ŊwɑꞋnɛ-Gɑŋntúu Yɛ́su Kɛlístɔ 20:3 - Kɑɑ Fí

³ ńnɑ́ŋ pɛsɑŋ pɛtɑ́t tɛ ḿbɔ́ ŋ́kwɑŋɛ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ, ŋ́ɡɔ́ɔ ńzúꞋ ŋɡɔ pɑyúdɑ sɛ́ ńdɔɔ nɛjẅí wɛ́. ŃzúꞋ pɔ́Ꞌɔ, ńtsʉ́Ꞌ ńzɑ́p pɔ ŋɡɔ ɑ ɡʉ ńdɔk wɛ Mɑsɛ́ndwɑn ḿbɛn nɛ́ zúꞋu.

ŊwɑꞋnɛ-Gɑŋntúu Yɛ́su Kɛlístɔ 20:3 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 20:19

Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

ŊwɑꞋnɛ-Gɑŋntúu Yɛ́su Kɛlístɔ 25:3

«Sɛ́sẅii ɡɛ, Pɔ̂l tɔ́ tɛ ŋ́kúu Yɛlúsɑlɛm,» ńcú pɔ́Ꞌɔ, ḿbɔ́ ńdɔɔ nɛnɔŋ mɑnzɔŋ ẅí ɛ́ ɡʉ zɑ́Ꞌ Pɔ̂l sɛ̂ndúŋ ńjẅí wɛ́.

2 Kɔlɛ̂ŋtɛ 7:5

Pɛk kɑ zɛɛ ŋ́ɡʉ tɛ ŋ́kúu Mɑsɛndwɑn, wɛcɔ́ nɛjẅiitɛ pɔɔ ɡú pɔ́. Ŋɡʉ̈ɔ́Ꞌ fú mɛshʉ́ mɛshʉ́ ńtɔ́. Pʉɔ ɡɔ́ ḿbɔ́ nzɛmpíi ḿmɑꞋ wɛ́k nɛ́ ntsɔ, tʉ́m yɛ́k pɔ́ tsɛtú ḿbɔ́k mbíꞋ mɛcɔ́ mɛnu.

Ŋɡɑlɑ̂t 1:21

Ŋ kɑ pɑ́ɑtɛ ŋ́ɡʉ tsɛt mɛlɑ́Ꞌ-ŋɡɔŋ-Silîi mbɑ tsɛt mɛ́ Silisîi,

2 Kɔlɛ̂ŋtɛ 1:15

Ŋ kɑ pɔ́ ńjí ŋɡɔ ɛ́ ɡʉ ḿbɔ́ pɔ pɔ́Ꞌɔ. Ɛ́ yúu mi ɛ́ kɑ ɡɛnɛ lɑ́ n dɔɔ nɛpiitɛ ńdɛɛ njɛ́Ꞌ pʉʉ, lɑ ŋ́ɡɛ ḿbɛn ńdɛɛ, ńjí ŋɡɔ ŋ ɡʉ ŋ́ɡɛ pʉʉ tsɑ́ɑtɛ tsɑ́ɑtɛ́nɛ ŋkɑ́ yɛ́pɑ́.

ŊwɑꞋnɛ-Gɑŋntúu Yɛ́su Kɛlístɔ 21:3

Ńnɛn nɛnnɛ tɛ ḿbɔ́ ńjʉ́ɔ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ, pɛk lɔk yi ɡúŋ ntsʉ́ʉ, ŋ́kɛ́ ńnɛn nɛnnɛ tɛ ńtsʉ́Ꞌ nɛkúu ŋɡɔŋ-Silii, ńnɑ́ tsɛ́tsɑ́Ꞌ nǔu ɡúŋ-pɔ́ ŋkẅɛpmɛ, ḿbɑŋtɛ nǔu ɡúŋ-pɔ́ tʉʉ. Ɛ́ pɔ́ zʉꞋ yi pɑtɑ́ŋ mɛtɑ́ɑ ɡʉ ńtʉ́ʉ zúꞋu, ŋ́kɔk yúu-mɛtɑ́ɑ tsɛt mɑ́mɑ́ kɑnúꞋ.

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 18:18

Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.

ŊwɑꞋnɛ-Gɑŋntúu Yɛ́su Kɛlístɔ 16:9

Ɛ́ ɡɛ ḿbɔ́ yɛcɔ́ nɛtúꞋ, Sɛ́ ŋíɛꞋ mík-Pɔ̂l, ɑ jʉ́ɔ yɛcɔ́ ŋkʉꞋnɛ nu. A jʉ́ɔ wɛcɔ́ ŋu-Mɑsɛ́ndwɑn tʉ́ʉ, ḿbɔ́ ḿbúꞋ mbɔ́ mbɔ̌ wɛ́ ńcú ŋɡɔ: «Sɛ́sẅíi, tɔ́ tɛ ŋ́kúu Mɑsɛ́ndwɑn, ńcẅɛ́lɛ́ wɛ́k.»

Mɑtʉ̈ɔ 4:24

Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.

ŊwɑꞋnɛ-Gɑŋntúu Yɛ́su Kɛlístɔ 16:12

ńtɔ́ zúꞋu ńcẅɛt tsɛt kɑnúꞋ ŋ́ɡʉ nɛ́ tʉ́sɔŋ-Fílîp. Ɛ́ pɔ́ mɑ́mɑ́ tʉ́sɔŋ tsɛt pɑk-ŋɡɔŋ-Mɑsɛ́ndwɑn, mbɔ pɛ́ kɑ lɔk wɛ́ ŋ́ɡɛ yɛcɔ́ tʉ́sɔŋ-Pɑlɔ́mɑ Pɛk nɑ́ŋ zúꞋu mɛcɔ́ ndɛn mɛlɛ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 20:1

VɑꞋ ɡɛ ḿbɔ́ tɛ ḿmɛ Ɛ́fɛ̂zɛ, Pɔ̂l cúlɛ-pʉɔ-Kɛlístɔ, ńníꞋ mɛtʉʉ mɔ́p, ńdɛɛmɛ wɔ́p, ńcʉ́ɔ sɛ̂ndúŋ ŋ́ɡʉ nɛ́ Mɑsɛ́ndwɑn,

ŊwɑꞋnɛ-Gɑŋntúu Yɛ́su Kɛlístɔ 20:2

ŋ́kúu zúꞋu, ńjɛ́Ꞌ tsɛt yîyɑ́ pɑk-ŋɡɔŋ, ńnɛn ńníꞋ mɛtʉʉ pʉɔ-Kɛlístɔ ńdɔk ŋ́ɡʉ nɛ́ mbi, ɛ́fú zúꞋu ŋ́ɡʉ tɛ ŋ́kúu tsɛt pɑk-ŋɡɔŋ-Ŋɡɛlɛk ŋ́kúu zúꞋu,