ŊwɑꞋnɛ-Gɑŋntúu Yɛ́su Kɛlístɔ 20:21 - Kɑɑ Fí

²¹ Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 20:21 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

Lúkɑ́shi 13:3

Ŋɡɑ́ŋ, ɛ́ nu pɔ́. Jínɛ ŋɡɔ pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡʉ ŋ́ɡɛ ḿpfútɛ yʉ́ʉ pɔ pɑ́Ꞌ pɔ́p lɑ́.

2 Kɔlɛ̂ŋtɛ 7:10

mbíꞋŋɡɔ nɛmʉk nǔu ntɛ́ yi Sɛ́ sɛ́ ŋ́kɔŋ, ɛ́ ɡɛ ŋu kúpmɛ mɑt. Ẅîwɑ́ nɛkúpmɛ mɑt ɡɛ ŋu luk, tɛ ḿbɔ́ nu pɔɔ pʉ́k wɛ́ pɑ́Ꞌ ɑ mʉknɛ pɔ́. Lɑ́ nɛmʉk nǔu ntɛ́ yɛ́ pʉɔ-ndǔmbí, ɛ́ ɡɑ́ pɔ nɛvú.

Pʉɔ-Lɔ́mɑ 10:9

Ɛ́ lɔk ḿbɔ́ ŋɡɔ ɔ lɑɑ ńtʉ́ʉ mbi lɑ́Ꞌ, sɑ́ɑnɛ sɑ́ɑnɛ́nɛ ńtsɔ́Ꞌ ntsu wú ńcú ŋɡɔ Yɛ́su Tsɑpʉɔ, ḿbɔ́ tsɛt tʉ́m yú ḿbɔ́ ḿbɛ́m ŋɡɔ Sɛ́ kɑ ɡɛ ɑ zẅíimɛ nǔu nɛvú, mbɔ Sɛ́ ɡʉ ŋ́ɡɛ ɔ luk.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

1 Jɑ̂ŋ 5:5

Mbɔ wɔ̌ zɛɛ ńtɛn ńdɛɛ ndǔmbí? A pɔ́ pɔ ndɑꞋ ŋu ẅí ɑ pɛ́mnɛ ŋɡɔ Yɛ́su ɑ mɔ́ɔ-Sɛ́?

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

Filɛmɔ̂ŋ 1:5

Ŋ ɡɑ́ pɑ́Ꞌlɑ́ mbɔ̌ wɛ́ mbíꞋŋɡɔ mɔ sɛ́ ńzúꞋ pɛ́ lɛꞋlɛ ntɛ́ ŋkɔŋɛ yí ɔ ɡẅɛɛnɛ nzʉʉ pʉɔ-Sɛ́ mbɑ ntɛ́ yi ɔ lɔknɛ ńzɑ́p tʉ́m yú nǔu Tsɑpʉɔ Yɛ́su Kɛlístɔ.

Ɛ́fɛ̂zɛ 1:15

Pɑ́Ꞌ ŋ kɑ zúꞋnɛ ŋɡɔ pʉʉ sɛ́ ŋ́kẅiꞋ ńzɑ́p tʉ́m yʉ́ʉ nǔu Tsɑpʉɔ Yɛ́su, ḿbɛn ńzúꞋ ŋɡɔ pʉʉ sɛ́ ŋ́kɔŋ pʉɔ-Sɛ́ pɛtsʉʉ lɑ́,

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 4:24

Pɛ́ kɑ pɔ́ ɛ́sɑ́ŋ mbɑ wɛkŋɛ ɡúu, pi Sɛ́ kɑ pɔ́ ŋ́ɡʉ ŋ́ɡɛ ńdíŋɛ wɛkŋɛ, pɛkŋɛ pɔ́ ndʉ́ŋndʉŋ mbi yɛ́, pɛkŋɛ pi pɛkŋɛ zɑ́pnɛ tʉ́m nǔu jʉ́ Sɛ́ ẅí ɑ kɑ ɡɛnɛ Ndɛ wɛkŋɛ Yɛ́su Kɛlístɔ fú lɑ́Ꞌ-pɛpfú ńzẅíimɛ.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 17:30

Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

Mɑ́lɛ́kúshi 6:12

Pɔ́p ḿbɔ́ ŋ́ɡʉ, ńnɛn ɛ́sɑ́Ꞌ ŋɡɔ: «Ɛ́ sɛ́ ḿbíkŋɛ ŋɡɔ pʉɔ tsʉʉ kúpmɛ mɑt.»

Mɑ́lɛ́kúshi 1:15

«Ŋkɑ́ pɑ́Ꞌnɛ mbɔ ɛ́ kuꞋ tɛ Sɛ́ ɡʉ ńzɛ nɛnyɛt nɛfɔɔ nɛ́. Pʉʉ kúpmɛ mɑt wʉʉ, ḿbɛn ḿbɛ́m Ŋkʉʉ Sʉ́Ꞌnɛ ɛ̂wɑ́.»

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

1 Kɔlɛ̂ŋtɛ 1:22

Pɑyúdɑ nǔu yɔ́p ɡúŋ ḿbɔ́ ḿbíkŋɛ ŋɡɔ pɛ́ nyɛt yúu mi ɛ́ lɛ́Ꞌlɛ́nɛ mɛtʉʉ-Sɛ́. Pʉɔ-Ŋɡɛlɛ́k pɔ́ ḿbíkŋɛ yúu mi ɛ́ lɛ́Ꞌlɛ́nɛ kwɑꞋ jínu.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Pʉɔ-Lɔ́mɑ 1:14

Sɛ́ kɑ ɡɑ́ yɔ fɑꞋ mbɔ̌ mɔ, ɛ́ yɛ́tɛ́ lɑ ŋ ɡẅɛɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pɛtsʉʉ, mbɔ̌ pʉɔ pi pɔ́p kɑ zíꞋnɛ jínu mbɑ pinɛ pɔ́p ŋkɑɑ zíꞋ, mbɑ pɑjí ŋwɑꞋnɛ mbɑ pɑkɛ́jí.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 16:31

Pɔ́p tsɔ́Ꞌ mbɔ̌ wɛ́ ŋɡɔ: «Zɑ́p tʉ́m yú nǔu Tsɑpʉɔ Yɛ́su. A ɡɛ pʉʉ njẅɛtndɑ́ yu luk.»

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 8:25

Gɑŋntúu-Yɛ́su ɛ̂pɑ́ pɛ́pɑ́ lɔk nɛsɑ́Ꞌ sẅiŋɛ-Tsɑpʉɔ Sɑmɑlîi ɛ̂wɑ́ ŋ́ɡɛ pɛ́ jí ŋu ẅí Yɛ́su jʉ́, ḿbɛn nzʉʉ nɛ́ Yɛlúsɑlɛm, ńnɛn sɛ̂ndúŋ ńcẅi Ŋkʉʉ Sʉ́Ꞌnɛ tsɛt mɛcɔ́ mɛlɑ́Ꞌ-pɑsɑmɑlîi.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 2:40

Pyɛ̂ kɑ pɛn ńtsuŋ ńcú nu mbɔ̌ pɔ́p nɛlɔk ɛ́sẅíi wɔ́p nɛ́ yúu mi ɑ sɛ́ ńjí nǔu Yɛ́su, ḿbɔ́ ńníꞋ mɛtʉʉ mɔ́p ńcú ŋɡɔ: «Pʉʉ fú tsɛtsɛt pʉɔ pinɛ pɔ́p ndǔ mbí ŋkɔ̂ɔnɛ pi pɔ́p kɑ fɑɑnɛ sɛ̂ndúŋ ńcẅɛt ńjí ŋɡɔ pʉʉ ɡʉ ńduk.»

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

Lúkɑ́shi 13:5

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Kɔlɔsíyɛ̂ŋ 2:5

N zɛɛ ḿbɔ́ pɔ ŋɡɑ sɛsɑ, lɑ́ kwɑŋɛ yɑ́ɑ tʉ́ʉ pɔ nǔu pʉʉ. Mɔ sɛ́ ńtsɑ́ɑtɛ mbíꞋŋɡɔ n jí ŋɡɔ pʉʉ sɛ́ ńniitɛ mɛnu mʉ́ʉ sʉ́Ꞌnɛ, ḿbɛn ŋ́kúꞋlɛ nu-Kɛlístɔ tɛ ɛ́ tɛn.

ŊwɑꞋnɛ-Gɑŋntúu Yɛ́su Kɛlístɔ 24:24

Ɛ́ lɛɛ mɛcɔ́ mɛlɛ́Ꞌ, ŋɡɔmnɑɑ Fɛlɛshi pɔ́p nzwɛ́ wɛ Ndɛlẅisil ẅi ɑ mɔ́ɔ-Yúdɑ tɔ́. Ŋɡɔ́mnɑɑ cú pɛ́ ɡʉ ńdɔɔ Pɔ̂l ŋ́ɡɑ́ mbɔ̌ wɛ́, pɑ́Ꞌ ɑ ɡʉ ńzẅíꞋlɛ nu yi Pɔ̂l ɡʉ ɛ́sẅíi wɛ́ nǔu nɛzɑ́p tʉ́m nǔu Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 19:17

Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 20:23

Lɑ́ mɔ ḿbɔ́ ŋ́kúu tsɛt yɛ́tɛ́ tʉ́sɔŋ lɑ́, Zẅikŋɛ Lɛ́ɛnɛ́nɛ sẅíi wɑ́ɑ ŋɡɔ ŋ ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ mbɑ tsɑ́ŋ.