔ́ɔ ńjʉ́ɔꞋ mɛtsupuꞋ.

ŊwɑꞋnɛ-Gɑŋntúu Yɛ́su Kɛlístɔ 21:30 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 26:21

Jʉ́ɔ yúu mi ɛ́ kɑ ɡɛnɛ lɑ́ pɑyúdɑ ɡẅɛɛ wɑ́ɑ tsɛt ZʉꞋ-nɔŋpɔꞋ tɛ ńdɔɔ nɛjẅí wɑ́ɑ.

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

ŊwɑꞋnɛ-Gɑŋntúu Yɛ́su Kɛlístɔ 19:29

Tʉ́sɔŋ tsʉʉ tsʉʉ tɑ́kŋɛ. Lɑ́Ꞌ ɡẅɛɛ Ŋɡɑẅîs pɔ́p Alistɑk, pɔ́p pɔ́ pʉɔ-Mɑsɛ́ndwɑn pi pɔ́p Pɔ̂l kɑ pɔ́ ńnɛn, ɛ́shuŋ wɔ́p ńdɔk ŋ́ɡʉ nɛ́ ndǔ yɛcɔ́ ntɛ́ zɑ́n yi pɛ́ cúꞋlɛ́nɛ zúꞋu, ŋ́ɡɛ mɛɡɑɑ.

Lúkɑ́shi 4:29

Pɔ́p lɔ sɛ́ pɛtsʉʉ, ŋ́ɡẅɛɛ Yɛ́su ńdɔk wɛ́ ɛ́fú tʉ́sɔŋ, ńcẅɛt tɛ ŋ́kúu ndǔ tú-nɛŋkɔ́Ꞌ, zʉꞋ yi pɛ́ kɑ kútnɛ tʉ́sɔŋ wɔp zúꞋu, ḿbɔ́ ńdɔɔ nɛfu ndǔ nɛŋkɔ́Ꞌ ńtsʉ́ʉ wɛ́ ḿmɑꞋ tsɛt fúꞋ.

Mɑtʉ̈ɔ 21:10

Yɛ́su ɡʉ tɛ ŋ́kúu Yɛlúsɑlɛm, tʉ́sɔŋ puu ńtsʉꞋnɛ, pʉɔ pɔ́ ḿbíkŋɛ ŋɡɔ: «Wɔ ŋu pɔ́ wɔ̌?»

Mɑtʉ̈ɔ 2:3

Pɔ́p pɔ́ ŋ́kɑ́t ḿbíkŋɛ pɔ́Ꞌɔ, nu ɛ̂yɑ́ vu mɛtúutɛ́ fɔɔ Ɛlɔ̂dɛ, ḿbuu ńtsuꞋ tú yɛ́, tsuꞋ tú-pʉɔ tsʉʉ tsɛt tʉsɔ́ŋ-Yɛlúsɑlɛm.