ŊwɑꞋnɛ-Gɑŋntúu Yɛ́su Kɛlístɔ 2:29 - Kɑɑ Fí

²⁹ Pyɛ̂ pɛn ńcú ŋɡɔ: «Pɔ́ɔpɛ́mɑ́ pɑ́ɑ, pʉʉ pɛ́m ŋɡɔ ɛ sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu nǔu mɑ̂ɑŋɡɑpnjẅɛt wɛkŋɛ fɔɔ Ndɑvît. A kɑ pfú, pɛ́ tẅíi wɛ́ lɑ́ nɛshi nɛ́ kɛ ḿbɔ́ pɔ lɑ́Ꞌ zɑꞋnɛ tɛ ŋ́kúu lɔ́Ꞌnɛ pɔ́ ɔɔ!

ŊwɑꞋnɛ-Gɑŋntúu Yɛ́su Kɛlístɔ 2:29 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 13:36

Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.

Ɛ́bɛlʉʉ 7:4

Pʉʉ jʉ́ɔ pɑ́Ꞌ Mɛlkisɛdɛk lɔknɛ ḿbɔ́ mɑ́mɑ́ ŋu pɔ́Ꞌɔ, jʉ́ ẅí Ábɛlɛhɑ̂m, mɑ̂ɑŋɡɑpnjẅɛt-Pɑíslɑyɛ̂l, kɑ lɔknɛ yúu ɛ́fú ntsɔ, ŋ́ɡɑp nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 26:26

Tɛ nɑɑ kɛ́mɑꞋ Aŋɡɛlípɑ nɑ́ŋ pɑ́Ꞌɑ ḿbɔ́ ńjí pɔ tsʉʉ. Ɛ́ yúu mi ɛ́ ɡɛnɛ ɛ sɑ́ɑnɛ sɑ́ɑnɛ́nɛ ńcú nu kɛ́ pɔ́k, mbíꞋŋɡɔ n jí ŋɡɔ, yɛcɔ́ nu yi ɛ́ nǔu ɑ pɔ́ ḿmuŋɛ kɑ́ pɔ́ ɡú pɔ́. Ɛ́ zɛɛ ŋ́ɡɔ ḿbɔ́, mbɔ mîmɑ́ mɛnu ŋkɑɑ kɛ́ ńdɛɛ pɔ zʉꞋ lʉɔmɛ́nɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 2:28

Ɔ kɑ nyɛt wɑ́ɑ nɛ́ mɛsɛ̂ndúŋ mi mɔ ńdɛɛ nǔu lɑ ńduk. Mɔ ŋ́ɡɛ ńtɔ́ ḿbɔ́ zʉꞋ yí ɔ zúꞋu, nu pɔŋ wɑ́ɑ. N tsɑ́ɑtɛ tɛꞋ.»

ŊwɑꞋnɛ-Gɑŋntúu Yɛ́su Kɛlístɔ 22:5

Tɑ́tndɑ́-pɑnɔŋpɔꞋ, mbɑ cúꞋlɛ-pɑsɑ́Ꞌ lɑ́Ꞌ yɔ, sɛ́ ńjí ŋɡɔ nu yi n cúnɛ ɛ́ nɛ́nẅín. Pɔ́p kɑ zɛɛnɛ ŋ́ɡɑ́ mɛŋwɑꞋnɛ ńdɔk ńtúu wɑ́ɑ ŋɡɔ ŋ ɡʉ ńnyɛt mbɔ̌ pɔ́ɔpɛ́mɑ́ pɛkŋɛ pɑyúdɑ pi pɔ́p tsɛt tʉ́sɔŋ-Ndɑ́mɑ́s. Ɛ́ pɔ́ ŋɡɔ ŋ ɡẅɛɛ pʉɔ-Kɛlístɔ, ńdɔk wɔ́p ḿbɛn nzʉʉ nɛ́ Yɛlúsɑlɛm, nɛpɔ́ yi pɛ́ ɡʉ ŋ́ɡɛ pɔ́p jʉ́ɔ ŋɡʉ̈ɔ́Ꞌ.»