ŊwɑꞋnɛ-Gɑŋntúu Yɛ́su Kɛlístɔ 2:43 - Kɑɑ Fí

⁴³ Sɛ́ kɑ pɔ́ ńdɔk ɡɑŋntúu ŋ́ɡɛ mɛnu mɑ̌ɑmɑɑnɛ mbɑ mɛŋkʉꞋnɛ mɛnu. Pʉɔ tsʉʉ jʉ́ɔ pɔ́Ꞌɔ, ŋ́ɡɑ́ mɛkuꞋ Sɛ́.

ŊwɑꞋnɛ-Gɑŋntúu Yɛ́su Kɛlístɔ 2:43 Referans Kwoze

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.

Lúkɑ́shi 8:37

Pʉɔ nǔu wîwɑ́ shʉ́ pɛ́tsʉʉ zɛ nɛpɔ́k, ḿbɔ́k pɔ́knɛ tɛ ḿbúꞋ mbɔ́ mbɔ̌ Yɛ́su ŋɡɔ ɑ fú nǔu wɔ́p shʉ́ ŋ́ɡʉ. Yɛ́su ɡɔ́ɔ ŋ́kɛ́ ŋ́kúu tsɛt kɑnúꞋ nɛɡʉ,

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Mɑ́lɛ́kúshi 16:17

Pʉɔ pí pɔ́p pɛ́mnɛ nu yɑ́ɑ, ɡʉ ńdɑ́Ꞌ ŋ́ɡɛ mɛŋkʉꞋnɛ mɛnu: pɔ́p ɡʉ ńdɑ́Ꞌ ńdɔk lík yɑ́ɑ ńzuŋ mɛzẅikŋɛ kɛpɔŋ mi ɛ́ púunɛ́nɛ pʉɔ, pɔ́p ɡʉ ńdɑ́Ꞌ ńcú mɛsẅíŋɛ mi pɔ́p ŋkɑɑ zíꞋ,

ŊwɑꞋnɛ-Gɑŋntúu Yɛ́su Kɛlístɔ 9:40

Pyɛ̂ fú ndɑ́ ńcẅɛɛtɛ pʉɔ tsʉʉ, ńcúŋ ŋ́kẅíꞋlɛ sɛ́, ńcɛꞋlɛ Sɛ́, ḿbɛn ɛ́shɔtnɛ ńdíŋɛ mpfú, ńcú ŋɡɔ: «Tɑpítɑ, lɔ sɛ́.» Tɑpítɑ ɡɔ́ɔ ńníɛꞋ mík, ḿbɔ́ tɛ ńjʉ́ɔ Pyɛ̂, ŋ́ɡɔ́ɔ ḿbʉꞋ mbʉʉ yɛ ńnɑ́ŋ nɑ́ŋnɛ.

ŊwɑꞋnɛ-Gɑŋntúu Yɛ́su Kɛlístɔ 4:33

Sɛ́ ɡɑ́ mɑ́mɑ́ mɛtʉʉ mbɔ̌ ɡɑŋntúu-Yɛ́su ŋɡɔ pɔ́p lɔk ŋ́kẅiꞋ ɛ́sɑ́Ꞌ nǔu ntɛ́ yi pʉɔ ɡʉ ńzúꞋ ńjí ŋɡɔ Sɛ́ kɑ zẅíimɛnɛ Tsɑpʉɔ Yɛ́su nǔu nɛvú. Sɛ́ sɛ́ ńníꞋ mbɔ́tnɛ nǔu pɑpɛ́m Yɛ́su pɛtsʉʉ pɑ́ꞋtɛꞋ.

ŊwɑꞋnɛ-Gɑŋntúu Yɛ́su Kɛlístɔ 9:34

Pyɛ̂ cú mbɔ̌ wɛ́ ŋɡɔ: «Ɛ́nɛ́ɛ, Yɛ́su Kɛlístɔ ɡɛ ɔ fíitɛ. Lɔ sɛ́, kwɑꞋ ɡu niitɛ́nɛ kúu wú.» Ɛ́nɛ́ɛ ɡɔ́ɔ ńdɔ sɛ́.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 5:5

Anɑníyɑs zúꞋ yɔ sẅiŋɛ, ŋ́ɡɔ́ɔ ḿvu sɛ́ zẅikŋɛ yɛ́ tʉ́ʉ. Pʉɔ pɛtsʉʉ pi pɔ́p kɑ zúꞋnɛ yɔ nu pɔ́k.