ŊwɑꞋnɛ-Gɑŋntúu Yɛ́su Kɛlístɔ 20:33 - Kɑɑ Fí

³³ «Mɔ ŋkɑɑ ŋkɑ́p-ŋu tsɑ́ɑ. Ḿbɔɔ tʉ́n-ŋɡɔ̂l tsɑ́ɑ. Ḿbɔɔ mɛndẅí-ŋu tsɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:33 Referans Kwoze

2 Kɔlɛ̂ŋtɛ 11:9

Ŋ kɑ pɔ́ lɑ́Ꞌ pʉʉ, ɛ́ pɔ́ ŋkɑ́ n jɑ́knɛ yúu, m bɔɔ cẅɛ́ɛ yúu mbɔ̌ wɛcɔ́ ŋu wʉ́ʉ pɔ́. Pɔ́ɔpɛ́mɑ́ pi pɔ́p kɑ fúnɛ Mɑsɛndwɑn kɑ ɡɑ́ kʉ̈ɔ́ lɑ́ yi ɛ́ kɑ pɔ́ ńjɑ́k mbɔ̌ mɔ. Ɛ́ kɑ ɡʉ nǔu kʉ̈ɔ́ lɑ́, m bɔɔ pɛ́m nɛpɔ́ piꞋ mbɔ̌ wɛcɔ́ ŋu wʉ́ʉ pɔ́, ŋ́kɛ́ mbɔɔ lɑ́Ꞌ yɛcɔ́ lɛ́Ꞌ lɑ ḿbɔ́ piꞋ mbɔ̌ wɛcɔ́ ŋu wʉ́ʉ pɔ́.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:18

Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.

2 Kɔlɛ̂ŋtɛ 7:2

Ɛ́ pɛn ḿbɔ́ ḿbíkŋɛ ŋɡɔ pʉʉ ɡɛ tɛ pɛk jí ŋɡɔ nu yɛ́k ɛ́ tsɛt tʉ́m pʉʉ, pɛk kɑ́ fɑɑnɛ nu mbɔ̌ wɛcɔ́ ŋu pɔ́, pɛk ŋkɑɑ ɡɛ ŋu ɛ́fɑɑnɛ sɛ̂ndúŋ-Sɛ́ pɔ́, pɛk kɛ́ mbɔɔ fʉ́klɛ wɛcɔ́ ŋu ńjʉ́ yúu yɛ́ pɔ́.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

1 Kɔlɛ̂ŋtɛ 9:15

Ɛ́ lɔk ḿbɔ́ ŋɡɔ ŋ kɑ ɡẅɛɛ nɛpíkŋɛ yúu mbɔ̌ pʉʉ, lɑ́ mɔ ŋkɑɑ mɔ́ kɑ́ píkŋɛ pɔ́. Ŋ kɑ́ pɔ́ ŋ́ŋwɑꞋnɛ pɑ́Ꞌɑ ńdɔk ḿbíkŋɛ ŋɡɔ pɛ́ ɡɑ́ yúu mbɔ̌ mɔ pɔ́. Ɛ́ tsʉ́Ꞌ yi m bɛ́m ŋu ɡɛ n nɑ́ yɔ nu yi n dɔknɛ ńtsɑ́ɑtɛ, m pfú.

1 Pyɛ̂ 5:2

N cú mbɔ̌ pʉʉ pɑcẅɛ́ɛmbi ŋɡɔ pʉʉ tsiinɛ nɔɔ-njinjɔ-Sɛ́ yi ɑ kɑ ɡɑ́nɛ mbɔ̌ pʉʉ, kɔɔ pʉʉ tsiinɛ pɔ pɑ́Ꞌ ŋkɑ́ yi pɛ́ ɡẅɛɛ wʉ́ʉ ɡẅɛɛnɛ lɑ́, pʉʉ tsiinɛ nɛ́ tʉ́m sʉ́Ꞌnɛ, pɑ́Ꞌ Sɛ́ sɛ́ ŋ́kɔŋ. Kɔɔ pʉʉ ɡɛ pɑ́Ꞌ ŋkɑ́ yi pʉʉ lɔɔ ŋkɑ́p lɑ́, pʉʉ lɔk pɔ ŋkɔŋɛ.

1 Kɔlɛ̂ŋtɛ 9:4

Pɛk kɑ́ ɡẅɛɛ yɛ́k nɛcẅɛ́ɛ yúu ŋ́kwɛ́t, ḿbɛn ńnɔ́ mbíꞋ fɑꞋ yɛ́k pɔ́ kíi?

2 Kɔlɛ̂ŋtɛ 11:7

Ŋ kɑ ɡɔ́ ńcẅi Ŋkʉʉ Sʉ́Ꞌnɛ-Sɛ́ mbɔ̌ pʉʉ, ńcẅi pɔ níinɛ. Ŋ́kɔk mbʉʉ yɑɑ ŋ́ɡɑ́ sɛ́, nɛlɔk ŋ́kɑꞋ pɔ́ yʉ́ʉ ŋ́ɡɑ́ tʉ́ pɛ́Ꞌnɛ ɛ́ lɔk ḿbɔ́ pɔ yɛcɔ́ lɔ́Ꞌ kɛkʉ̈ɔ́?

3 Jɑ̂ŋ 1:7

MbíꞋŋɡɔ pɔ́p cʉ́ɔ sɛ̂ndúŋ pɔ nɛlɔɔ fɑꞋ-Kɛlístɔ, ḿbɛn ŋ́kɛ́ mbɔɔ ḿbɔ́ ḿbɛ́m nɛcẅɛ́ɛ yúu mi ɛ́ fúnɛ mbɔ̌ pɑkɛ́jí Sɛ́ pɔ́.