ŊwɑꞋnɛ-Gɑŋntúu Yɛ́su Kɛlístɔ 20:38 - Kɑɑ Fí

³⁸ Pɔ́p mʉk tɛꞋ mbíꞋŋɡɔ ɑ kɑ cú mbɔ̌ pɔ́p ŋɡɔ: «Pʉʉ kɛ́ ɡɛ ḿbɛn ńjʉ́ɔ shʉ́ wɑ́ɑ pɔ́.» Pɔ́p ɡɛ pɔ́Ꞌɔ, ŋ́ɡʉ ńcɑklɛ Pɔ̂l ntsu-mɑ́mɑ́ kɑnúꞋ pɑ́Ꞌ ɑ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 20:38 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

1 Kɔlɛ̂ŋtɛ 16:11

Pɔ́Ꞌɔ lɑ́, kɔɔ ŋu ɡwɑ́k wɛ́. Pʉʉ ɡɑ́ wɛ́ nɛ́ shʉ́ pɑ́Ꞌ ɑ ɡʉ ŋ́ɡɔ ḿbɛn ŋ́kẅɛ́ɛtɛ wɑ́ɑ, ńnɛn ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ńzẅíꞋlɛ wɛ́ pɑ́Ꞌ pɔ́p pɔ́ɔpɛ́mɑ́ ɡʉ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 20:25

Ŋ kɑ lɛɛ tsɛtsɛt pʉʉ pɛtsʉʉ, ńnɛn ɛ́sɑ́Ꞌ pɑ́Ꞌ nu-nɛfɔɔ-Sɛ́ pɔ́nɛ. M bɛn ḿbɔ́ ŋkɔ̂ɔnɛ, ḿbɔ́ ńjí ŋɡɔ pʉʉ kɛ́ lɑ́Ꞌ ḿbɛn ńjʉ́ɔ shʉ́ wɑ́ɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:16

Pɛcɔ́ ntɑ́Ꞌpʉɔ-Kɛlístɔ pɛ́ Sɛ́zɑlɛ̂ ɡʉ ńcɑklɛ wɛ́k, ŋ́kúu sɛ̂ndúŋ ńdɔk wɛ́k ŋ́ɡʉ njɛ́Ꞌ wɛcɔ́ ŋu pɛ́ fúŋnɛ wɛ́ ŋɡɔ Nɑɑsɔŋ. A pɔ́ ŋu ŋɡɔŋ-Shíipɛlɛ, mbɔ ɑ kɑ zɑ́p tʉ́m yɛ́ nǔu Yɛ́su tɛ mbɔ ntí sɑk. Pɛk ɡʉ zúꞋu pɔ́Ꞌɔ, nɛlɛ́ njɛ́Ꞌ yɛ.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 25:26

Ŋ ɡʉ ńtúu wɛ́ pɑ́Ꞌɑ lɑ́, ŋ́kɛ́ ḿbɔɔ ḿbɔ́ ńjí yɛcɔ́ nu yi n tsuŋnɛ ńzúꞋ tɛ ŋ́ŋwɑꞋnɛ nǔu ŋwɑꞋnɛ, nɛlɔk ńtúu wɛ́ ŋ́ɡɑ́ mbɔ̌ Kɑ́sɑ pɔ́. Ɛ́ yúu mi ɛ́ ɡɛnɛ n dɔk wɛ́ ńtɔ́ mbi pʉʉ. Lɑ́, ŋ kɛ́ ńtík wɛ́ pɔ mbi nɑɑ kɛ́mɑꞋ fɔɔ Aŋɡɛlípɑ. Nɑɑ kɛ́mɑꞋ, kwɑꞋ ɡu píkŋɛ wɛ́ nɛ́ nu, kɛ ɛ́ lɑɑ ḿbɔ́ n dík, ŋ́ɡẅɛɛ nu yi ŋ ɡʉ ŋ́ŋwɑꞋnɛ tsɛt ŋwɑꞋnɛ lɑ́ ńdɔk ńtúu wɛ́, ŋ́ɡɑ́ mbɔ̌ Kɑ́sɑ ɔɔ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.